አዲስ የፎርትናይት ዝመና ፡ የምዕራፍ 5 ክፍል 3 ገፀ-ባህሪዎች እና ማጌጫዎች 

ፎርትናይት በሚያደርጋቸው እያንዳንዱ ዝመናዎች ፥ የተለያዩ ዓለማትን የሚወክሉ እጅግ ብዙ እና አዳዲስ ገፀ-ባህሪዎችን በማካተት ተጫዋቾቹን ማስደነቁን ቀጥሏል። እንደተለመደው በምዕራፍ 5 ክፍል 3ም ፣ ብዙ አዳዲስ ገፀ-ባህሪዎችን እና ማጌጫዎችን ያካተተ ሲሆን ፣ ሰኔ 22 ላይ በለቀቀው ዝመናም ለተጫዋቾች ይበልጥ አጓጊ የሆኑ ይዘቶችን ይዞ መጥቷል። 

ክፍል 3 ስሪት 30.20 ላይ የተካተቱ አዳዲስ ገፀ-ባህሪዎች 

እያንዳንዱ የፎርትናይት አዲስ ዝመናዎች ፣ አዳዲስ ገፀ-ባህሪዎችን ይዘው እንደሚመጡ የታወቀ ሲሆን ፣ ሰኔ 22 ላይ የተለቀቀው ስሪት 30.20ም ያካተታቸውን ገፀ-ባህሪያትንም ፣ ታዋቂው መረጃ አቀባይ ShiinaBR እንደሚከተለው አስቀምጧል፡- 

• ጃክ ስፓሮው (Jack Sparrow) 

• እርጉሙ ጃክ ስፓሮው (Cursed Jack Sparrow) 

• ካፕቴን ባርቦሳ (Captain Barbossa) 

• ዴቪ ጆንስ (Davy Jones) 

• ኤልዛቤት ስዋን (Elizabeth Swann) 

• ሻምፒዮን ስፓርክ-ፕለግ (Champion Sparkplug) 

• ጆይ ካሊየንቴ (Joey Caliente) 

• ፐርሰፎን (Persephone) 

• ሴፍቲ ስቲቭ (Safety Steve) 

• ሳስኪያ (Saskia) 

• ቫጋቦንድ (The Vagabond) 

ከእነዚህ ገፀ-ባህሪዎች በተጨማሪ ፣ ቮልት ቦይ ቦብልሄድ እና ፓይሬትስ ኦፍ ዘ ካሪቢያን ጋር ሽርክና በመፍጠር የተዘጋጁ የተለያዩ ማጌጫዎችም ተካተዋል። ለበለጠ መረጃ ፥ ShiinaBR ስለ ዝመናው በዝርዝር የሚዳሰስበትን ቪዲዮ መመልከት ይችላሉ። 

እንደ ቫጋቦንድ ያሉ አንዳንድ አዳዲስ ገፀ-ባህሪዎች NPCs ሊሆኑ እንደሚችሉ ልብ ማለት የሚያስፈልግ ሲሆን ፥ በተጨማሪም በጌሙ መደብር ውስጥ በጥቅል መልክ ከሚገኙት ጃክ ስፓሮው እና እርጉሙ ጃክ ስፓሮው ገፀ-ባህሪዎች በስተቀር ፣ ሌሎቹ የፓይሬትስ ኦፍ ዘ ካሪቢያን ገፀ-ባህሪዎችም NPC ሊሆኑ እንደሚችሉ ይገመታል። 

ለማስታወስ ያህል ፣ ፎርትናይት በኢፒክ ጌምስ አዘጋጅነት የታተመ የባትል ሮያል ጌም ሲሆን ፣ በዓለም ዙሪያ እጅግ በርካታ ተጫዋቾች ካላቸው እና ትርፋማ ከሆኑ ጌሞች መካከል አንዱም ነው። ጌሙ በነፃ የቀረበ ሲሆን ፣ አዘጋጆቹ በገፀ-ባህሪዎች እና ማጌጫዎች ሽያጮች የሚጠቀሙ ሲሆን ፣ ተፅዕኖ ፈጣሪዎች ደግሞ.በግብዣ ኮዶች አማካኝነት ይጠቀማሉ።