ፎርትናይት ምዕራፍ 6 ክፍል 1 ላይ እንዴት Land Roll ማድረግ ይቻላል? 

በፎርትናይት ምዕራፍ 6፣ ክፍል 1 ላይ የተካተተው ተንከባሎ የማረፍ ቴክኒክ፣ በዝላይ ወቅት በተለይም ከፍታ ካላቸው ቦታዎች በሚደረጉ ዝላዮች ወቅት ተጫዋቾች የሚደርስባቸውን ጉዳት መቀነስ እና እንደልባቸው እንዲዘሉ የሚያስችል ጠቃሚ ቴክኒክ ነው።  

እንዴት Land Roll ማድረግ ይቻላል፡- 

1. ከከፍታ ላይ ይዝለሉ ወይም ራስዎን ይጣሉ፡- መሬት ከመድረስዎ በፊት ወይም የማረፊያ ጊዜዎ ሲደርስ የመዝለያ ቁልፉን ተጭነው ይያዙ። 

2. ተንከባለው ይረፉ፡- የዝላይ ቁልፉን እንደተጫኑ ገፀ-ባህሪዎ ምንም ጉዳት ሳይደርስበት ወዲያው ተንከባሎ ያርፋል። ይህም የመውደቅ ጉዳትን መቀነስ ብቻ ሳይሆን፣ የገፀ-ባህሪዎን አቅምንም ያድሳል። 

ተንከባሎ የማረፍ ጥቅሞች፦ 

• ከከፍታ ቦታዎች ላይ ወድቆ መጎዳትን ይቀንሳል ወይም ያስወግዳል። 

• አቅምን በመመለስ፣ በፍጥነት ወደ ሌሎች ድርጊቶች እንዲያልፉ ያስችሎታል። 

• እንደልብ የመንቀሳቀስ ችሎታን በማሳደግ፣ አደገኛ የሚባሉ አካባቢዎችን በቀላሉ ማሰስ ያስችሎታል። 

በዚህ ምዕራፍ ከተዋወቁ የተለያዩ አዳዲስ እንቅስቃሴዎች መካከል፣ የጠርዝ ላይ ዝላይ፣ የግድግዳ ዝላይ፣ የግድግዳ ላይ ሩጫ እና ተንከባሎ ማረፍ ይገኙበታል። እነዚህ አዳዲስ እንቅስቃሴዎች ለተጫዋቾች ተጨማሪ ዘዴዎችን እና አዳዲስ ስልቶችን መጠቀም ያስችላቸዋል። 

ከሌሎች ቴክኒኮች ጋር ማጣመር 

ተንከባሎ የማረፍ ቴክኒክን ከሌሎች የእንቅስቃሴ ቴክኒኮች ጋር በማጣመር መጠቀም ይበልጥ ውጤታማ ያደርጋልል። 

• የጠርዝ ላይ ዝላይ፦ ጠርዞች ላይ ከወጡ በኋላ ተንከባሎ ማረፊያውን ይጠቀሙ። 

• የግድግዳ ዝላይ፡- እንደልብ ለመንቀሳቀስ፣ የግድግዳ ዝላዮችን ካደረጉ በኋላ ተንከባለው ይረፉ። 

• የግድግዳ ላይ ሩጫ፡- ከተማዎችን በፍጥነት ለማሰስ ግድግዳ ላይ መሮጫ ቴክኒክ ጋር በማጣመር ይጠቀሙት። 

ተንከባሎ የማረፍ ቴክኒክ የጨዋታውን ስልቶች በመለወጥ፣ ቀጥተኛ እንቅስቃሴዎች በማሳደግ፣ ደህንነቱ በተጠበቀ መልኩ ማረፍን ያስችላል። በተጨማሪም፣ ከፍታ ካላቸው ቦታዎች እና ከፈታኝ ፍልሚያዎች በፍጥነት ለማምለጥ የሚያስችል ውጤታማም አማራጭ ነው። 

ይሄን ቴክኒክ በአግባቡ በመጠቀም፣ በነፃነት መንቀሳቀስ፣ ራስን የማትረፍ እና ጠላቶችን የማስደነቅ ችሎታዎን ማሻሻል የሚያስችልዎ ቴክኒክ ሲሆን፣ በተለይ ደግሞ ምዕራፍ 6 ላይ ከሚገኙ እንደ የጠላት አለቆች፣ መንፈሶች እና አስማታዊ ጭምብሎች ካሉ አዳዲስ ባህሪያት ጋር ሲደመር ደግሞ ጨዋታውን ይበልጥ አስደናቂ ያደርገዋል። 

መልካም ጨዋታ! መልካም ዝላይ!