ስለ ሲ ኦፍ ቲፍስ (Sea of Thieves) ምዕራፍ 12 ሊያውቁ የሚገባዎት ጉዳዮች 

ይህ ዓመት ለሬር (Rare) እና ለመጀመሪያ ጊዜ ፕለይ ስቴሽን 5ን ለተቀላቀለው ታዋቂው ቪዲዮ ጌም ሲ ኦፍ ቲፍስ (Sea of Thieves) ፣ ታላቅ ምዕራፍ ነው። ይህን አዲስ ምዕራፍ ፊል ስፔንሰር በኤክስ-ቦክስ የንግድ ጉባዔ ላይ ካሳወቀበት ጊዜ አንስቶ ፣ በቪዲዮ ጌም አድናቂዎች ዘንድ ትልቅ ጉጉትን አሳድሯል። ሲ ኦፍ ቲፍስ ፒኤስ5 ተጫዋቾችን አጓጊ ወደሆኑ የባህር ላይ ዝርፊያዎች ፣ እና በጀብዱ የተሞሉ የባህር ላይ አሰሳዎች ላይ እንደሚያሳተፍ በገባው ቃል መሰረት ተገኝቷል። 

ይሄ ብቻ አይደለም ፣ ሬር በዚህ ብቻ አላቆመም። የመጪዎቹን ምዕራፎች አዳዲስ ይዘቶችም ይፋ አድርጓል! የባህር ወንበዴዎች ፣ ተዘጋጁ! ምክንያቱም ከባድ አፍ የሚያስከፍቱ ነገሮች ሲ ኦፍ ቲፍስ (Sea of Thieves) ይዞላችሁ እየመጣ ነው! የሚቀጥሉት ሶስት ምዕራፎች ለጀግና መርከበኞች ምን እንዳዘጋጁ ለማወቅ ማንበብዎን ይቀጥሉ! 

አዲስ የጦር መሣሪያዎች ፣ የግብዓት ስብስቦች ፣ የሰርጎ አገባብ ስልቶች... ሬር ያዘጋጃቸው አዳዲስ ይዘቶች ፥ ተጫዋቾች ሳይሰለቹ ብዙ ተግባራት ላይ እንዲሳተፉ የሚያስችሉ ናቸው። በተጨማሪም የምስል ጥራቱ ላይ በጥልቀት ግምገማ ካደረገ በኋላ ሬር አዳዲስ የጦር መሣሪያዎች ጨምሯል። የምዕራፍ 12 አጠቃላይ ይዘቶች እንደሚከተለው ተዘርዝረዋል፡- 

• ተወርዋሪ ቢላዎች/Throwing knives፡- ሁለገብ መሳሪያ ፣ ለቅርብም ሆነ ለርቀት ውጊያዎች ጥቅም ላይ የሚውል። 

• ፍሊንትሎክ ባለ ሁለት አፈሙዝ ሽጉጥ/Double-barreled flintlock pistol፡- ሁለት እጥፍ ጉዳት ማድረስ የሚችል እና ባለ ከፍተኛ ኃይል ሽጉጥ። 

• አፅም መጥሪያ/Call of the Bones፡- አብረው የሚዋጉ ተባባሪ የአፅም ሰራዊቶችን መጥሪያ ድግምት። 

• መድፍ/Scatter shot፦ አዲስ የመድፍ ቅንቡላ ፣ መርከቦችን በፍጥነት ለማስጠም የሚጠቅም። 

• ንፋስ መጥሪያ/Call of the Wind፡- የመውደቅ አደጋን ለመቀነስ የሚጠቅም የንፋስ መቆጣጠሪያ ድግምት። 

ለምዕራፍ 13 እና 14 ፣ አዳዲስ ዕቅዶች የታቀዱ ሲሆን ፥ ምዕራፍ 13 ታዋቂው ፍሌም-ሃርት ያካተተ ዓለም-አቀፍ ክስተቶችን የያዘ ሲሆን ፥ ምዕራፍ 14 ደግሞ አዳዲስ ስልታዊ መሳሪያዎች እና ልዩ ይዘቶችን በማካተት ፥ ሰርጎ-ገብ እና ስልታዊ ጥቃቶች ላይ ያተኩራል። 

ሲ ኦፍ ቲፍስ (Sea of Thieves) ምንድን ነው? ይህ መሰረቱን በነፃ እና በጀብዱ የተሞላ ዓለም ላይ ያደረገ ጌም የኤክስቦክስ እና የፒሲ ተጫዋቾችን ቀልብ መግዛት የቻለ ሲሆን ፥ ፊል ስፔንሰር እንዳለውም ከሆነ በሚመጡት ዓመታት ቪዲዮ ጌሞች በሃርድዌር የመወሰን ገደብን የማለፍ ተስፋ እንዳላቸው ገልጾል። ሲ ኦፍ ቲፍስ (Sea of Thieves) ፕለይስቴሽን 5ን ለመቆጣጠር የተዘጋጀ ሲሆን ፥ ይህም ተጫዋቾች ያለምንም ገደብ ባህሮችን እንዲያስሱ ፣ የተደበቁ ሀብቶችን እንዲፈልጉ እና ሌሎች የባህር ዘራፊዎች ጋር አስደናቂ ውጊያዎች ማድረግ እንዲችሉ ዕድል ይሰጣቸዋል። ይህ ማስፋፊያ የቪዲዮ ጌም አፍቃሪያን የሚሰበሰብ እና ጌሞችን በማንኛውም መድረክ ያለገደብ መጫወት የሚያስችል የወደፊት ተስፋን የሚያመላክት ነው።