ሱፐርማን ፎርትናይት ላይ ከአዳዲስ ኃይሎቹ ጋር ብቅ ብሏል! 

ፎርትናይት እ.ኤ.አ. ጁላይ 11፣ 2025 "ሱፐር" በሚል ርዕስ ምዕራፍ 6 ክፍል 3 ላይ ሱፐርማንን ወደ ደሴቱ በመቀበል አዲስ ምዕራፍ ጅምሯል። ይህ አዲስ ምዕራፍ፣ ዴቪድ ኮረንስዌት ለመጀመሪያ ጊዜ ዋናው ገፀ-ባሕሪ በመሆን የሚጫወትበት እና በጄምስ ጉን የተዘጋጀው አዲሱ የሱፐርማን ፊልም የተለቀቀበት ጊዜ ጋር መመሳሰሉ ድንገተኛ አጋጣሚ አይደለም። ተጫዋቾች በBattle Pass አማካኝነት ማስከፈት የሚችሉት የሱፐርማን አልባስ ላይም የዴቪድ ኮረንስዌት ገፀ-ባሕሪ ጥቅም ላይ መዋሉም፣ በሲኒማ እና በቪዲዮ ጌሞች መካከል የሚኖሩ ግንኙነቶችን በትልቁ ያጠናክራል። 

ጌሙ ውስጥ ሱፐርማንን ለመሆን ሱፐርማን ሰሞን ክሪስታል (Superman Summon Crystal) ያስፈልጋል፣ ይህም በBattle Royale እና Zero Build ግጥሚያዎች ላይ በዘፈቀደ የሚገኝ ሲሆን፣ ይህን ክሪስታል የማግኘት እድሉ የቀናው ተጫዋችም፣ ደሴቲቱ ላይ መብረር፣ thermal visionን በመጠቀም ሕንፃዎችን በአንድ እይታ ማፍረስ፣ በልዕለ ኃይል ምት ሁሉንም ነገር ጠራርጎ ማውደም ወይም በአቅራቢያ ያሉ ጠላቶችን ወደ ኃላ የሚመልስ የኃይል ሞገድ መልቀቅ እና በርካታ እጅግ አስደናቂ ኃይሎችን ያገኛል። አንዳንድ አፈትልከው የወጡ መረጃዎችም፣ አድርቆ የሚያስቀር ትንፋሽ (freezing breath power) ሊኖር እንደሚችልም ጠቁመዋል። ነገር ግን እነዚህ ችሎታዎች በቋሚነት አይዘልቁም፣ እነዚህ ችሎታዎች ያሉት ተጫዋች አንዴ ከተወገደ ወደ ሌላ ተጫዋች ይተላለፋሉ። ጌሙ ላይ ክሪስታል በሚታይበት ወቅት በተጫዋቾች ዘንድ ትልቅ ውጥረት እና በመላው ካርታ ላይ ትልቅ የጦር መሣሪያ ውድድር ይጀምራል። 

ማጌጫዎችን (cosmetics) አስመልክቶ፣ Battle Pass ያላቸው ተጫዋቾች እ.ኤ.አ. ከጁላይ 11 በኋላ 12 ደረጃን በመጨመር የሱፐርማንን አልባስ ማስከፈት ይችላሉ። አልባሱ ሌሎች ነገሮችንም የሚያካትት ሲሆን፡- ዴይሊ ፍላይት (Daily Flight) የተባለ መብረሪያ፣ የካባ መለዋወጫ (cape back)፣ ክሪስታል ስማሸር (Crystal Smasher) የሚባል ማጭድ መሰል መሣሪያ፣ ሱፐር ሴቭ ኢሞት (Super Save emote) እና የጂም ሊን መጽሐፍ መሠረት በማድረግ በእስክርቢቶ እና ቀለም የተሳለ ኮሚክ መጽሐፍ ይገኙበታል። እነዚህ ሁሉ እስከ እ.ኤ.አ. ኦገስት 7፣ 2025 ድረስ የተለያዩ ተልዕኮዎችን በማጠናቀቅ ወይም ደረጃዎን በማሳደግ ማስከፈት ይችላሉ። 

የፎርትናይት ደሴትም አንዳንድ ለውጦችን የተደረጉበት ሲሆን፣ የሱፐርማንን ታዋቂ የአርክቲክ ምሽግ በአዲስ መልኩ ለመፍጠር፣ እ.ኤ.አ. ከጁላይ 15 ጀምሮ ፎርትረስ ኦፍ ሶሊቲውድ (Fortress of Solitude) የሚካተት ይሆናል። ይህም ቦታ ተጫዋቾች የወርቅ አሞሌዎችን በመጠቀም ሱፐርማን ጋር መገናኘት የሚችሉበት አዲስ መስተጋብራዊ ቦታ በመሆን ያገለግላል። ሌላው የሱፐርኖቫ አካዳሚ (Supernova Academy) መካተት ሲሆን፣ ተጫዋቾች ልዩ እቃዎችን ማግኘት እና የመሪዎች ሠንጠረዥ ላይ ደረጃቸውን ከፍ ማድረግ የሚችሉበት አዲስ ቦታ ነው። አካዳሚ የቴክኖሎጂ የምርምር ማዕከልም (Academy Tech Labs) እንዲሁ አዳዲስ ነገሮችን አስተዋውቋል፡- በንክኪ የሚፈነዳ ተስፈንጣሪ የእጅ ቦምብ፣ በየሶስት ተኩሶች የሚከሰት የDMR የፍንዳታ ኢፌክት (DMR explosive-effect) እና ተጫዋቾች በዝግጅቱ ላይ ያላቸውን ደረጃ መሠረት በማድረግ የሚሰራ Surging Speed Boon የተባለ የሩጫ ፍጥነትን መጨመሪያ ይገኙበታል።