የፎርትናይት አዲስ ዝማኔ 30.40 (ነሐሴ 6 ፣ 2024) 

ፎርትናይት አዲሱ ማሻሻያውን ስሪት 30.40 ፣ ማክሰኞ ነሐሴ 6 ፣ 2024 አውጥቷል። ይህ ማሻሻያ የምዕራፍ 3 የመጨረሻ እና ምዕራፍ 4 ከመጀመሩ በፊት የሚለቀቅ የመጨረሻውም ማሻሻያ ነው። 

ዝማኔ 30.40 ፣ በኢፒክ ጌምስ የተዘጋጀው ሌላ ተወዳጅ ጌም ፎል ጋይስ ጋር በተደረገ ሽርክና መዘጋጀቱ ይበልጥ በጉጉት እንዲጠበቅ አድርጎታል። ማህበራዊ ሚዲያ ላይ በቅርቡ ለወጡ መረጃ ምስጋና ይግባና ፣ በዚህ ዝማኔ ላይ ስለተካተቱ አዳዲስ አማራጮች ፍንጮችን ማግኘት ችለናል። 

በፎርትናይት ማህበረሰብ ዘንድ ታማኝነት ያላቸው መረጃ ፈልፋዮች HYPEX እና ShiinaBR ፣ በፎርትናይት ድህረ-ገጽ ላይ ከተለጠፉ መረጃዎች በተጨማሪ ያልተሰሙ መረጃዎችን አጋርተዋል። ዋና ዋና ያልናቸውን ቀጥለን በዝርዘር አስቀምጠናል፡- 

• ቴስላ ሳይበርትራክ በፎርትናይት መደብር ውስጥ ይገኛል። 

• የፎል ጋይስ ሽርክና ያካተታቸው ነገሮች፦ 

• መደብር ውስጥ መግዛት የሚችሉት "Everybody Falls (Chill Mix)" የተባለ አዲስ ሙዚቃ። 

• ፎል ጋይስን መሰረት ያደረገ እና አነስተኛ ጌሞች ያቀፈ አዲስ ካርታ። 

• “Where Are We Tripping This Time?” የሚባሉ አዳዲስ ተልዕኮዎች። 

• እነዚህን ተልዕኮዎች በማጠናቀቅ ሊያገኟቸው የሚችሏቸው አዳዲስ ማጌጫዎች። 

• በአንዳንድ ምንጮች መሰረት ፣ የሌጎ ፎርትናይት ሞድ አንዳንድ አዳዲስ ተጨማሪ ነገሮችን እንደሚያካተትም ተሰምቷል። 

• ባትል ሮያል ሞድ ላይ ፣ የሚኒ-ገን መመለስ። 

• ቅዳሜ ነሐሴ 10 የሚደረገውን ዝግጅት ቀሪ ጊዜያት የሚያሳይ ቆጣሪ እንዲካተት ተደርጓል። 

ከእነዚህ ዝመናዎች በተጨማሪ ፣ ሌከርሶች በቅርቡ የሚካተቱ ተወዳጅ ገፀ-ባህሪያትን ይፋ ያደረጉ ሲሆን ፣ ከእነሱም መካከል፡- 

• ድራገን ቦል፦ C17 እና C18. 

• ኤክስ-ሜን፡- ሳይክሎፕስ ፣ ጁብሊ እና ቆላስየስ 

• ስታር ዋርስ፡- አዲስ ገፀ-ባህሪዎቭ 

ያስታውሱ! ፎርትናይት ምዕራፍ 5 ክፍል 3 ፣ ነሐሴ 16 የሚጠናቀቅ ሲሆን ፣ የምዕራፍ 4ን ጅማሮ አስመልክቶ የሚዘጋጀው ትልቅ ዝግጅትም ፣ ለተጫዋቾች አስገራሚ ነገሮችን ያመጣል ተብሎ ይጠበቃል።