ካንዲ ክራሽ ሳጋ ማለቂያ አለው? 

ካንዲ ክራሽ ሳጋ እ.ኤ.አ በ2012 ከተጀመረ ጀምሮ፣ ማደጉንና አዳዲስ ውድድሮችን መጨመሩን ቀጥሏል። እ.ኤ.አ. በ2025 ጨዋታው አስደናቂ የጨዋታ ደረጃዎች ብዛት ላይ የደረሰ ሲሆን፣ ይህ ቁጥርም በየሳምንቱ መጨመሩን ቀጥሏል። 

ለጨዋታው ስኬት እንደ ምክንያት የሚቀመጠው መደበኛ ዝመናዎችን ማድረጉ ነው። ኪንግስ የተጫዋቾችን ተሳትፎ ይበልጥ ለመጨመር በየሳምንቱ ረቡዕ ከ30 እስከ 60 የሚደርሱ አዳዲስ ደረጃዎችን ይጨምራል። እ.ኤ.አ ፌብሪዋሪ 2024 ላይ ካንዲ ክራሽ ወደ 14,870 የሚጠጉ ደረጃዎች ነበሩት፣ ከስድስት ወራት በኋላ ይህ ቁጥር በሁሉም መድረኮች ከ17,000 ማለፉ ተዘግቧል፣ ዛሬም መጨመሩን ቀጥሏል። 

እያንዳንዱ ደረጃዎች (ከመጀመሪያዎቹ በስተቀር) 15 ውድድሮችን በሚያካተቱ ክፍሎች የተከፋፈሉ ናቸው። ደረጃ እየጨመሩ በሄዱ ቁጥር ይበልጥ እየከበደ ይሄዳል፣ ይህም የተሻለ እቅድ አወጣጥ እና የቡስተሮች ስልታዊ አጠቃቀምን ይጠይቃል። ስለዚህ "የመጨረሻው ደረጃ" የሚባል ነገር የለም። ካንዲ ክራሽ ያለማቋረጥ አዳዲስ ይዘትን እየጨመረ እንዲሄድ እና ማለቂያ የሌሽ እንዲሆን ተደርጎ የተሰራ በመሆኑ፣ የመጨረሻውን ደረጃ ፍለጋ አይድከሙ!። 

ለምን ብዙ ደረጃዎችን ማካተት አስፈለገ? ይህ የሆነበት ምክንያት፣ የካንዲ ክራሽ አፍቃሪያን ከምድር አሸዋ የበዙ በመሆናቸው እና ሁልጊዜም አዳዲስ ውድድሮችን ፈላጊ በመሆናቸው ነው። ሲቀጥል፣ በማይክሮ ግብይቶች ላይ የተመሰረተው የንግድ ሞዴል ኪንግስ የተጫዋቾችን ተሳትፎ እንዲያስጠብቅ ስለሚገፋው ነው። ሶስተኛው እና የመጨረሻው ምክንያትም፣ እንደ ካንዲ ክራሽ ሶዳ ሳጋ ወይም ካንዲ ክራሽ ፍሬንድስ ሳጋ ያሉ የተከፋፈሉ ስሪቶች ተጫዋቾችን የጨዋታውን በርካታ ልዩ ይዘቶች እንዲያስሱ ስለሚያስችላቸው ነው። 

ካንዲ ክራሽ ሳጋ እ.ኤ.አ. በ2025 ከ17,000 በላይ ደረጃዎች በማዘጋጀት እና ደረጃዎችን መጨመሩን በመቀጠል የሞባይል ጌሞች አውራነቱን ይዞ ይቀጥላል። አልፎ አልፎ የሚጫወቱ ይሁኑ መደበኛ የደረጃ ተጫዋች፣ ሁሌም ቢሆን አዳዲስ ደረጃዎች ይኖራሉ።