Fortnite እና Dragon Ball Daima፣ አዳዲስ ማስጌጫዎች፣ ኢሞቶች እና ውድድሮች  

ፎርትናይት አስደናቂ ሽርክና ሊያደርግ እንደሆነ የሚጠቁም አስደሳች ዜና ተሰምቷል። ዜናው፣ ፎርትናይት የDragon Ball Daima ተከታታይ አኒሜን መሠረት ያደረጉ ልዩ ልዩ ማስጌጫዎችን ሊያካትት እንደሆነ የገለጸ ሲሆን፣ ይህም የፎርትናይት አፍቃሪያንን እጅግ በጣም አስደስቷል። ዜናው እ.ኤ.አ ጁላይ 24 ላይ በውስጥ አዋቂዎች እና መረጃ አቀባዮች አማካኝነት የተሰራጨ ሲሆን ተከታታይ አኒሜው በዓለም አቀፍ ደረጃ ገና አለመተላለፉ ደግሞ ይበልጥ ነገሮችን አጓጊ አድርጓቸዋል። 

Fortnite ከDragon Ball ፍራንቻይዞች ጋር ትልልቅ ሽርክናዎችን የማድረግ ልምድ እንዳለው ይታወቃል። ከዚህ በፊት Goku፣ Vegeta፣ Beerus፣ Trunks እና Frieza ላይ ፕሪሚየም ማስጌጫዎችን፣ ልዩ መለዋወጫዎችን፣ ኢሞቶችን እና ተልዕኮዎችን አቅርቦ ነበር። አሁን ደግሞ የአዲሱ የDaima ጊዜ ሲሆን፣ የቆዩ ታዋቂ ገፀ-ባሕሪዎችን በወጣትነት መልካቸው እና ይበልጥ በተሻሻለ ስታይል የሚያቀርብ እንደሚሆን ተነግሯል። 

በወጣው መረጃ መሠረት፣ በርካታ ገጸ-ባሕሪያት ለDaima ስሪት እየተዘጋጁ መሆናቸውን አመላክቷል። የወጣትነት መልክ የተላበሰው Goku የሚበር Nimbusን እንዲጋልብ የሚያስችለው ኢሞት ይዞ ሊመጣ ይችላል። Vegetaም የወጣት መልክ የሚኖረው ሲሆን በሚቀየርበት ወቅት የሚያበራ ገጽታ ይኖረዋል። ሌሎች ገፀ-ባሕሪያትም ከተከታታይ አኒሜው ወይም ለዚሁ ተብለው ድጋሚ የተሰሩ የሚሆኑ ሲሆን፣ ቀንደኛ የሚባሉ ደጋፊዎች ሳይቀሩ በሚያዩት ነገር መደነቃቸው የማይቀር ነው። 

ይህ ሽርክና፣ ሁለት ወይም ሶስት የDaima ማስጌጫዎችን ያጣመሩ ፓኬጆችን፣ አኒሜውን መሠረት ያደረጉ ቦርሳዎች፣ ኪን ለመሙላት ወይም ተፎካካሪዎችን ለማብሸቅ የሚያገለግሉ አዲስ ኢሞቶች፣ እንዲሁም ስቲከሮችን እና ሎዲንግ ስክሪኖችን ማስክፈት የሚያስችሉ Battle Royale ወይም Creative ሞዶች ላይ ለተወሰኑ ጊዜያት የሚቆዩ ተልዕኮዎችንም ሊያካትት ይችላል። 

Epic Games እስካሁን ስለመለቀቂያው ቀን ይፋ ያደረገው ነገር ባይኖርም፣ ከDragon Ball Daima ጅማሮ ጋር ወይም ዋናው የውድድር ዘመን መሸጋገሪያ ላይ ይጀመራል ተብሎ ይጠበቃል።  ይህም የሚያሳየው Epic Games የጉጉት መጠኑን ከፍ ለማድረግ ለመጠቀም ጥቅም ላይ ያዋለው ስልት መሆኑን ነው። 

ይህ ሽርክና ነባር እና አዲስ ተጫዋቾችን ለመሳብ ያለመ ሲሆን፣ በተጨማሪም የፎርትናይትን አስደናቂ የDragon Ball ስብስብ የበለጠ ያሰፋዋል። የFortnite እና የDragon Ball Daima ሽርክና የጌም ኢንደስትሪው ላይ ሌላ የማይረሳ ክስተት የመሆን አቅም ያለው በመሆኑ መደብሩን መከታተልዎን አይርሱ።