በአዲሱ የEA FC 25 ውስጥ የተካተቱ የኖክአውት (RRTK) ተጫዋቾች ዝርዝር

ኖክአውት (RRTK) ወደ EA FC 25 ተመልሷል ፣ አዲሱ የRRTK #3 ቡድን ጥቅምት 25 ፣ 2024 ይለቀቃል። ይህ በብዙዎች በጉጉት የሚጠበቅ ክስተት ፣ ተጫዋቾች እንደ ሻምፒዮንስ ሊግ ፣ ኢሮፓ ሊግ እና የኮንፈረንስ ሊግ ባሉ የአውሮፓ ውድድሮች ላይ የሚሳተፉ የእግር ኳስ ኮከቦችን የሚወክሉ ልዩ ካርዶችን መክፈት ያስችላቸዋል። እነዚህ ካርዶች ልዩ የሚያደርጋቸው በገሃዱ ዓለም የሚገኙ ቡድኖች ለውጦችን በሚያደርጉበት ወቅት ፣ ጌሙ ላይ ቀጥታ ዝመናን ማግኘት ማስቻሉ ነው።  

RRTK ካርዶች እንዴት ማሻሻል ይቻላል? 

• የደረጃ ጭማሪ፡- ቡድኑ ሁለት የምድብ ግጥሚያዎችን ካሸነፈ ደረጃው ላይ +1 ጭማሪ ያገኛል። 

• የጎል ጭማሪ፡- ቡድኑ በአራት የተለያዩ የቡድን ግጥሚያዎች ላይ ጎል ካስቆጠረ ተጨማሪ ማሻሻያ ያገኛል። 

• Playstyle+ እና Role++፡- ቡድኑ ከምድቡ ከፍተኛ 2 ውስጥ ሆኖ ካጠናቀቀ Playstyle+ እና Role++ ይሸለማል። 

ይህም የRRTK ካርዶችን ለማሳደግ ጥሩ ዕድል ሲሆን ፣ በተጨማሪም ተጫዋቾችም በጊዜ ሂደት ጠንካራ እና አይበገሬ ቡድኖችን እንዲገነቡ ያስችላቸዋል። 

RRTK #3 ቡድን ውስጥ የሚጠበቁ ተጫዋቾች 

ምንም እንኳን ሊካተቱ ስለሚችሉ ተጫዋቾች ዝርዝር በይፋ የወጣ መረጃ ባይኖርም ፥ አንጋፋ ከሆኑ እንደ ሪያል ማድሪድ ፣ ማንቸስተር ሲቲ ፣ ፒኤስጂ እና ባየር ሙኒክ ውስጥ የሚጫወቱ ተጫዋቾች እንደሚካተቱ ይገመታል። በቀደሙት የ RRTK እትሞች ላይ ተካተው የነበሩ ፣ እንደ ጁድ ቤሊንግሃም እና ሃሪ ኬን ያሉ ተጫዋቾች ሊካተቱም እንደሚችሉ ይጠበቃል።