Dofus በዝማኔ 3.1 ወደ ዩኒቲ 6 ማሻሻያ አድርጓል 

ኦፕሬሽን ኮንሶሊዴሽን በሚል ርዕስ እ.ኤ.አ አፕሪል 22፣ 2025 የተለቀቀው ይህ አዲስ ዝማኔ ዶፉስን ወደ ዩኒቲ 6 በማሳደግ የጨዋታውን አፈጻጸም፣ አጨዋወት እና ሚዛናዊነት አሻሽሎ ያቀርባል። እስቲ ምን አዲስ ነገር እንዳለ እንመልከት! 

ቴክኒካል ማሻሻያ፡ ዩኒቲ 6  

አሁን ላይ ዶፉስ ዩኒቲ 6 ላይ የሚሰራ ሲሆን፣ ይህ ትልቅ ለውጥ ረጅም የሙከራ ሂደት ላይ መቆየቱ ሰፊ የማስተካከያ ጊዜን የወሰደ ቢሆንም፣ በስተመጨረሻ ውጤቱ እጅግ አስደናቂ መሆን ችሏል። የተኳሃኝነት ችግር ሊከሰት ስለሚችል፣ ከሜይ በፊት ሲስተሞቻችህን ማዘመን እንዳትረሱ ለማስታወስ እንወዳለን።  

የጭራቆች እና የውጊያ ማስተካከያዎች 

• በፍሪጎስት ያሉ ጭራቆች HP ተስተካክሎ ወጥነት እንዲኖረው ተደርጓል። በተለይም እንደ Boufmouths እና Truches ካሉ ቡድኖች ጋር የሚደረጉ ውጊያዎች ላይ ማስተካከያ የተደረገለት በመሆኑ ውጊያዎች ይበልጥ ሚዛናዊነት እንዲኖራቸው ያደርጋል። 

• ለአዳዲስ ተጫዋቾች ፍትሃዊ ጨዋታን ለማቅረብ ሲባል ዝቅተኛ ደረጃ ያላቸው ብዙ የጭራቅ ድግምቶች እንዲስተካከሉ ተደርጓል። 

 

ዲቫይን ዳይሜንሽን 

• እንደ "Crippling Movement" እና "Crippling Summon" ያሉ አዲስ የውጊያ ማሻሻያዎች ዲቫይን ዳይሜንሽን ላይ እንዲጨመሩ የተደረገ ሲሆን፣ ይህም የጌሙን ስልታዊ አካሄድ ይበልጥ ይጨምራል። 

• የአርክሞንስተሮች እና የባውንቲ ዒላማዎች ዳግም የመፈጠሪያ ቆይታ ፈጣን እንዲሆን ተደርጓል። 

የመሳሪያ እና የክፍል ማሻሻያዎች 

• ነባር ስብስቦች ላይ ከተደረጉ ጉልህ ማሻሻያዎች ባሻገር አዳዲስ መሳሪያዎች ተካተዋል።  

• እንደ ፒራሚድ እና ከርስድ ሴትስ ያሉ መሳሪያዎች ማሻሻያ የተደረገላቸው ሲሆን፣ PvP ላይ የሚገኙ ከባድ መሳሪያዎች ደግሞ አቅማቸው እንዲቀነስ ተደርጓል። 

• Forgelave Dofus ተሻሽሎ አቅሙ ተጨምሯል። 

• Éliotrope የተስተካከለ ሲሆን፣ ፖርታሎች ላይ የተሻለ ጨዋታ ለማድረግ የ+20% ጭማሪ ተደርጎበታል። 

• Steamer፣ Sadida፣ Forgelance እና Écaflip PvP ላይ ባላቸው ከፍተኛ አቅም ምክንያት አቅማቸው እንዲቀነስ ተደርጓል። 

• Cra፣ Xelor፣ Enutrof፣ Ouginak እና Iop በትንሹ አቅማቸው እንዲቀነስ ተደርጓል። 

• Eniripsa፣ Pandawa፣ Sram፣ Roublard እና Féca ተመጣጣኝ እንዲሆኑ በማሰብ የተወሰነ ማሻሻያ ተደርጎላቸዋል። 

• ሁሉም ምድብ-ተኮር መሳሪያዎች፣ በተለይ አነስተኛ AP ያላቸው አቅማቸው እንዲቀነስ ተደርጓል። 

ዶፉስ 3.1 በዩኒቲ 6 ልዩ ልዩ ማስተካከያዎችን፣ የተሻሻለ የጨዋታ ልምድን እና ፍትሃዊ ውጊያዎችን ይዞ በቃሉ ተገኝቷል።  

ዝግጁ ነዎት?