ሪማች ላይ ጀማሪ ይሁኑ፣ በብቃትዎ የሚተማመኑ ተጫዋች፣ እያንዳንዱን ጨዋታ ማሸነፍ የሚያስችሉዎ 5 ወሳኝ ስልቶች! 

ሰላም ቤተሰቦች! ሪማች ላይ ያለምንም ተቀናቃኝ ማሸነፍ እንዲችሉ የሚያግዙዎትን 5 ወሳኝ ስልቶችን በዝርዝር አዘጋጅተንልዎታል። ይህ በስሎክላፕ (Sloclap) የተሰራው የእግር ኳስ ውድድር ጨዋታን የሚያደርጓቸውን እንቅስቃሴዎች፣ ስልቶች እና ፈጣን ግብረ-መልሶች በአግባቡ መቆጣጠርን የሚጠይቅ ስልታዊ ጨዋታ ነው። 

ተቃራኒ ቡድንን ማወዛገብ የሚያስችሉ ስልታዊ ክህሎት 

አስደናቂ የማጣጠፍ ብቃትን ለመጠቀም (PS ላይ R1 + Cross / Xbox ላይ RB + A)፣ ሩሌት (L2 + Cross x2) ወይም ድራግ ባክ ደግሞ (L2 + Cross) ተከላካዮችን በቀላሉ መሸወድ ያስችልዎታል። ደጋግመው በመለማመድ ጨዋታዎች ላይ በተቀላጠፈ ሁኔታ ተከላካዮችን በማደናገር፣ ቦታ ለማስከፈት ሊጠቀሟቸው ይችላሉ። 

የሜዳውን ግድግዳዎች መጠቀም 

ሜዳው ኳሱን አንጥረው በሚመልሱ የማይታዩ ግድግዳዎች የታጠረ ነው። ኳሱን ለማንጠር፣ ለቡድን አዳሮችዎ ያልተጠበቁ ኳሶችን ለማቀበል ወይም ግብ ጠባቂውን የሚያስጨንቁ የማዕዘን ምቶችን ለመምታት ሊጠቀሙበት ይችላሉ። የተወሰነ ልምምድን የሚጠይቅ ቢሆንም፣ አንዴ ከለመዱት ግን ተቃናኒ ቡድኖችን በሚያስገርም ሁኔታ ግራ ማጋባት ያስችልዎታል። 

ትኩረትዎን ከትንሹ ካርታ ላይ አይንቀሉ 

ትኩረትዎን ኳሱ ላይ ብቻ ማድረግ ቀላል ነው፣ ሆኖም ግን ከታች በስተቀኝ ጥግ ላይ የሚገኘው አነስተኛ ካርታ ከሚያስቡት በላይ እጅግ ጠቃሚ ነው። ካርታው የእርሶን እና የተቃራኒ ቡድን ተጫዋቾች በሙሉ የት እንደሚገኙ ያሳይዎታል። ይህም እንዴት መቀማት፣ መንሸራተት፣ እንዲሁም ኳሶችን ማቀበል ወይም መምታት እንዳለብዎ ቀድመው እንዲያቅዱ ይረዳዎታል። 

ኳስን የመግፋት እና የመቆጣጠር ስልትን በመቀያየር መጠቀም 

ኳስ መግፋት (X/A) ፍጥነትዎን ለመጨመር እንዲሁም ተጠልፈው ኳስ እንዳይቀሙ ያግዝዎታል። ኳሱን ከተከላካዮች በላይ ለማሳለፍም ቀለል ያለ ሎብ (R1/RB + X/A) መጠቀምም ይችላሉ። መቼ ኳሱን መቆጣጠር እንዳለብዎ ወይም መቼ ወደፊት መግፋት እንዳለብዎ ቀድሞ መረዳት ከመቀማት ያድንዎታል። 

በብልህነት ይከላከሉ 

ማጥቃት ወሳኝ እንደሆነው ሁሉ መከላከል መቻል ቁልፍ ጉዳይ ነው። የተቃራኒ ቡድን ተጭዋቾችን ከኳሱ ለመለያየት፣ የሸርታቴ ጥቃትን (L1/LB + ክብ/B)፣ ለፈጣን ግፊያዎች ደግሞ (Circle/B)፣ ምቶችን በብቃት ለመከላከል (L2/LTን ተጭነው ይያዙ) እንዲሁም አየር ላይ ያሉ ኳሶችን ለመያዝ (R1/RB + ትሪያንግል/Y) መጠቀም ይችላሉ። በተጨማሪም ጥቃቶችን በትክክለኛው ሰዓት ለመከላከል defense mode እና dashን በማጣመር (L2/LT + X/A) ይጠቀሙ። 

ድልን ተመኘን! መልካም ጨዋታ!