ጂፒ ኤክስፕሎረር 3 ላይ ማንነቱ ያልተገለፀው ቡድን ማን ይሆን? ሚስተር ቢስት? ካይ ሴናት? ኬ.ኤስ.አይ…? 

ጂፒ ኤክስፕሎረር 3 በ2025 ከሚደረጉት ትልቅ ዝግጅቶች አንዱ ለመሆን እየተሰናዳ ይገኛል። በSqueezie አማካኝነት የሚዘጋጀው ይህ ውድድር በሌ ማንስ የሚገኘውን ታዋቂውን ቡጋቲ ሰርኪውት በድጋሚ የሚያደምቀው ይሆናል። ታዋቂ ሰዎች፣ ተጽዕኖ ፈጣሪዎች፣ የኢንተርኔት ኮከቦች… አንድ ላይ በመሆን ቀድሞውኑ ተቀጣጥሎ የነበረውን የፎርሙላ 4 ውድድር ይበልጥ ነዳጅ ሊያርከፈክፉበት የሚታደሙ ይሆናል። ቀድሞውኑ ዝነኛ ሰዎች እንደሚገኙ ታውቆ የነበረ ቢሆንም፣ አንድ በቅርቡ አምልጦ የወጣ መረጃ ይበልጥ ነገሮችን አጓጊ አድርጓቸዋል። እሱም ሁለት አንጋፋ አሜሪካዊ ተጽዕኖ ፈጣሪዎች በአስራ አንደኛው ሰዓት ከውድድሩ በመውጣታቸው፣ አዲስ ማንነቱ ያልተገለጸ 12ኛ ቡድን እንደሚኖር ተሰምቷል። 

ይህ The Last Race በመባል የተሰየመው ምዕራፍ፣ አንጋፋ እና አዲስ ተወዳዳሪዎችን የሚያካተት ሲሆን እንደ ጎታጋ፣ ጂልሲ፣ ማክሲም ባያጊ፣ ሚስተር ቪ፣ ካትአፕ እና ማግላ ያሉ ታዋቂ ተወዳዳሪዎችን እና እንደ ሊያ ኤሉዊ፣ ኮኮቴ (ኩዊቤክ)፣ ራፐር ፒ.ኤል.ኬን እና እንደ ሉድቪግ፣ ሚካኤል ሪቭስ፣ ካርቼዝ እና አንደር ያሉ ዓለም አቀፍ አንጋፋ እንግዶችም ይታደሙበታል። በአጭሩ፣ ፈረንሳዊ ዝግጅት መሆኑ ቀርቶ ወደ ዓለም አቀፋዊ ድግስነት ተሸጋግሯል። 

እንግዲህ ውዝግቡ የተነሳው እዚህ ጋር ነው፤ ሙሉ በሙሉ የአሜሪካ ዜግነት ያላቸው እና ታዋቂ ሁለት ኮኮቦችን ያካተተ ቡድን ውድድሩን መቀላቀል የነበረበት ቢሆንም፣ በይፋ ከሚነገርበት አራት ቀናት በፊት ከውድድሩ መውጣታቸው ተሰምቷል። Squeezie ራሱ ሜይ 10 ባደረገው የቀጥታ ስርጭት ላይ 12ተኛው ቡድን አሜሪካዊያን መሆን የነበረበት ቢሆንም፣ አሁን ላይ ግን ምንም የተረጋገጠ ነገር እንደሌለ ገልጿል። ከዚያን ቀን ጀምሮ ማህበራዊ ሚዲያዎች በአድናቂዎች ግምት እና ሀሳቦች መጥለቅለቁን ቀጥሏል። 

በተደጋጋሚ ይሆናሉ ተብሎ ስማቸው ከተነሳ ሰዎች መካከል ሚስተር ቢስት እና ካይ ሴናት ወይም iShowSpeed ሲሆኑ፣ ሁለቱም በፈረንሳይ በስፋት የሚታወቁ፣ እጅግ ትልቅ አቅም ያላቸው በመሆናቸው ለጂፒ ኤክስፕሎረር ፍጹም ተስማሚ ያደርጋቸዋል። ትላልቅ ዝግጅቶች ላይ ልምድ ያላቸው እነሎጋን ፖል እና ኬ.ኤስ.አይ፣ እንዲሁም ቫልኪሬ፣ ከፖኪማን ጋር በጥምረትር ሊሆኑ ይችላሉ የሚሉ ግምቶችም ሲሰጡ ሰንብተዋል። 

እስካሁን ምንም በይፋ የተገለጸ ነገር ባይኖርም፤ Squeezie ሁለተኛው ይፋዊ ማስታወቂያ እና የቲኬት ሽያጭ የሚጀምርበት ቀን እ.ኤ.አ. ጁን 8 እንደሆነ አሳውቋል። የጉጉቱ መጠን ከቀን ወደ ቀን እየተፋፋመ፣ አድናቂዎችም የታዋቂ ሰዎቹን ማንነት ለማወቅ ቀናትን በመቁጠር ላይ ይገኝሉ።