ማሪዮ ካርት ዎርልድ፡ ካርታው ይፋ አደረገ! 

ኒንቴንዶ የማሪዮ ካርት ዎርልድን በአዲስ ግዙፍ በሆነ ክፍት ዓለም ካርታ ቀይሮታል! ይህም ማለት ክላሲክ የሆኑ ትራኮች፣ አዳዲስ አካባቢዎች እና አዲስ የጨዋታ መካኒኮችን አንድ ላይ በማጣመር፣ ከሃሩር በረሃዎች እና ሞቃታማ የባህር ዳርቻዎች፣ አንስቶ እስከ እሳተ ገሞራማ ተራሮች እና በረዷማ አካባቢዎች ድረስ ያሉ ቦታዎችን ያካትታል። አሁን ላይ እንደ ማሪዮ ሰርክዩት፣ ሬንቦው ሮድ፣ ኮፓ ቢች እና ቦውሰር ካስትል ያሉ ታዋቂ ቦታዎች ትራኮች ብቻ ሳይሆኑ፣ የማሪዮ ዓለም አንድ አካል ሆነዋል! 

ምን አዲስ ነገር አለ? 

• እንደቀድሞው ከማውጫው ገጽ ውድድሮችን መምረጥ ቀርቶ፣ ውድድሮችን ለማድረግ ወደ እያንዳንዱ ትራክ መንዳት ይኖርብዎታል። 

• 29 የተረጋገጡ ትራኮች ያሉ ሲሆን፣ አንዳንዶቹ ተደብቀው የሚገኙ ሲሆን፣ ሌሎቹን ለማስከፈት ደግሞ ተልዕኮዎችን መወጣት ይኖርብዎታል። 

• አሰሳዎችን በማድረግ የተደበቁ ሳንቲሞችን፣ ምስጢራዊ ነገሮችን ማግኘት እና አዳዲስ ገፀ-ባህሪያትን ማስከፈት ይችላሉ። 

• አነስተኛ ውድድሮች፣ የቡድን ተልዕኮዎች፣ የሰዓት ገደብ ያላቸው ሙከራዎች እና ላይት RPG መካኒኮች ከመኪና ማሻሻያዎች ጋር ተካተዋል። 

ፍሪ ሮም ሞድ (Free Roam Mode) 

በጣም ከሚያስደስቱ አዳዲስ ባህሪያቱ መካከል አንዱ ፍሪ ሮም ሞድ ሲሆን፣ በዚህ ሞድም የሚከተሉትን ማድረግ ይችላሉ፡- 

• ለብቻዎ ወይም ከጓደኞችዎ ጋር እንደልብዎ መዝናናት፣ ፎቶዎችን ማንሳት። 

• አነስተኛ ውድድሮችንማድረግ ወይም ወደ ውድድር ከመግባትዎ በፊት ዘና ማለት ይችላሉ። 

• ኦንላይን ላይ 8 ከሚሆኑ ተጫዋቾች ጋር አንድ ላይ በመሆን አካባቢዎችን ማሰስ፣ ያልተጠበቁ እና አስደሳች ጊዜዎችን መፍጠር ይችላሉ። 

ክላሲክ ሞዶች (Classic Modes) 

ክላሲክ የጨዋታ ሞዶችም ከዚህ አዲስ ቅርጸት ጋር እንዲስማሙ የተደረጉ ሲሆን፦ 

• በግራንድ ፕሪክስ (Grand Prix)፦ ከአንድ ትራክ ወደ ሌላ ትራክ መጓዝ ይኖርብዎታል።  

• ኖክውት ቱር (Knockout Tour)፦ ውድድሮች በተከታታይ ካርታ ላይ ይከናወናሉ፣ ደረጃዎችን በጨመረ ቁጥር የሚወገዱ ተወዳዳሪዎች ቁጥት እየጨመረ ይሄዳል።  

• ፍሪ ሮም (Free Roam)፦ ዘና ለማለት፣ በነፃነት አካባቢዎችን ለማሰስ እና ምስጢራዊ ሽልማቶችን ማደን ያስችልዎታል።