በፎርትናይት ምዕራፍ 5 ክፍል 3 ውስጥ የተካተቱ አዳዲስ ተሽከርካሪዎች እና ማሻሻያዎች ዝርዝር 

“አንብራይድልድ” "Unbridled" በመባል የሚጠራው ፣ የፎርትናይት 5ኛ ምዕራፍ 3ኛ ክፍል ፣ አዳዲስ ይዘቶችን እና የተሽከርካሪ ማስተካከያዎችን እና መጠገኛ አማራጮችን ይዞ የመጣ ሲሆን ፣ ይህም ተጫዋቾች ተሽከርካሪዎቻቸው የምድረ-በዳውን አስቸጋሪ ፣ ወጣ ገባ ቦታዎችን እና ሁኔታዎችን መቋቋም እንዲችሉ የተለያዩ ማሻሻያዎችን እንዲያደርጉ ያስችላቸዋል። 

የተሽከርካሪ ማሻሻያዎች  

ምዕራፍ 5 ምዕራፍ 3 የሚከተሉትን የተሽከርካሪ ማሻሻያዎችን አካቷል፦ 

• ሮክ ራም (Rock Ram)፡- በተሽከርካሪዎ ፊት የሚገጠም ሲሆን ፣ በግጭት ወቅት ጉዳትን የሚቀንስ እና የተሽከርካሪውን ጥንካሬ የሚጨምር ነው። 

• ሁለገብ ጎማዎች (All-Terrain Tires)፡- እነዚህ የተሻሻሉ ጠንካራ ጎማዎች አስቸጋሪ እና ወጣ ገባ ቦታዎች ላይ ተሽከርካሪዎን ያለ ምንም እክል እንዲነዱ ያስችሎታል። 

አዲስ የተሸከርካሪ ማሻሻያ ግብዓቶች 

ከመደበኛ ማሻሻያዎች በተጨማሪ አራት አዳዲስ አማራጮች ተካተዋል፡- 

• ተሰኪ መትረየስ (Machine Gun Turret)፡- ተሽከርካሪዎ ጣሪያ ላይ ተገጥሞ ፣ ከተሽከርካሪዎ ሳይወርዱ መተኮስ ያስችልዎታል። 

• ተሰኪ ፈንጂ ወርዋሪ (Grenade Launcher Turret)፡- ይህ ከባድ መሳሪያ ከፍተኛ ጉዳት የሚያደርሱ ፈንጅዎችን መተኮስ እና ከፍተኛ ጉዳት ማድረስ ያስችልዎታል። 

• ተለጣፊ ፈረፋንጎ (Spiked Bumper)፡- ነገሮችን ወይም ተጫዋቾች ላይ ከፍተኛ ጉዳት የሚያደርስ ተሽከርካሪዎ ፊት የሚገጠም መሳሪያ። 

• ጥይት የማይበሳቸው ጎማዎች (Bulletproof Tires)፡- በውጊያ ወቅት ጥይትን እና ፍንዳታን መቋቋም የሚችሉ እና በቀላሉ የማይፈነዱ ጠንካራ ጎማዎች። 

ማሻሻያ ሳጥኖች እና መጠገኛ መሳሪያ 

የማሻሻያ ሳጥኖች በደሴቱ ዙሪያ ተበታትነው የሚገኙ ሲሆን ፣ በፍጥነት ተሽከርካሪዎን ማሻሻል ያስችሎታል። እነዚህን ማሻሻያዎች ለመጠቀም እነዚህም ሂደቶች ይከተሉ፡- 

• ተሽከርካሪዎን ቀጥታ ወደ ማሻሻያ ሳጥኑ ይንዱ። 

• ማሻሻያ ሳጥኑ ላይ በተቀመጠው ምልክት መሰረት ምነም ማድረግ ሳይጠበቅዎ አውቶማቲካሊ ተሽከርካሪዎ ይሻሻላል። 

• ቀድሞ በነበረ ማሻሻያ መተካት ወይም ተሽከርካሪዎን ወደ ነበረበት መመለስ ይችላሉ። 

ተሽከርካሪ መጠገኛዎች 

ተሽከርካሪዎ ሲጎዳ የሚከተሉትን አማራጮች በመጠቀም መጠገን ይችላሉ፡- 

• የጥገና ሳጥን፡- ተሽከርካሪዎን ሙሉ ለሙሉ ለመጠገን ፣ ቀጥታ ወደ ማሻሻያ ሳጥኑ መንዳት። 

• መጠገኛ መሳሪያ፡- ይህን ግብዓት የፈነዳ ጎማዎን ፣ የተሰበሩ መስኮቶችዎን ለመጠገን እና የተሸከርካሪዎን ጉዳት ነጥብ ለመመለስ ሊጠቀሙት ይችላሉ። 

የነዳጅ ማደያዎችም የተሻሻሉ ሲሆን ነባር የነዳጅ ፓምፖችን በማስቀረት ፣ በቀላሉ የተዘጋጁ ቦታዎች ላይ በመቆም ብቻ የተሽከርካሪዎን ነዳጅ መሙላት እና መጠገን እንዲችሉ ተደርጓል።