ሚያዚያ 29 ስለተለቀቀው የሄል-ዳይቨርስ 2 አዲስ ስሪት ማወቅ የሚገባዎ ጉዳዮች 

በቅርብ የተለቀቀው የሄል-ዳይቨርስ 2 አዲስ ስሪት ፥ የጦር መሳሪያዎች ፣ ጠላቶች እና ተልዕኮዎች ላይ ብዙ ማስተካከያዎች ያደረገ ሲሆን ፥ ጋላቲክ ዲሞክራቶች ፣ እነዚህን ለውጦች በአግባቡ መረዳት ቀጣይ ለሚያደርጓቸው ወረራዎች ስልታዊ ዕቅድ መንደፍ ያስችላቸዋል። 

በዚህ ዝማኔ ውስጥ የጨዋታ ተሞክሮዎን የበለጠ አስደሳች የሚያደርጉ ለውጦችን ፣ የአጨዋወት ማሻሻያዎችን እና ወሳኝ እርማቶች ተካተዋል። 

የሄል-ዳይቨርስ 2 ፣ 01.000.300 ስሪት የተለያዩ ማሻሻያዎችን የሚያካተት ሲሆን ፥ ጌሙን ሚዛናዊ እና ቀለል ለማድረግ አንዳንድ የጦር መሣሪያዎች ላይ እና የቃጠሎ ጕዳት መጠን ላይ ቅነሳ ተደርጓል። 

ቁልፍ ከሆኑ ማሻሻያዎች መካከል፡- 

መሳሪያዎች ላይ የተደረጉ ማሻሻያዎች 

• የመሳሪያ መከላከያ ትጥቅ፡- ከ100 በላይ ደረጃ ያለው መከላከያ ትጥቅ በዚህ ስሪት ከአንገት በላይ የሚደርሱ ጥቃቶችን መከላከል ያስችላል።   

• የድል አከባበር፦ ከተልዕኮ በኋላ በተሳካ ሁኔታ ተልዕኳቸውን የተወጡ ተጫዋቾች ብቻ ድላቸውን በማስመልከት መፎከር የሚችሉ ይሆናል። 

• ፈንጂ ወርዋሪ ቀስት (CB-9 Exploding Crossbow)፡- የፍንዳታ መጠኑ እንዲቀነስ ተደርጓል። 

• LAS-99 Quasar Cannon፡- በተኩስ መካከል መልሶ የመቀባበያ ቆይታው እንዲረዝም ተደርጓል። 

• BR-14 Adjudicator፡- የጠመንጃውን ምላስ ደጋግሞ መጫን ሳያስፈልግ በራስ-ሰር (Automatically) መተኮስ እንዲያስችል ተደርጓል። 

• ስትራታጀሞችም (Stratagems)፦ ላይ ማሻሻያ የተደረገ ሲሆን ፥ የ(A/MG-43) ማሽን ጋን ሳንተሪ እና የ(A/ARC-3) ቴስላ ታወር በጦርነት ወቅት ጥቃትን የመቋቋም አቅማቸው ተጨምሯል። 

ጠላቶች ላይ የተደረጉ ማሻሻያዎች 

• ባይል ስፒወርስ (Bile Spewers)፡- የእነዚህ የጠላት ዓይነቶች ቅልጥፍናቸው እንዲገደብ የተደረገ ሲሆን ፥ ይህም በቀላሉ ኢላማ ውስጥ እንዲገቡ ያደርጋቸዋል። 

• ስኮርቸር ኸልክ (Scorcher Hulks)፡ እነዚህ  የጠላት ዓይነቶች በተጫዋቾች ላይ የሚያደርሱት ጉዳት በ20% ተቀንሷል። 

ተልዕኮዎች ላይ የተደረጉ ማሻሻያዎች 

• ካርታ፦ ካርታ ላይ የግብ ስርጭቶችን ለማረጋገጥ አነስተኛ ማስተካከያዎች የተድረገ ሲሆን ይህም ተጫዋቾች በተልዕኮ ወቅት የትም ቢሆኑ ማከናወን የሚገባቸውን ተግባራት በቀላል እንዲያቁ ይረዳል።  

• ስፕሪድ ዲሞክራሲ (Spread Democracy)፦ ስፕሪድ ዲሞክራሲ የተባለውን ተልዕኮ ፈታኝ በሆነ ደረጃ (Higher Difficulty Level) መጫወት እንዲቻል ተደርጓል።