EA Sports FC 26፡ እ.ኤ.አ. ሴፕቴምበር 26፣ 2025 ላይ ከመለቀቁ በፊት ማወቅ ያለብዎ ጉዳዮች! 

EA Sports FC 26 በ2025 መጨረሻ ሊለቀቅ ቀጠሮ የተያዘለት ሲሆን፣ በተለይ ለኒንቴንዶ ተጫዋቾች አስደሳች ነገርን ለማምጣት ተዘጋጅቷል። የሚጠቀሙት አዲስም ይሁን አሮጌ ኮንሶል፣ በዚህ ዓመት የተሟላ እና ከመቆራረጥ ነፃ የሆነ ጨዋታ ለመጫወት ይዘጋጁ። 

በሁሉም ፕላትፎርሞች በይፋ የሚለቀቅበት ቀን እ.ኤ.አ. ሴፕቴምበር 26፣ 2025 ሲሆን፣ ቀድመው መጫወት ለሚፈልጉ ተጫዋቾች ደግሞ Ultimate Editionን በመግዛት ወይም EA Play (ወይም Game Pass Ultimate) ሰብስክራይብ በማድረግ ከሴፕቴምበር 19 ጀምሮ መጫወት የሚችሉበት አማራጭም ተዘጋጅቷል። እንደተለመደው፣ ቀድመው የመጫወት እድል የሚያገኙት ቁርጠኛ እና ጨዋታውን በአግባቡ ለመጫወት ዝግጁ የሆኑ ተጫዋቾች ናቸው። 

ፕላትፎርምን በተመለከተ፣ EA Sports FC 26 በPS5፣ PS4፣ Xbox Series፣ Xbox One፣ PC ላይ የሚካተት ሲሆን በNintendo Switch እና Nintendo Switch 2 ላይ ደግሞ በልዩ ሁኔታ ይካተታል። እንደ "Legacy Edition" ያሉ ቀላል እና የተገደቡ የጨዋታ ሞዶዎችም ቀርተው፣ የኒንቴንዶ ተጫዋቾች ሙሉ በሙሉ ጨዋታውን ማጣጣም እንዲችሉ ተደርጓል። እንዲሁም የተሻሻለ ግራፊክስ፣ ሁሉም የጨዋታ ሞዶች (Ultimate Team፣ Career፣ Clubs፣ Street…), Switch 2 ላይ የcross-play አማራጭ፣ መደበኛ ዝማኔዎች… ብቻ ምን አለፋችሁ ምንም የሚቀር ነገር አይኖርም። በስተመጨረሻ የስዊች ስሪቱ ከሌሎች ፕላትፎርሞች ጋር እኩል የተሟላ የጨዋታ ተሞክሮን የሚያቀርብ ይሆናል። 

እንደተለመደው፣ ጌሙ ሲጀመር፡ Standard እና Ultimate የተባሉ ሁለት ዓይነት እትሞች ይኖራሉ። Ultimate Editionን ቀድመው ሲያዙ በይፋ ከሚለቀቅበት 7 ቀን በፊት ቀድመው የመጫወት እድል እና እስከ 6,000 FC points (4,500 በSwitch ላይ)፣ ጌሙ እንደተጀመረ FUT Icon፣ እና ጨዋታዎን ለመጀመር የሚረዱ ይዘቶችን የመሳሰሉ ጥቅማ ጥቅሞችን ያገኛሉ። የSwitch ስሪቱ ላይ ጥቂት ፓኮች ሊጎድሉ ቢችሉም፣ ለጨዋታው የሚጠቅሙ አስፈላጊ የሆኑ ነገሮች ግን በሙሉ ግን ይኖራሉ። 

በርካታ አዳዲስ ነገሮችም አሉ! በርካታ የጌሙ ክፍሎች የተስተካከሉ ሲሆን፤ ለምሳሌ፦ የተሻሻለ የኳስ አገፋፍ፣ ቀልጣፋ ኳስ አቀባበል፣ በAI የታገዘ ተከላካይ፣ እና ጎል ጠባቂዎችም ይበልጥ አይበገሬ እንዲሆኑ ተደርጓል። የCareer modeም የተሻሻለ ሲሆን፤ ምስጋና ለLive Manager Challenges አዳዲስ ሁኔታዎች እና የተጫዋቾችን ስልት ማስተካከያዎች እንዲካተቱ ተደርጓል።