አዲሱ ማሪዮ ካርት ዎርልድ ምን ምን ገፀ-ባሕሪዎችን ያካተታል? 

እ.ኤ.አ ጁን 5 ቀን 2025 ኔንቴንዶ ስዊች 2 ሊለቀቅ ቀጠሮ የተያዘለት “Mario Kart World” በውስጡ በያዛቸው በርካታ ገጸ-ባህሪያት ምክንያት በዚህ ተከታታይ ጌም ውስጥ እጅግ በጣም አስደሳች ከሚባሉት ውስጥ አንዱ እንደሚሆን እየተነገረለት ይገኛል። ተወዳጅ የሆኑ የማሪዮ አርበኞችን እና አዳዲስ ገጽ-ባህሪዎችን በማዋሃድ ከ60 በላይ ሊጫወቱባቸው የሚችሉ ገጸ-ባህሪያት ያቀርባል። 

ተወዳጅ ገጸ-ባህሪያት በሙሉ የሚመለሱ ሲሆን፣ እነሱም፡- ማሪዮ፣ ሉዊጂ፣ ፒች፣ ዴዚ፣ ሮሳሊና፣ ዮሺ፣ ቦውሰር፣ ዶንኪ ኮንግ፣ ቶድ፣ ቶዴት፣ ዋሪዮ፣ ዋሉዊጂ፣ ቢርዶ፣ ሻይ ጋይ እና ኩፓ ትሩፓ ሁሉም ተመልሰዋል። ተወዳጅ የሆኑት የህጻን ስሪቶችም አሉ፡- ቤቢ ማሪዮ፣ ቤቢ ሉዊጂ፣ ቤቢ ፒች፣ ቤቢ ዴዚ እና ቤቢ ሮሳሊና ይገኙበታል። እንደ ቦውሰር ጁኒየር፣ ላኪቱ፣ ኪንግ ቡ እና ድራይ ቦንስ ያሉ ሌሎች ታወቁ ገፀ-ባሕሪያትም የሚካተቱ ይሆናል። 

“Mario Kart World”ን ከሌሎች የሚለየው አዲስ እና አስደናቂ የአሽከርካሪዎች ምርጫው ሲሆን፣ በዚህ ዙሪያ ላይ ኒንቴንዶ ልዩ ፈጠራ ላይ ትኩረት አድርጎ ሰርቷል። ታዋቂ ከሆኑ ጭማሪዎች መካከል የሜዳውስ ላሞችን መሰረት የተዘጋጀው ሙ-ሙ፣ ቢል ዶዘር የስፖርት ሜዳው ብሩት፣ ሞንቲ ሞል፣ እና ተንኮለኛው ከመሬት በታች ያለ የሚኖር ፍጥረት ይገኙበታል። እንደ ጎምባ እና ፖኪ ያሉ ክላሲክ ጠላቶችም ተካተዋል። እንደ ካታኳክ፣ ፒያንታ፣ ፔፓ፣ ዶልፊን፣ ስኖው ማን፣ ክራፕ፣ ስፓይክ እና ፔንግዊን ያሉ አዳዲስ ገጸ-ባህሪያትም ድንቅ እና ልዩ ተሞክሮን ያመጣሉ። ይህ ያልተጠበቀ ውህደት በጣም አስደሳች እና ለመገመት የሚያዳግቱ ውድድሮችን ያቀርባል። 

ይህ ብቻ አይደለም፣ “Mario Kart World” ተጨማሪ አማራጭ አልባሳትንም ያካትታል። ለአንዳንድ ገጸ-ባህሪያት ከውድድር በፊት መመረጥ የሚችሉት የተዘጋጀ ልዩ አልባሳት አሏቸው። ማሪዮን እንደ ካውቦይ፣ ፒችን በዩካታ ማስጌጥ ወይም ዴዚን የዋና ልብስ ማስለበስ ይችላሉ። ይህ ጨዋታው ላይ ምንም ዓይነት ተፅዕኖ የሌለው ሲሆን፣ ይልቅ ሁሉም ተጫዋች እንደየምርጫው የሚያማማሩ አልባሳትን በአሻቸው መንገድ ማበጀት እንዲችሉ ያስችላል። 

“Mario Kart World” 60 ገጸ-ባህሪያትን በማካተት ከ“Mario Kart 8 Deluxe” እጅግ የላቀ ከመሆኑም በላይ ለተከታታዩ እንደ አዲስ መስፈርትነት መቀመጥ ይችላል። ኔንቲዶ ባለፉት ጊዜያት እንዳደረገው ከጅማሮው በኋላ የሚወርዱ ተጨማሪ ይዘቶች (DLC) ሊኖሩ ይችላሉ። እንደ ፈንኪ ኮንግ፣ ድራይ ቦውሰር እና ዲዲ ኮንግ ያሉ ጥቂት ታዋቂ ገፀ-ባህሪዎች አሁን የሌሉ ቢሆንም፣ ነገር ግን በኋላ ላይ ተመልሰው ሊመጡ አይችሉም ማለት አይደለም። 

በአጭሩ፣ ይህ አዲሱ ማሪዮ በርካታ አዳዲስ እና አስደሳች ነገሮችን ይዞ በመምጣት ላይ ይገኛል። ለረጅም ጊዜ የቆዩ አድናቂ ይሁኑ አዲስ ተጫዋች በእርግጠኝነት የሚስማማዎትን ገጸ-ባህሪ ያገኛሉ። 

ሰኔ 5 ላይ ለመወዳደር ይዘጋጁ!