የኤልደን ሪንግ (Elden Ring) ቅጥያ የሆነው Shadow of the Erdtree ላይ የሚገኙ የጠላት አለቆች ዝርዝር እና ጠቃሚ ስልቶች 

ጥላማው ግዛት በአደጋዎች እና ምስጢሮች የተሞላ ስውር ግዛት ነው። በኤልደን ሪንግ አፈ ታሪክ ውስጥ ቁልፍ የሆነው ሚኬላ (Miquella) በዚህ አዲስ ታሪክ ውስጥ ትልቅ ሚናን ይጫወታል። ተጫዋቾች ስለዚህ እንቆቅልሽ ገፀ-ባህሪ ይበልጥ ማወቅ ብቻ ሳይሆን አዳዲስ ጓዶች እና ጠላቶች ጋር የመገናኘት ዕድል ይኖራቸዋል። ከእነዚህም መካከል መስመር (Mesmer) የተባለው ገፀ-ባህሪ በአስደናቂ ልዩ ችሎታዎቹ ከሁሉም ጎልቶ ይታያል። 

Shadow of the Erdtree አዳዲስ ፈታኝ የጠላት አለቆችን ያካተተ ሲሆን ፣ የእያንዳንዳቸውም አቅም ይለያያል ፥ እነሱንም ለማሸነፍ ልዩ ስልቶችን መከተል ያስፈልጋል። እነዚህን ፈታኝ የጠላት አለቆች እንደየ ደረጃቸው መጋፈጥ የሚያስችሉ ስልቶች በዚህ መመሪያ አዘጋዝተናል። 

የShadow of the Erdtree ቅጥያ ላይ የሚገኙ የጠላት አለቆችን ፣ በደረጃዎች እና ባገኟቸው ሽልማቶች መሰረት ፥ መጋፈጥ የሚችሉባቸው ስልታዊ ቅደም ተከተል እንደሚከተለው ተቀምጧል፦ 

1. የመለኮቱ አውሬ ደናሽ አንበሳ (Dancing Lion of the Divine Beast) 

2. ሬላና ፣ ባለመንትያ ሰይፏ ተዋጊ (Rellana, Knight of Twin Blades) 

3. ወርቃማው ጉማሬ (Golden Hippopotamus) 

4. ሮሚና ፣ ቅድስቷ እምቡጥ አበባ (Romina, Saint of the Bud) 

5. መስመር ባለሰንጢው (Mesmer the Impaler) 

6. ሌዳ እና ጓዶቿ (Leda and her Allies) 

7. ራዳህን ፣ (Radahn, Future Consort) ፥ የመጨረሻው እና በጣም ፈታኙ ጠላት ሲሆን ፣ የእዚህ DLC መዝጊያ አስደናቂ ውጊያን ከእዚህ ጠላት ጋር ያደርጋሉ። 

ተጨማሪ ጠላቶች 

ዋና ጠላቶችን ካሸነፉ በኋላ ፣ ተጨማሪ ሽልማቶችን ለማግኘት ሌሎች ጠላቶች ጋር መፋለም ይችላሉ። ለምሳሌ፦ ሜቲር (Metyr) ታሪኩ ውስጥ ጉልህ ቦታ ባይኖረውም ፥ ተጨማሪ ፍልሚያ እና ድልን ለሚሹ ተጫዋቾች ያገለግላል። 

ጠቃሚ ስልቶች 

እነዚህን ጠላቶች መጋፈጥ ትዕግስት ብቻ ሳይሆን ጥሩ ዝግጅትንም ይጠይቃል። ለእዚህም ይረዳዎት ዘንድ ቀጥሎ የተቀመጡትን ስልቶች ይጠቀሙ፡- 

• የጥቃት ዘዴዎችን ማጥናት፦ እያንዳንዱ የጠላት አለቆች ልዩ የጥቃት ዘዴዎችን የሚጠቀሙ በመሆኑ ፣ ጥቃትን ለመከላከል እና መልሰው ማጥቃት እንዲችሉ ስልቶቻቸውን በሚገባ ያጥኑ። 

• ትጥቆችን በአግባቡ ይታጠቁ፡- እያንዳንዱን የጠላት አለቆች የሚመጥኑ እና ጌሙ ውስጥ የተካተቱ አዳዲስ መሳሪያዎችን እና ድግምቶችን ይጠቀሙ። 

• ጓዶችን ይጠቀሙ፡- መንገድ ላይ የሚያገኟቸውን NPCዎች እርዳታ በመጠቀም ፣ አንዳንድ የጠላት አለቆችን በቀላሉ ማሸነፍ የሚችሉ በመሆኑ ፣ ትግሉን ሚዛናዊ ለማድረግ እነሱን ከመጥራት ወደኋላ አይበሉ። 

ጥላማውን ግዛት በጥንቃቄ እና በቆራጥነት ያስሱ። እያንዳንዱ የሚያሸንፏቸው የጠላት አለቆች ኤልደን ሪንግ ዩኒቨርስ ወደምትሰጠው ክብር እና ሽልማቶች አንድ እርምጃ ያቀርቦታል።