Call of Duty Black Ops 6 ላይ እንዴት የካሞ ሂደትን መከታተል ይቻላል? 

ተጫዋቾች በጉጉት ሲጠብቁት የነበረው Call of Duty Black Ops 6 ጥቅምት 25 ላይ በሁሉም የጨዋታ መድረኮች ላይ በይፋ ተለቋል። ይህ ጌም ልዩ ልዩ ተልዕኮዎችን ይዞ የመጣ ሲሆን ፣ በተለይ ደግሞ የጦር መሳሪያዎቻቸውን ማሻሻል ለሚሹ ተጫዋቾች ፣ መሳሪያዎች ላይ የሚያተኩሩ አስደናቂ ተልዕኮችን በውስጡ አካቷል። ለተለያዩ መሳሪያዎች የሚሆኑ ካሞዎችን ለማስከፈት ሂደትዎን መከታተል አስፈላጊ በመሆኑ ፣ እንዴት ሂደትዎን መከታተል እንደሚችሉ ቀጥለን በዝርዝር አስቀምጠናል። 

ጌሙ ውስጥ ሂደትዎን መከታተያ ዘዴ 

ሂደትዎን መከታተያው ቀላሉ መንገድ ቀጥታ ጌሙ ውስጥ የሚገኘው አማራጭ ሲሆን ፣ ቀጥለው የተዘረዘሩትን ሂደቶች በመከተል ክትትልዎን መጀመር ይችላሉ፦ 

1. ወደ ጦር መሣሪያዎች ዝርዝር ገጽ በማምራት የፈለጉትን መሳሪያ ይምረጡ እና "Customize" የሚለውን አማራጭ ይጫኑ። 

2. በመቀጠል "Camouflage" ወደሚለው ክፍል በማምራት ፥ ከዚህ ቀደም ያስከፈቷቸውን ካሞዎች እና ቀሪዎቹን ለማስከፈት ማሟላት የሚገባዎን መስፈርቶች ማግኘት ይችላሉ። 

ሌሎች ሂደትዎን መከታተያ ዘዴዎች 

በምስል የታገዙ ወይም ተጨማሪ ዝርዝር መረጃዎችን ማግኘት የሚፈልጉ ተጫዋቾች ፣ እንደ CoDMunity ያሉ ድረ-ገፆችን በመጠቀም ፣ ለሁሉም መሳሪያዎች ያስከፈቷቸውን ካሞዎች ዝርዝር ማግኘት ይችላሉ። እንደ አለመታደል ሆኖ ፣ ሂደትዎን ቀጥታ መከታተል የሚችሉባቸው አማራጮች እስካሁን የተዘጋጁ ባይሆንም ፣ ከላይ የተጠቀሱትን አማራጮች በመጠቀም ስለሂደትዎ በቂ መረጃዎችን ማግኘት ይችላሉ። 

Black Ops 6 ላይ የሚገኙ የጦር መሳሪያዎች ዝርዝር 

• ሽጉጦች፦ 9mm PM, Grekhova, GS45, Stryder .22 

• ጠመንጃዎች፦ AEK-973, AK-74, Ames 85, AS Val, Goblin MK2, GPR 91, Model L, XM4 

• ንዑስ አውቶማቲክ ሽጉጦች፦ C9, Jackal PDW, Kompakt 92, KSV, PP-919, Tanto .22 

• ስናይፐሮች፦ DM-10, LR 7.62, LW3A1 Frostline, SVD, SWAT 5.56, Tsarkov 7.62 

• ሻትጋኖች፦ ASG-89, Marine SP 

• ቀላል አውቶማቲክ ሽጉጦች፦ GPMG-7, PU-21, XMG 

• ተወንጫፊ መሳሪያዎች፦ Cigma 2B, HE-1 

• የቅርብ ርቀት መሳሪያዎች፦ የቤዝቦል ዱላ ፣ ጩቤ 

ለመሳሪያዎችዎ ካሞ ማስከፈቻ ተልዕኮዎችን እየተወጡ ይሁን ፥ ወይም ጥሩ የጦር መሳሪያ አማራጭ ለማግኘት የተለያዩ አማራጮችን እየወሰዱ ፣ Black Ops 6 ብቃትዎን ማሻሻል እና የተሻሉ ሽልማቶችን ማግኘት የሚችሉባቸውን ሰፊ ዕድሎችን ያቀርባል። በተጨማሪም በጌም ፓስ በኩል የሚገኝ መሆኑ ለመጫወት ምቹ እና ዘርፈ ብዙ ያደርገዋል።