ሊግ ኦፍ ሌጀንድስ ላይ የ​​2024 ዓመታዊ ሪፖርቴን እንዴት ማግኘት እችላለሁ? 

የዓመቱ መገባደጃ ላይ እንደመሆናችን፣ የሊግ ኦፍ ሌጀንድስ ተጫዋቾች የ2024 ጉዟቸውን መለስ ብለው መመልከት የሚችሉበት ከSpotify Wrapped ጋር ተመሳሳይነት ያለው ሪፖርት ይዘጋጅ ይሆን የሚል ጥያቄ በተደጋጋሚ አንስተዋል። ይህ አካሄድ ከዚህ ቀደም እንደ Fortnite እና VALORANT ያሉ ጌሞች ላይ የተተገበረ ሲሆን፣ ይህም ተጫዋቾች በዓመቱ ውስጥ ያገኟቸውን ስኬቶች እና ውድቀቶች መለስ ብለው እንዲያዩ አስችሏቸዋል። 

የተጫዋቾችን ጥያቄ መሠረት በማድረግም Riot Games ለVALORANT ተመሳሳይ አማራጭ ያስተዋወቀ ሲሆን፣ ሊግ ኦፍ ሌጀንድስም ይህንኑ አካሄድ የሚከተል ይመስላል። 

የ2024 አጠቃላይ ሪፖርትዎን ለማግኘት የሚከተሉትን ያድርጉ፡- 

• የግብይት መልዕክቶችን ያብሩ፡- የሪዮት አካውንትዎን ሲከፍቱ የግብይት ኢሜይሎች እንዲደርስዎ መስማማትዎን ያረጋግጡ። አጠቃላይ ሪፖርትዎን ለማግኘት ይህ ሂደት አስፈላጊ ነው። 

• ያገናኙት የኢሜይል አድራሻ፡- አጠቃላይ ሪፖርቱ አካውንትዎ ጋር ወደ አገናኙት ኢሜይል አድራሻ ይላካል። ሆኖም ግን ይህን አማራጭ ከዚህ ቀደም አብርተውት ካልነበረ፣ የዘንድሮው ሪፖርት አይደርስዎትም። 

አጠቃላይ ሪፖርቱ በውስጡ የያዛቸው መረጃዎች 

• በ2024 በአጠቃላይ የተጫወቷቸው የጨዋታዎች ብዛት 

• በተደጋጋሚ የተጫወቱበት ሻምፒዮን ገፀ-ባህሪ እና የድሎች ብዛት 

• ውድድሮች ላይ የፈፀሟቸው ግድያዎች ወይም እርዳታዎች  

• ARAM ወይም Clash ሞዶች ላይ የነበርዎ አፈጻጸም 

ይህ ሪፖርት ተጫዋቾች ጥሩ ጎናቸውን ይበልጥ ማሳደግ እንዲችሉ እና ድክመቶቻቸውን ደግሞ እንዲያሻሽሉ ያስችላል። 

Riot Games ይህን አመታዊ ሪፖርት ሊግ ኦፍ ሌጀንድስ ላይ በመደበኛነት የሚያስቀጥል መሆኑን በይፋ ያላረጋገጠ ቢሆንም፣ በተጫዋቾች ዘንድ እየጨመረ የሚገኘው ፍላጎት ግን ተወዳጅነት ማግኘቱን ማሳያ ነው። ለወደፊቱ ይህ አማራጭ እንዳያመልጥዎ ኦፊሴላዊ ማሳወቂያዎችን ይከታተሉ።