ሪማች (Rematch) ላይ አስተማማኝ ምቶችን በመምታት ግቦችን እንዴት ማስቆጠር ይቻላል? 

በሪማች ስሎክላፕ (Sloclap) አርኬድ የእግር ኳስ ሲሙሌሽን ላይ ግብ ማስቆጠር ከዕድል ወይም ከብቃት በላይ ብልሃት የተሞላባቸው ስልቶችን መጠቀም ይጠይቃል። የኳስ ምት ሲስተሙ ልዩ እና ስልታዊ በመሆኑ ግብ ጠባቂዎች ላይ ግብ ለማግባት ያልተዛነፈ ዒላማ፣ የምት ጥንካሬ እና ኳስን መቁረጥ (Spin) መሠረታዊ ስልቶች ናቸው። በዚህ መመሪያ የሚያገኟቸውን እያንዳንዱን ዕድል ወደ ግብነት እንዴት መቀየር እንደሚችሉ እና አለ የተባለ አጥቂ መሆን እንዴት እንደሚችሉ ይረዳሉ። 

ትክክለኛ የኳስ አመታት በዋናነት በካሜራ እና በሬቲክል ቁጥጥር ላይ የተመሠረተ ነው። ኳስ ለመምታት በቀኝ የሚገኘውን የጆይስቲክ ቁልፍ (right stick) በመጠቀም ዒላማዎን ያነጣጥሩ እና ኳሱን መምታት ወደሚፈልጉበት አቅጣጫ ሬቲክልሉን ያስቀምጡ። የመምቻ ቁልፉን (R2 or RT) ይዘው በቆዩ ቁጥር የምቱ ጥንካሬ ይበልጥ ይጨምራል፤ ሆኖም ግን ኃይሉን ለመጨመር የተወሰነ ጊዜ ይወስዳል። ለቅርብ ርቀት ምቶች ደግሞ፣ ግብ ጠባቂውን ለማደናገር ቁልፉን ቶሎ ነካ አድርጎ መልቀቅ ይመከራል። 

ከፍተኛ ጥንካሬ ያላቸው ምቶች በሰዓት እስከ 140 ኪ.ሜ ድረስ የሚሄዱ ቢሆንም፣ ግብ ጠባቂዎች በቀላሉ የሚሄዱበትን አቅጣጫ መለየት ስለሚችሉ፣ ኳሱን ከግብ መከላከል እንዲችሉ ተጨማሪ ጊዜ ይሰጣቸዋል። ሁልጊዜ ኳስ ሲመቱ ካለው ሁኔታ ጋር የሚሄድ መሆን አለበት። ለምሳሌ፡- የፍጹም ቅጣት ምት ክልል ውስጥ ሲሆኑ ፈጣን ምቶችን፣ ርቀት ላይ ከሆኑ ደግሞ ጠንካራ ምቶችን ቢጠቀሙ ይመከራል። እንዲሁም አስተማማኝ ምት ማድረግ እንዲችሉ፣ የአቅም መለኪያዎን (stamina bar) መከታተልዎን አይርሱ። 

ሪማች (Rematch) ውስጥ ከሚገኙ ድንቅ ባህሪያት አንዱ የግራ ጆይስቲክን (left stick) በመጠቀም ኳሱን መቁረጥ (Spin) ሲሆን፣ ኳሱን ወደ ጎን ለማሽከርከር (ከርቭ ወይም በእግር ውጭኛ በኩል የሚደረግ ምት) ደግሞ ቁልፉን ወደ ግራ ወይም ቀኝ ያዘንብሉት። ወደ ታች ሲጫኑት ኳሱ ወደ ታች እንዲወርድ የሚያደርገው ሲሆን፣ ወደ ላይ ከፍ ሲያደርጉት ደግሞ ኳሱ ከፍ እንዲል ያደርገዋል። እነዚህ ስልቶች ግብ ጠባቂዎችን ለማደናገር እና ተከላካዮችን ለማለፍ እጅግ ጠቃሚ ዘዴዎች ናቸው። 

• ታጣፊ (Curved) ምቶች ኳሱን የግቡ ማዕዘኖች ለማሳረፍ ወይም ተከላካዮችን የሚያልፍ ምት ለማድረግ። 

• ወደ ታች የሚወርዱ ምቶች አይበገሬ ግብ ጠባቂን ለማደናገር ወይም ከመረቡ ስር ለመምታት ተመራጪ ናቸው። 

• ከፍ ያሉ ምቶች ከሩቅ ለማጥቃት ወይም ከተከላካዮች በላይ አየር ላይ ለመላክ ጥሩ ናቸው። 

እንዲሁም ከርቭ እና ዳይቪንግ ምቶችን በማጣመር ይበልጥ ያልተጠበቁ ምቶችን ማድረግም ይችላሉ። ያስታውሱ፦ ምትዎ በጠነከረ ቁጥር የሽክርክሪቱ መጠን እየቀነሰ ይሄዳል፤  ስለዚህ ተመጣጣኝ ከርቭ ወይም ዲፕ ለማግኘት መጠነኛ ኃይል ይጠቀሙ።