Path of Exile 2 በ2025 ይዟቸው በመምጣት ላይ የሚገኙ አዳዲስ ጉዳዮች! 

በጉጉት ሲጠብቅ የነበረው Path of Exile 2፣ የARPG ዘውጉ ላይ አብዮት ሊያስነሳ ቆርጦ ተነስቷል። የመጀመሪያው ክፍል ላይ ተወዳጅ ያደረጉት መሠረታዊ ነገሮች እንዳሉ ሆነው ጊዜውን በሚመጥን መልኩ ዘመናዊ ቴክኖሎጂዎችን ተላብሶ የመጣው አዲሱ ምዕራፍ ዲሴምበር 6፣ 2024 ላይ የቅድመ-ጨዋታ መዳረሻውን ባገኙ ተጫዋቾች ዘንድ እጅግ ተወዳጅነትን አግኝቷል። 

ለ2025 የታቀዱ እና አዳዲስ ነገሮችን ቀጥለው ይመልከቱ! 

• ባለ ሶስት ክፍል የነበሩት ክፍሎች ስድስት ክፍሎች ይሆናሉ። 

• የጌሙን የፍጻሜ ክፍል ለመጫወት መደበኛ እና ከባድ ሞዶችን ሁለት ጊዜ ያጠናቅቁ። 

• የተለያዩ የአጨዋወት ዘይቤዎች ያካተቱ አሥራ ሁለት ክፍሎች። 

• ማሻሻያዎችን የበለጠ አጓጊ እና ስልታዊ የሚያደርግ በአዲስ መልኩ የቀረበ የዕንቁ አሰጣጥ ሲስተም። 

የተጫዋቾች አስተያየቶች መሠረት በማድረግ ለወደፊት የታቀዱ መደበኛ ዝማኔዎች 

• ፈጣን እንቅስቃሴዎችን ለማረጋገጥ ተጨማሪ የፍተሻ ነጥቦች ታክለዋል። 

• የጨዋታውን ተሞክሮ ለማሻሻል የዕንቁ አሰጣጥ ማስተካከያዎች ተደርገዋል። 

• ጌሙ ላይ የነበሩ እንከኖች፣ ጥገና እና ማሻሻያዎች ተደርጎባቸዋል። 

• ከአንድ ሚሊዮን በላይ በሚሆኑ ተጫዋቾች የተሞከረ የሰርቨር ማሻሻያ። 

በ2025 ምን እንጠብቅ? 

• ዋናውን ክፍል ከቀሪዎቹ ሶስት ክፍሎች ጋር ማጠናቀቅ። 

• ከ600 በላይ የሚሆኑ ልዩ ጭራቆች እና በአጠቃላይ 100 የጠላት አለቆች። 

• የተለያዩ አሰሳዎችን ለማድረግ የሚያመቹ ከ100 በላይ የሚሆኑ ልዩ ልዩ አካባቢዎች። 

• እስከ ስድስት ተጫዋቾችን ማካተት የሚያስችል የትብብር ጨዋታ አማራጭ። 

• ሁሉም መድረኮች ላይ መጫወት የሚያስችል የክሮስ-ፕለይ አማራጭ። 

ሙሉ ጌሙ የሚለቀቅበት ቀን በይፋ ባይገለጽም፣ በ2025 መገባደጃ ላይ ይለቀቃል ተብሎ ይጠበቃል። ይህም በተጫዋቾች አስተያየት እና በቅድመ-ጨዋት መዳረሻ ወቅት በተደረገው ማሻሻያ ላይ የሚወሰን ይሆናል። 

በአስደናቂ ግራፊክስ፣ አዳዲስ መካኒኮች እና ይበልጥ መሳጭ በሆኑ ይዘቶች Path of Exile 2 ከARPG ዘውጎች ውስጥ ሊጫወቱት የሚገባ አስደናቂ ጌም መሆኑን እያስመሰከረ ይገኛል። መጪው ዓመት በተጫዋቾች ተሳትፎ እና በGrinding Gear Games አማካኝነት ታላቁን ራዕይ እውን ማድረጊያ ወሳኝ ዓመት ነው። መጪው ጊዜ ለARPG ጌም አድናቂዎችን ብሩህ ስንቅ የሰነቀ ይመስላል!