
ኒንቴንዶ እ.ኤ.አ ሰኔ 18 2024 ፣ ኒንቴንዶ ዳይሬክት ላይ ፥ (Nintendo Direct) ማሪዮ ፓርቲ ጃምቦሬ (Super Mario Party Jamboree) ፣ ዘ ሌጀንድ ኦፍ ዜልዳ ፡ ኢኮስ ኦፍ ዊዝደም (The Legend of Zelda: Echoes of Wisdom) ፣ ሜትሮይድ ፕራይም 4 ፡ ቢዮንድ (Metroid Prime 4: Beyond) ፣ እና ማሪዮ እና ሉዊጂ ፡ ብራዘርሁድ ኢፒክን (Mario & Luigi: Brotherhood Epic) ጨምሮ በርካታ በጉጉት የሚጠበቁ ቪዲዮ ጌሞችን ሊለቅ እንደሆነ ይፋ አድርጓል።
ይህን ዜና ተከትሎ ፣ ብዙ የቪዲዮ ጌም አፍቃሪያን ፡ እነዚህ አጓጊ ቪዲዮ ጌሞች መቼ እንደሚለቀቁ ጥያቄ እያነሱ የሚገኙ ሲሆን ፣ በአሁኑ ኒንቴንዶ ዳይሬክት ላይ የተሰጡ መረጃዎችን እንደሚከተለው አስቀምጠናል።
የሚለቀቅበት ዕለት
ማሪዮ እና ሉዊጂ ፡ ብራዘርሁድ ኢፒክን (Mario & Luigi: Brotherhood Epic) በጉጉት ለሚጠባበቁ ፣ መልካም ዜና ያለ ሲሆን ፣ ሰኔ 18 ላይ ኒንቴንዶ ዳይሬክት ባሳየው ማስታወቂያ መሰረት ፥ እ.ኤ.አ ህዳር 7 ፣ 2024 ኒንቴንዶ ስዊች ላይ የሚለቀቅ ይሆናል።
ይህ ገፀ-ባህሪያትን በመላበስ መጫወት የሚያስችል ጌም (RPG) ፣ ተጫዋቾች ማሪዮን ወይም ሉዊጂን በመሆን የተለያዩ ተልዕኮዎችን እንዲወጡ ያስችላቸዋል። በቅርብ የተለቀቀው ማስታወቂያም ላይ የታዩት ገፀ-ባህሪያት ፣ ታሪኩ ውስጥ ቁልፍ ሚናን የሚጫወቱ ሲሆን ፥ ተጫዋቾች ምስጢሮችን መፍታት ፣ አለቆችን ጨምሮ የተለያዩ ጠላቶች ጋር መዋጋት እና አዳዲስ ችሎታዎችን ማስከፈት ይጠበቅባቸዋል። አንዳንድ ተልዕኮዎችም ፣ የሁለቱንም ወንድማማቾች ትብብር እና ቅንጅት የሚፈልጉ ናቸው።
ጌሙ አስገራሚ ግራፊክስ እና ማራኪ ማጀቢያ ሙዚቃዎችን ያካተተ ሲሆን ፣ አዘጋጆቹ እውነተኛ ስሜት እንዲሰማዎ የሚያደርግ ፣ ተለዋዋጭ ዓለም መፍጠር ላይ ትኩረት አድርገው ሰርተዋል። ተጫዋቾች ከአስማታዊ ደኖች እስከ ምስጢራዊ ቤተ-መንግስቶች ድረስ ያሉ የተለያዩ አካባቢዎችን ማሰስ የሚችሉ ሲሆን ፣ እያንዳንዱንም አካባቢዎች ለማግኘት ምስጢሮችን መፍታት እና ልዩ ልዩ ፈተናዎችን ማለፍ ይጠባቅባቸዋል።
በተጨማሪም ፥ ተጨዋቾች በየትኛውም የዓለም ክፍል የሚገኙ ጓደኞቻቸው ጋር በመሆን ተልዕኮዎችን በጋራ መወጣት ይችላሉ። ይህ አዲስ የጨዋታ መንገድ ተጫዋቾች ተልዕኮዎችን በጋራ መወጣት እንዲችሉ ፣ የወዳጅነት ወይም የፉክክር ጨዋታዎችን ማድረግ የሚያስችላቸው አዲስ አማራጭም ነው። የማሪዮ እና የሉዊጂ የረጂም ጊዜ አድናቂዎች! አሁንም የሚወዱላቸውን አዝናኝ እና ሳቢ ስብዕና ፣ ከተጨማሪ ትኩስ እና አስደሳች የጨዋታ መንገዶች ጋር የሚያገኙ ይሆናል።