በክሌር ኦብስኩር፡ ኤክስፔዲሽን 33 ላይ ክሊን የት ማግኘት እና እንዴት ማሸነፍ ይቻላል? 

ክሊ ጌሙ ውስጥ ከሚገኙ እጅግ አስቸጋሪ እና ድብቅ አለቆች መካከል አንዷ ስትሆን ያለችበትን ቦታ ለማወቅ ወደ Act 3 መሄድ እና ከኤስኩዌ ጋር መብረር የሚችሉበትን ችሎታ ማስከፈት ይኖርብዎታል። ይህን ችሎታ ካገኙ በኋላ፣ ከፎርጋትን ባትልፊልድ በስተሰሜን ምዕራብ አቅጣጫ ሲሄዱ ተንሳፋፊ የመስታወት ፒራሚድ ያገኛሉ። ከዚያም ከከፍታው ተነስተው በረራዎን ይጀምሩ እና የፍላይንግ ማኖር ጊቢ ውስጥ ይረፉ፣ ይህ ጊቢ ክሊን የሚያገኙበት ድብቅ ስፍራ ነው።  

ነገር ግን፣ ክሊን ከመጋፈጥዎ በፊት፣ ብቁ መሆንዎን ቀድመው ማረጋገጥ አለብዎ። ግቢው ውስጥ የሚገኝ ከመስታወት የተሰራ ማሳያ ውስጥ የተቆለፈባቸው አራት አነስተኛ ኔቭሮኖች ይጠብቁዎታል። እነዚህ ውጊያዎች የጌሙን ሲስተም መረዳትዎን እና ፈጣን የአፀፋ-ምላሽ ብቃትዎን መፈተሻ ፈተናዎች ናቸው።  

• ቢሾፕ፦ ዓይነቱ የሚወስን ቢሆንም፣ አድፍጠው በትክክለኛው ሰዓት ካላጠቁት የእሳት ነበልባል፣ የበረዶ ወይም የመብረቅ ጥቃቶችን ይጠቀማል።  

• ጎብሉ፡- ከአበቦች በስተጀርባ የሚደበቅ ቀልጣፋ ጭራቅ ሲሆን፣ በቆዬ ቁጥር ኃይለኛ ስለሚሆን በፍጥነት ያስወግዱት። 

• ላምፕ-ማስተር፦ አካባቢው ላይ የሚፈነዱ መብራቶች የሚያዘንብ በመሆኑ፣ ከጥቃቱ ራስዎን በመከላከል በፍጥነት ያስወግዱት።  

• ግዌሊስት፦ የመጨረሻው እና ፈታኙ ሲሆን፣ ፈጣን እና ጥምር ጥቃቶቹን መከላከል አስቸጋሪ በመሆኑ፣ ቀድሞ ካደረጓቸው ውጊያዎች ያከማቿቸውን ጉርሻዎች ጥቅም ላይ ማዋል እንዲችሉ ከእሱ ጋር የሚያደርጉትን ፍልሚያ መጨረሻ ላይ ቢያደርጉት ይመከራል። 

አራቱንም አነስተኛ ጠላቶች ካሸነፉ በኋላ፣ የመቅደሱ በር ይከፈታል፣ ከዚያም ወደ ክሊ አውደ ጥናት ከመግባትዎ በፊት ገደል መሻገር ይጠበቅብዎታል፣ አውደ ጥናቱ ውስጥም የጌሙ ፈታኝ እና ቴክኒካል የሆኑ ውጊያዎች ይጠብቁዎታል። ክሊን ማሸነፍ እንዲችሉ ቡድንዎ ቢያንስ ደረጃ 75፣ መሳሪያዎ ደግሞ ደረጃ 32 ሊሆኑ ይገባል።  

• ሜል፦ የክሊን ዋና ድክመት መጠቀም እንዲችሉ የሜልን ስውር ጥቃቶች ይጠቀሙ።  

• ሞኖኮ፦ የ"Creation Void" ብቃቱ ከፍተኛ ጥቃቶችን መሰንዘር ስለሚያስችለው፣ ለዚህ ውጊያ እጂግ ወሳኝነት አለው። 

• ሳይል፦ በመጨረሻም የሚጠብቅዎ ውጊያ ረጅም፣ ጥንቃቄን የሚጠይቅ እና ትንሽ የምትባለው ስህተት ዋጋ ስለሚያስከፍልዎ ሳይልን ወይም እንደሱ ሌላ አስተማማኝ ፈዋሽ ቢያዘጋጁ ይመከራል። 

ክሊን ፈታኝ የሚያደርጋት ክሮማቲክ ኦራዋ በመሆኑ ቶሎ መልሰው ማጥቃት ካልቻሉ ህይወቷ ወዲያውኑ ይታደሳል፣ አንዳንዴ እስከ መቶ ሺዎች የሚደርሱ የህይወት ነጥቦችን ልታስመልስ ትችላለች። ስለዚህ ጊዜን ያገናዘበ የመከላከል ስልት መጠቀም እጅግ ወሳኝነት አለው። ህይወቷ በግማሽ ከቀነሰ በኋላ የውጊያ ስልቷን ሙሉ በሙሉ ትቀይራለች፣ ጥቃቶቿ ፈጣን፣ ለመተንበይ አስቸጋሪ፣ እና የመጠቃት እድሏ እየጠበበ ይሄዳል። አንድ ሦስተኛ የሚሆን ህይወት ሲቀራት ደግሞ፣ ከገጸ-ባህሪዎችዎ አንዱን ሊውጥ የሚችል የአበባ ቀንበጥ ትጠራለች፣ ይህ ማለት ሁለት የቡድን አባላት ብቻ ይቀርዎታል ማለት ነው። እዚህ ደረጃ ላይ ሲሆኑ ውጊያውን በተቻለ ፍጥነት ማጠናቀቅ አማራጭ ሳይሆን ግዴታ ነው። 

ስለዚህ እዚህ ላይ መጠቀም ያለብዎ ስልት፣ ሶስት ግራዲየንት ቻርጆችን ለመሰብሰብ በጥንቃቄ መጫወት ሲሆን፣ ልክ ቻርጁ እንደሞላ፣ በአንድ ምት ከፍተኛ ጥቃት ማድረስ እንዲችሉ የሜልን “ኢሬሹር” ጥቃት ይጠቀሙ። የሜልን ስውር ጥቃቶች ደጋግመው መጠቀም አቅሟን ለማዳከም እና ህይወቷል ዳግም ማደስ እንዳትችል ይረዳዎታል። 

ክሌያን በማሸነፍ የሚያገኟቸው ሽልማቶች 

• የክሌያ ላይፍ ፐርፌክት ክሮማ ካታሊስት 

• ሶስት ግራንዲዮስ ክሮማ ካታሊስቶች 

• የክሌያ ህይወት ፒክቶግራም፦ የመጨረሻው ጥቃት ከተደረገብዎ በኋላ ምንም ጥቃት ካልሰነዘረብዎ ህይዎትን ሙሉ በሙሉ የሚመልስ ወሳኝ መፈወሻ። 

ክሌያ በጣም አስቸጋሪ ከሆኑት አለቆች አንዷ ነች፣ ነገር ግን ትክክለኛውን ስትራቴጂ በመጠቀም ሊያሸንፏት እና ልዩ ሽልማቶችን ማግኘት ይችላሉ!