ኒው ዎርልድ ፡ ኤተርነም ላይ ከፍተኛ ጉዳትን (DPS) ማድረስ የሚያስችሉ መሳሪያዎች 

ኒው ዎርልድ ፡ ኤተርነም ከብዙ የኦንላይን ጌሞች ለየት የሚያደርገው ነገር ፣ የተገደበ ስርዓትን አይከተልም። ይልቁንስ ተጫዋቾች መሳሪያዎችን ፣ ገፀ-ባህሪያትን ፣ ከሁሉም በላይ ደግሞ የጦር መሳሪያዎችን በራሳቸው ምርጫ እና ፍላጎት ማስተካከል ይችላሉ። 

1.መጥረቢያ እና ቀስት (PvP/PvE) 

የመጥረቢያ እና የቀስት ጥምርት ፣ ከርቀት ፈጣን ጥቃቶችን ማድረስ ለሚፈልጉ ተጫዋቾች ተመራጭ ሲሆን ፥ መጥረቢያው እንደልብ እየተንቀሳቀሱ ፈጣን ጥቃቶችን ማድረስ የሚያስችል ሲሆን ፣ ቀስቱ ደግሞ ከፍተኛ ጉዳቶችን ማድረስ ያስችላል። 

መጥረቢያ 

• በርዘርክ ትሪ፡- የጉዳት መጠንን ለመጨመር እና ህይዎትን ለማደስ ያገለግላል። 

• ሬለንትለስ ፊውሪ፡- በጥቃቶች መካከል ያለውን የማገገሚያ ቆይታን በመቀነስ ፣ ይበልጥ የጥቃት የማድረስ ፍጥነትን ለመጨመር ያስችላል። 

ቀስት 

• ሃንተር ማስተሪ ትሪ፡- ከርቀት የሚደረጉ ውጊያዎች ላይ ከፍተኛ ጉዳትን ለማድረስ ያስችላል። 

• ፖይዝን ሻት፡- በጊዜ ሂደት ፣ የጉዳት መጠንን መጨመር ያስችላል። 

ልዩ ብቃቶች 

• የመጀመሪያ ደረጃ፡- ቅልጥፍና 

• ሁለተኛ ደረጃ፦ ጥቃቶችን የመቋቋም አቅም 

2.የበረዶ ጓንት እና ጎራዴ (PvP እና የጠላት አለቆች) 

እነዚህ ጥምሮች ከሩቅ እና ከቅርብ ርቀት ለሚደረጉ ውጊያዎች ይጠቅማሉ። የበረዶ ጓንት ከሩቅ ለሚደረጉ ውጊያዎች አንጀት አርስ ሲሆን ፣ ጎራዴው ደግሞ በቅርብ ርቀት ውጊያዎች ወቅት ውጤታማ ያደርጋል። ከሌሎች ተጫዋቾች (PvP) ጋር ለመፋለም ይሁን ከጠላት አለቆች ጋር ለሚደረጉ ውጊያዎች ተመራጪ ናቸው።  

የበረዶ ጓንት 

• አይስ ቴምፐስት ትሪ፦ ማና ለማደስ እና አካባቢው ላይ የሚገኙ ጠላቶችን ለመቆጣጠር ያስችላል። 

• አይስ ስቶርም፦ አካባቢው ላይ የሚገኙ ጠላቶች ላይ ጥቃት ለማድረስ እና እንቅስቃሴያቸውን ለመገደብ ወይም እንዲንቀራፈፉ ለማድረግ ያስችላል። 

ጎራዴ 

• ግሬስ ትሪ፡- ለቅልጥፍና እና ለመልሶ ጥቃት ያገለግላል። 

• ፍለሪ፡- ከባድ ጉዳትን ማድረስ የሚያስችሉ ፣ ፈጣን ጥምር ጥቃቶችን ለማድረስ ያስችላል። 

 

ልዩ ብቃቶች 

• አንደኛ ደረጃ፦ ከፍተኛ የድግምት ኃይል 

• ሁለተኛ ደረጃ፦ ቅልጥፍና እና ጥቃቶችን የመቋቋም አቅም 

3.መስኬት ጠመንጃ እና ጦር (PvP) 

መስኬት ጠመንጃ PvP ላይ ከርቀት ጥቃት ለማድረስ የሚያስችል ሲሆን ፣ ከጦር ጋር ሲጣመር ደግሞ የጠላት ሠራዊቶችን የመቆጣጠር ችሎታን ይሰጣል። 

መስኬት ጠመንጃ 

• ሻርፕሹተር ትሪ፦ ከርቀት የጠላት አባላትን ዒላማ ውስጥ በማስገባት ጥቃት ለመጣል ያስችላል። 

• ፓወር ሻት፡- በአንድ ተኩስ ከአንድ በላይ የጠላት አባላትን ተኩሶ መጣል ያስችላል። 

ጦር 

• ዎፕን ማስተሪ ትሪ፡- አካባቢው ላይ የሚገኙ ጠላቶችን ለመቆጣጠር ያስችላል። 

ልዩ ብቃቶች 

• አንደኛ ደረጃ፡- ቅልጥፍና 

• ሁለተኛ ደረጃ፦ ከፍተኛ የድግምት ኃይል ወይም ጥቃቶችን የመቋቋም አቅም 

እነዚህ መሳሪያዎች ምርጥ ከሚባሉት መካከል ቢሆኑም ፣ ጌሙን ሚዛናዊ ለማድረግ በተደጋጋሚ ዝመናዎች ስለሚደረጉ ፡ የጦር መሳሪያ እና የብቃት ምርጫዎትን አዳዲስ በሚወጡ ዝመናዎች መሰረት ምርጫዎትን ማስተካከል አስፈላጊ ነው።