ፎርትናይት ምዕራፍ 6 ክፍል 3 ላይ የሚገኘው Patience ሣጥን የት ይገኛል? ጥቅሙን ምንድን ነው? 

የPatience ሣጥን ፎርትናይት ምዕራፍ 6 ክፍል 3 ውስጥ ከሚገኙ አስገራሚ ነገሮች መካከል አንዱ ነው። ጌሙ ውስጥ ከለመድነው አካሄድ ወጣ የሚያደርገው ነገር፤ ለማግኘት ረጅም ጊዜን መውሰዱ እና ከፍተኛ ትዕግስትን መጠየቁ ነው። 

ይሄንን ሣጥን ለማግኘት ከፈለጉ፣ ከፎክሲ ፍለድጌት በስተሰሜን ምስራቅ በኩል፣ ከበርድ ቱ ጎ እና ዩቶፒያ ሲቲ ብዙም ሳይርቅ የሚገኝ አነስተኛ እና ጸጥ ወዳለ ህንፃ መሄድ ይኖርብዎታል። አካባቢው የት እንደሚገኝ ካወቁ ቤቱ ገለልተኛ ቦታ ላይ የሚገኝ በመሆኑ ለማግኘት ቀላል ነው። ቤቱ ውስጥ እንደገቡም ታዋቂው ሣጥን እንደ ወጥመድ ተቀምጦ ይጠብቃችኋል። 

ማወቅ ያለብዎት ነገር ግን ይሄ እንደተለመደው ዓይነት ሣጥን አይደለም። በጥቂት ሴኮንዶች እከፍተዋለው የሚል ሃሳብ ካለዎት ይርሱት፣ ይህን ሣጥን ለመክፈት ለ10 ደቂቃዎች ሙሉ ምንም ጥቃት ሳይደርስብዎ፣ ጥቃቶችን ለመከላከል ሳይሞክሩ በአጠቃላይ ምንም ሳይንቀሳቀሱ ቀጥ ብለው መጠበቅ አለብዎት። ይህም ማለት አንድ ሰው ቢያጠቃዎ ወይም ቢንቀሳቀሱ እንደገና ከመጀመሪያው መጀመር ይኖርብዎታል። ይህን እንደቀላል ጉዳይ እንዳያዩት፣ ትክክለኛውን ጊዜ መጠቀም፣ ስውር ቦታ ፈልገው መደበቅ፣ እና ማንም እንዳይመጣብዎት መፀለይ ብቻ ነው ያለዎት አማራጭ። 

ስለዚህ 10 ደቂቃ ፍንክች ሳልል ከጠበኩ በኋላ ምንድን ነው የማገኘው? መልሱም፣ ይህ ነው የሚባል ምንም የተረጋገጠ ነገር የለም። የሚያገኙት ነገር በዘፈቀደ ሲሆን የሚመጣው፣ ወሳኝ የጦር መሳሪያዎች፣ የፈውስ ብልቃጦች፣ ወርቅ እና የተለያዩ ግብዓቶች ሊሆኑ ይችላል፤ እውነቲን ለመናገር ጨዋታን አቋርጦ ለአስር ደቂቃ የሚያስቆም ምንም አንገብጋቢ ነገር የለውም። እቃዎቹን ለመውሰድ ሣጥኑን መስበር እንኳን አይችሉም፣ ዝም ብሎ ነው የሚጠፋው። 

ታዲያ መሞከሩ ጠቃሚ ነው ወይስ? እውነቱን ለመናገር ይህን ያህል አስፈላጊ ወይም ከስልት አካሄድ አንፃር ስናየው የሚመከር እርምጃ አይደለም። ግን ቢያንስ አንዴ ሊሞክሩት የሚገባ አስደሳች እና አዝናኝ ነው። ኤፒክ ጌምስም ይህንን በማሰብ ይመስላል እንዲካተት ያደረጉት። አንዳንዶች የመካተቱን ጉዳይ ቢደግፉትም፣ ሌሎች ፋይዳ ቢስ የሚል አስተያየታቸውን ሰጥተዋል።