የኮል ኦፍ ዲውቲ ፡ ብላክ ኦፕስ 6 ፣ አዲስ ምዕራፍ 

ኮል ኦፍ ዲውቲ ፡ ብላክ ኦፕስ 6 ፣ እስካሁን አክቲቪዥን ከሰራቸው ምርጥ ጌሞች መካከል አንዱ ሲሆን ፣ በይፋ ይሁን አፈትልከው የወጡ መረጃዎች እና የሚናፈሱ ወሬዎች አድናዊዎቹም ላይ ይሁን ተቺዎቹ ላይ ከፍተኛ ጉጉትን እየፈጠረ ይገኛል። ምንም እንኳን አክቲቪዥን ይፋዊ ያልሆኑ እና አፈትልከው የሚወጡ መረጃዎችን ለማፈን ጠንክሮ እየሰራ ቢሆንም ፣ ቁልፍ የሚባሉ መረጃዎች ማህበረሰቡ እጅ ላይ ቀድመው በመግባታቸው ፣ ማህበራዊ ሚዲያዎች ላይ ይበልጥ ውዝገብ እና ጉጉት እንዲፈጠር አድርጓል።  

አፈትልከው የወጡ መረጃዎች፡- 

የኑክ-ታውን መመለስ፡- አፈትልከው ከወጡ ዋና መረጃዎች መካከል አንዱ አንጋፋው የኑክ-ታውን ካርታ ተመልሶ መምጣት ሲሆን ፣ ይህም ለነባር ተጫዋቾችን የሚያስደሰት እና አዳዲስ ተጫዋቾችንም መሳብ የሚያስችል ትልቅ ዜና ነው። 

አዲስ ካርታዎች፡- ብላክ ኦፕስ 6 አንጋፋውን የኑክ-ታውን ካርታ ብቻ ሳይሆን ፣ 20 አዳዲስ የብዛት ተጫዋቾች ሞድ ካርታዎችን እና፣ የተለያዩ የአጨዋወት አማራጮችንም ይዞ እየመጣ ነው። ከነዚህም መካከል 12ቱ ለክላሲክ 6ለ6 ግጥሚያዎች ፣ 4ቱ ደግሞ ለ2ለ2 ወይም ስትራይክ ሞድ የተዘጋጁ ናቸው። 

የአዲሶቹ ካርታዎች ስም ዝርዝር፡- 

• ባቢሎን 

• ካናልስ 

• ካታኮምብ 

• ዲግ 

• ፋየሪንግ ሬንጅ 2 

• ፍላት 

• ሃሴንዳ አልት 

• አይላንድ 

• ፕላጅ 

• ራዳር 

• ሬድ ካርድ 

• ራሽያን ቤዝ 

• ስቲልዝ 

• ስትሪፕ ሞል 

• ትሬን ግሬቭያርድ 

• ቪልድ 

• ቮርኩታ 

• ቮርኩታ ማይን. 

እነዚህ ልዩ ልዩ ገጽታ ያላቸው ካርታዎች ፣ ተጫዋቾች ሰፊ እን በርካታ አከባቢዎችን ማሰስ እንዲችሉ እና ልዩ የተጨዋታ ተሞክሮ እንዲኖራቸው የሚያስችሉ ናቸው። 

ተወዳጁ የዞምቢ ሞድም ጭብጡን የቀድሞዎቹ የሪኪውም ቡድን አባላት ላይ እና ፣ ኤድዋርድ ሪችቶፈንን በማካተት ፣ አዲስ ታሪካዊ ጭብጥን ይዞ የሚመለስ ይሆናል። 

"ኦምኒሙቭመንት" የተባለ አዲስ አማራጭም የሚያስተዋወቅ ሲሆን ፣ ከዚህ በፊት ታይቶ የማይታወቅ የእንቅስቃሴ ነጻነትን የሚሰጥ ሲሆን ፣ ይህም ጌሙን የበለጠ መሳጭ እና ልዩ ያደርገዋል። ይህም አዲስ ቴክኖሎጅን ከነባር ዝመናዎች ጋር በማጣመር የተዘጋጀ ሲሆን ፣ ነባር እና አዲስ ተጫዋቾችን ቀልብ በቀላሉ መማረክ የሚችል ትልቅ ማሻሻያም ነው