ፎርትናይት ላይ አዲሱን የGodzilla ገፀ-ባህሪን እንዴት ማግኘት ይቻላል? 

ፎርትናይት ምዕራፍ 1 ክፍል 6 በዝግጅት ላይ የሚገኝ ሲሆን፣ ይህንንም ተከትሎ ተጫዋቾች አስደናቂውን የGodzilla ገፀ-ባህሪ መካተት በጉጉት በመጠባበቅ ላይ ይገኛሉ። ይህ ገፀ-ባህሪ የምዕራፍ 1 አጋማሽ ጃንዋሪ 17፣ 2025 ጀምሮ የሚገኝ ሲሆን፤ ፌብሩዋሪ 21፣ 2025 የምዕራፍ 1 መቋጫም ይሆናል። 

የGodzilla ገፀ-ባህሪን እንዴት ማስከፈት ይቻላል? 

• የውጊያ ማለፊያ፡- ተጫዋቾች የምዕራፍ 1፣ ክፍል 6 ፕሪሚየም የውጊያ ማለፊያ ባለቤት መሆን አለባቸው። 

• ልዩ የGodzilla ማለፊያ፡- ይህ ገፀ-ባህሪ ከዋናው የውጊያ ማለፊያ የተለየ ልዩ ማለፊያ አካል ይሆን እና ሁለት የሽልማት ክፍሎችም የሚኖሩት ሲሆን፣ የተሻሻለው የGodzilla ገፀ-ባህሪም የመጀመሪያው ክፍል ላይ፣ የመጀመሪያው ሽልማት ይሆናል። 

• ውድድሮች፡- ተጫዋቾች ጃንዋሪ 17፣ 2025 ላይ የሚወጡ ልዩ ውድድሮችን መወጣት አለባቸው። 

የGodzilla ማለፊያ ይዘት ምን ሊያካተት እንደሚችል ሙሉ በሙሉ ያልተገለጸ ቢሆንም፣  ልዩ አማራጮችን እና እንደ ኢሞት፣ መርጫዎች፣ መሰብሰቢያ መሳሪያዎች፣ የሚታዘሉ ቦርሳዎች እና ተያያዥነት ያላቸው የተለያዩ ማጌጫዎችን ያካትታል ተብሎ ይጠበቃል። 

Godzilla መጫወት የሚችሉበት ገፀ-ባህሪ ብቻ ሳይሆን፤ የፎርትናይት ደሴትም ላይ ልዩ ሚና ይኖረዋል። የምዕራፉ መጀመሪያ ላይ Godzilla የሚጫወተው ትልቅ ሚና ባይኖርም፣ ከቦታ ቦታ የሚዘዋወር የጠላት አለቃ ሚናን ሊጫወት እንደሚችል ይጠበቃል። የምዕራፉ ማስታወቂያ ቪዲዮ ላይ፣ Godzilla ሰማይ ጠቀስ ፎቆች ጋር በሚመጣጠን ግዙፍ አቋሙ ደሴቲቱ ላይ እየተንጎማለለ ሲጮኸ የታየ ሲሆን ይህም ሊኖረው ስለሚችለው ተፅዕኖ ፍንጭ ሆኖ ሊቀመጥ ይችላል። 

እርሶም የGodzilla ገፀ-ባህሪ ከመምጣቱ በፊት እነዚህን በማድረግ ተዘጋጅተው መጠበቅ ይችላሉ፦ 

1. ፕሪሚየም የውጊያ ማለፊያን ቀድመው ይግዙ። 

2. ኋላ ሊያስፈልጉ የሚችሉ ተጨማሪ ወጪዎችን መሸፈን እንዲችሉ V-Bucks ያከማቹ። 

3. ሌሎች ሽልማቶችን ለመክፈት እና Godzilla ተኮር ለሆኑ ውድድሮች ለመዘጋጀት፣ ቀድመው የውጊያ ማለፊያ ደረጃዎን ያሳድጉ።