የሪማቹ Bladeshot ምንድን ነው እና እንዴትስ መተግበር ይቻላል? 

Bladeshot ፈጣን እና የማይዛነፍ የምት ዓይነት ነው። በቅድሚያ ኳሱን በቀስታ ወደፊት በመግፋት ይጀምሩ፣ ከዚያ ኳሱን ላይ ደርሳችሁ ወደ ግብ ጠባቂው ለመጠለዝ ከመሮጥዎ በፊት፣ ኳሱን ወደላይ ፈንቀል ያደርጉታል። ይህ ጥምረት ከማዕዘን ወይም የቅጣት ምት ክልል ጠርዝ አጠገብ ለሚደረጉ ሙከራዎች እጅግ ተስማሚ ነው። ይህን ስልት በመጠቀም ተከላካዮችን ማለፍ እና አቅጣጫ በማስቀየስ ግብ ጠባቂውን በማወዛገብ ግብ ማስቆጠር ያስችልዎታል። 

Bladeshotን ለመተግበር ተከታታይ ድርጊቶቹን በፍጥነት መፈፀም ይጠበቅብዎታል። በቅድሚያ ኳሱን Aን (Xbox) ወይም Xን (PlayStation) በመጠቀም ይግፉ፣ RBን (Xbox) ወይም R1ን (PlayStation) በመንካት ኳሱን ወደላይ ፈንቀል ያድርጉት፣ በመቀጠል ሩጠው ኳሱን እንደያዙ ወዲያውኑ ይጠልዙት። ተከላካዮቹ በቀላሉ ሊያግዱብዎ ወይም ሊቀሙዎ ስለሚችሉ፣ ሳያመነቱ ጊዜዎን በአግባቡ ሊጠቀሙት ይገባል። 

Bladeshotን በጣም አሪፍ የሚያደርገው የመጀመሪያው ነገር፣ ድንገተኛ እና የማይጠበቅ መሆኑ ነው። ብዙውን ጊዜ ኳሱን ወደላይ ፈንቀል ሲያደርጉ ግብ ጠባቂው ተደናግጦ ቦታውን እንዲለቅ ያስገድደው እና በኳሱ ከፍታ እና በምቱ መካከል ያለውን ፍጥነት ለመገመት አስቸጋሪ ያደርግበታል። በተጨማሪም ሁለገብ ነው፤ ድሪብል ካደረጉ ወይም ኳስ ከነጠቁ በኋላ ሊጠቀሙት ይችላሉ። ለማዕዘን ምቶች ወይም የቅጣት ምቱ ክልል ጠርዝ አጠገብ ለሚደረጉ ምቶች እጅግ ውጤታማ ነው። 

ስኬታማ ለመሆን አዘውትረው ሊለማመዱት ይገባል። ለዚህም፣ ሪማች ዋና ማውጫ ገጹ ላይ የልምምድ ሞድን ያቀርባል፣ ይህን አማራጭ በመጠቀም ጊዜ አጠባበቅ፣ የተለያዩ የማዕዘን ምቶችን እና ኳሱን ከልክ በላይ ከመምታት ለመዳን በምን ያህል ፍጥነት መሮጥ እንዳለብዎ መለማመድ ይችላሉ። በተጨማሪም ይህን ስልት በሰፊው የሚያብራሩ ቪዲዮዎችን YouTube ወይም TikTok ላይ መመልከት ይችላሉ። 

የበለጠ ክህሎትዎን ለማሳደግ፣ Bladeshotን የሚጠቀሙባቸውን ሁኔታዎች እየቀያየሩ ይሞክሩ። እንዲሁም የግብ ጠባቂውን አቋም ቀድመው በመገምገም፣ መደበኛ ምት በመጠበቅ ላይ ከሆነ Bladeshotን ከተጠቀሙበት እጅግ ሊያደናብሩት ይችላሉ። እንዲሁም ተከላካዩችን ለማደናገር እንደ ድሪብል ወይም step-overs ያሉ ሌሎች ስልቶችን ለመተግበር አያመንቱ።