ዛል`አታህ ማን ነች? አዲሱ የዋርክራፍት War Within ዝማኔ ላይ ያላት ድርሻስ ምንድን ነው? 

ዛል`አታህ ከስውሩ ዓለም የመጣች ጥንታዊ እና ምስጢራዊ ፍጡር ነች። በሌጌዮን ማስፋፊያ ወቅት ፣ ካህናት ይጠቀሙበት የነበረ የጥቁር ኢምፓየር ስለታማ ድግምታዊ እስር ቤት ውስጥ ታስራ የነበረ ሲሆን ፥ አሁን ላይ ኤን`ዞ ከተባለ ገፀ-ባህሪ ጋር ውል ከፈፀመች በኋላ ኢናኒስ ወደ ሚባል አስማታዊ ኤልፍነት መቀየር ችላለች። 

የዛል`አታህ አመጣጥ እና ታሪክ 

ዛል`አታህ በጣም ጥንታዊ እና ኃያል አማልክት ነች! ፣ ይህች ፍጡር ከየት እንደመጣች ማንም አያውቅም። ታሪክ እንደሚገልፀው ከሆነ ፣ በእርግማን ፣ ክፉ ፍጥረታትን በማስነሳት እና ሌሎች አስማታዊ ድርጊቶችን በመፈጸም እና ለብዙ ጨለማ ዓላማዎች ስታገለገል ቆይታለች። በዚህ ጽሁፍ በአዲሱ የታሪክ ማስፋፊያ ላይ የምትጫወተውን ቁልፍ ሚና ፣ እና ተፅዕኖ እንዳሰሳለን። 

ዛል`አታህ በጦርነቱ ውስጥ ያላት ሚና 

በሌጌዮን ማስፋፊያ ፣ ዛል`አታህ ፣ አዜሮት ውስጥ የተሰካውን የሳርጌራስ ሰይፍን ለማንፃት ያገለገለች ሲሆን ፥ በአዝሮት ጦርነት ወቅት ወደ ኤልፍነት በመቀየር ከእስር ቤት ማምለጥ ከመቻሏ በስተቀር ስለሷ ምንም የሚታወቅ ነገር የለም። ላደረገቸው እርዳታ ፣ ኤን`ዞት ከሰይፉ ጋር የታሰረችበትን ሰንሰለት በመበጠስ ፣ ሙሉ በሙሉ ነፃ አውጥታታለች። 

በድራጎን በረራ ፣ በኢንፊኒቲ ጅማሮ ወቅት ፣ የክሮኖ-ሎርድ ዲዮስ ሽንፈት ፣ ለዛል`አታህ ታላቅ አጋጣሚ ነበር። ኢሪዲክሮን የተባለው ፍጡር ፣ በጣም አስፈሪ የሆነውን የጋላክሮንድን መንፈስ በማስነሳት ጥቅም ላይ ባዋለው ወቅት ፣ ዛል`አታህም ይህን አጋጣሚ ፣ አዲሱ ታሪክ ውስጥ በጣም ወሳኝ የሆኑትን እንደ አሌሪያ ያሉ ሌሎች አስማታዊ ኤልፎችን ለመቆጣጠር እንደ እድል ተጠቅማበታለች። 

አዲሱ የታሪክ ማስፋፊያ ላይ ምን ይፈጠራል? 

የወጣው ቪዲዮ ላይ ፥ በአዝሮት ዓለም ውስጥ የሚገኙ ኗሪዎች ሁሉ ራዲየንት ቻንት የሚባል እንግዳ ድምፅ እንደሚሰሙ ይታያል። ጥላማዋ ሰላይም ፣ ለአሌሪያ ይህ ድምፅ የእነሱ ፕላኔት በኃይለኛ የጨለማ ኃይል ከመጥፋቷ በፊት ይህ እንገዳ ድምጽ እነሱም ጋር ተሰምቶ እንደነበርም ትነግራታለች። 

በጦርነቱ ወቅት ፣ ዛል`አታህም የአዝ`ካሃትን እና የዳርክ ሃርት እርዳታን በመጠቀም ፣ ከመሬት በታች የሚኖሩ ኔሩቢያን የተባሉ ፍጥረታትን በመጠቀም አዲስ የጦር ሰራዊት ለማቋቋም ተዘጋጅታለች። ኔሩቢያውያን ለታማኝነታቸው የካላክሮንድ መንፈስን በመጠቀም ወደ ብርቱ ኃይለኛ ወታደር እንደምትለውጣቸው ቃልም ገብታላቸዋለች። የመጨረሻ ግቧ አሁንም ግልፅ ባይሆንም ፣ ነገር ግን ፣ በአዝሮት ውስጥ የሚገኘውን ታይታንስን መቆጣጠር እና ኃይሉን ለራሷ ማድረግ እንደምትፈልግ ጥርጥር የለውም።