ሮብሎክስ፡ Grow a Garden ላይ የቤት እንስሶቻችንን መልክ እንዴት መቀየር ይቻላል? 

በቅድሚያ፣ ዋናው መንደር ውስጥ ከሚገኘው እንቁላል ነጋዴ ቀጥሎ ወደሚገኘው "Mutation Cell" ይሂዱ። ሁሉም ነገር የሚከናወነው እዚሁ ነው። ነገር ግን ያስታውሱ፣ መሻሻል የሚችሉት የቤት እንስሳት ደረጃቸው ቢያንስ 50 የደረሱ ብቻ ናቸው። ስለዚህ በደንብ ሊንከባከቧቸው፣ ሊመግቧቸው፣ የአትክልት ስፍራዎ ላይ የሚደረጉ ተግባራት ላይ ሊያሳትፏቸው እና ከሁሉም በላይ ታጋሽ መሆን ይጠበቅብዎታል። 

አስፈላጊው ደረጃ ላይ ከደረሱ በኋላ በቀላሉ የE ቁልፍን በመጫን መሳሪያውን ያስጀምሩ፣ ከዚያም መለወጥ የሚፈልጉትን የቤት እንስሳ ይምረጡ። ሚውቴሽን ውድ ሂደት ሲሆን፣ ወደ 500 ሚሊዮን የሚጠጉ ሳንቲሞችን (ወይም ነገሮችን ማፋጠን ለሚፈልጉ ደግሞ ሮበክስ ጋር የሚመጣጠን) ወጪን ይጠይቃል። ሂደቱ አብዛኛውን ጊዜ አንድ ሰዓት ያህል ይወስዳል፣ ነገር ግን ፕሪሚየም ገንዘብን በመጠቀም ሂደቱን ማፋጠን ይቻላል። ሂደቱ እንደተጠናቀቀ፣ የቤት እንስሳዎ አዲስ መልክን ይላበሳል . . . አልፎ አልፎም ሙሉ በሙሉ አዳዲስ ችሎታዎችንም ሊጎናጸፍ ይችላል። 

እያንዳንዱ ሚውቴሽን የተለያዪ ውጤቶች ያሉት ሲሆን፣ አንዳንዶቹ መልክን ብቻ ሲቀይሩ፣ ሌሎቹ ደግሞ የጌሙን አጨዋወት ይቀይራሉ። የቤት እንስሳዎ ግዙፍ፣ ትንሽ፣ ወርቃማ፣ ባለቀስተ ደመና ቀለም ወይም በነጎድጓድ ወይም በብርሃን የተሸፈነ ሊሆን ይችላል። እነዚህ ለውጦች፣ ኦራዎች (auras)፣ ደማቅ ቀለሞች፣ የኤሌክትሪክ ተፅእኖዎች፣ ተንሳፋፊ ወይም የሚያበሩ ወይም መጠናቸውን የሚቀይሩ የቤት እንስሳትን በመፍጠር አስደናቂ ምስላዊ ተፅዕኖዎችን ያስገኛሉ። በአጭሩ፣ የአትክልት ቦታዎን ሙሉ በሙሉ መቀየር እና የቤት እንስሳዎትን ልዩ ማድረግ የሚያስችሉ ብዙ መንገዶችን ያቀርባል። 

ከስታይል ባሻገር አንዳንድ ሚውቴሽኖች ስልታዊ ጥቅሞችንም ይሰጣሉ። ራዲያንት (Radiant) የሆኑ የቤት እንስሳት የእጽዋትዎን እድገት ያፋጥናሉ፣ ሾክድ (Shocked) የሆኑት በዐውሎ ነፋስ ወቅት የፍራፍሬዎች ሚውቴሽንን ያካሄዳሉ፣ አስሴንድድ (Ascended) የሆኑ የቤት እንስሳት በበኩላቸው ያልተለመዱ የፍራፍሬ ዓይነቶችን የማግኘት እድልዎን ይጨምራሉ። እነዚህ ጥቅማጥቅሞች ምርትዎን ማሻሻል፣ እድገትዎን ማፋጠን ወይም ገቢዎን በከፍተኛ ሁኔታ መጨመር ያስችሉዎታል። 

የሚውቴሽን ዓይነቶች (ካላቸው ተጽዕኖ፣ ገጽታ እና ብርቅነት አንፃር)፦  

• ሜጋ (Mega)፦ ትልቅ መጠን፣ ፈጣን የኤክስፒ (XP) ጭማሪ - 6.43% 

• ታይኒ (Tiny)፦ አነስተኛ መጠን፣ ረሃብን ይቀንሳል - 6.43% 

• ጎልደን (Golden)፦ ቀጣይነት ያለው የ+10% ጉርሻ፣ ወርቃማ - 6.43% 

• ሬይንቦው (Rainbow)፦ ቀጣይነት ያለው የ+20% ጉርሻ፣ የቀስተ ደመና ድብልቅ - 3.22% 

• ራዲያንት (Radiant)፦ የእጽዋት እድገትን ማፋጠን፣ የሚያበራ የቤት እንስሳ - 3.22% 

• ሾክድ (Shocked)፦ መብረቅን መሳብ፣ ባለ ኤሌክትሪክ ፍራፍሬዎች - 3.22% 

• አይረንስኪን (IronSkin)፦ የተሰረቁ ፍራፍሬዎችን ማስመለስ፣ ብረታማ ገጽታ - 3.22% 

• አስሴንድድ (Ascended)፦ የፍራፍሬ ሚውቴሽን፣ የሚያበራ ልዩ ገጽታ - 0.32% 

አንዳንድ ሚውቴሽኖች ብርቅዬ፣ ወይም ልዩ ዝግጅቶች ላይ ብቻ የሚገኙ ናቸው። ስለዚህ ከጥቅማቸውም ሆነ ካላቸው ለየት ያለ ስታይል አንፃር እጅግ ተፈላጊ እና ውድ ናቸው።