የፎርትናይት ምዕራፍ 6 ሲዝን 4፣ የአራተኛው ሳምንት የ"Insect Invasion" ተልዕኮዎች 

"Insect Invasion" በመባል የሚጠራው፣ የፎርትናይት ምዕራፍ 6 ሲዝን 4፣ የአራተኛው ሳምንት ዝግጅት እ.ኤ.አ. ኦገስት 7፣ 2025 ላይ የተጀመረ ሲሆን፣ XPዎችን ለመሰብሰብ እና የBattle Pass ደረጃን ከፍ ለማድረግ የሚረዱ አዳዲስ ተልዕኮዎችን ይዞ ቀርቧል። ይህንንም አስመልክቶ ሊያውቋቸው ይገባል ያልናቸውን ጉዳዮች በሙሉ ቀጥለን በዝርዝር ይዘን መጥተናል። 

የመጀመሪያው ተልዕኮ፣ አምስት ቀድመው የተቀመጡ ሪፍቶችን እንድትጠቀሙ የሚያዝ ሲሆን፣ እነዚህ ሪፍቶች ካርታው ላይ ተበታትነው የሚገኙ፣ በቅጽበት ከቦታ ቦታ እንዲጓጓዙ እና፣ ባላሰቡት ቅጽበት ጠላቶች ላይ ጥቃት መጣል እንዲችሉ ወይም ከአስቸጋሪ ፍልሚያዎች ማምለጥ የሚያስችሉ ናቸው። 

ሁለተኛው፣ WESTAR-34 Blaster Pistolን በመጠቀም የጠላቶችን ህይወት በ150 መቀነስ ነው። ይህ መሳሪያ የStar Wars ፊልምን መነሻ በማድረግ የተሰራ ሲሆን፣ የተወሰኑ ቦታዎች ላይ ይገኛል። መካከለኛ ርቀት ውጊያዎች ላይ ከፍተኛ ጉዳት ማድረስ የሚችል አደገኛ መሳሪያ በመሆኑ፣ ተልዕኮውን በፍጥነት ለማጠናቀቅ በትኩረት ይጫወቱ። 

ሶስተኛው ተልዕኮ፣ First Order Base ውስጥ የሚገኙ አምስት ኮንቴይነሮችን መክፈት ሲሆን፡ ኮንቴይነሮቹም ውስጥ መሳሪያዎችን፣ ጥይቶችን እና ጠቃሚ ግብዓቶችን ያገኛሉ፣ ሆኖም ግን በርካታ ተጫዋቾች የሚገኙበት ቦታ በመሆኑ፣ በንቃት እና በጥንቃቄ ይንቀሳቀሱ። 

አራተኛው፣ በኤሌክትሮማግኔቲክ ቦምብ ወይም ሪፍት ደብሪስ፣ ሶስት ጠላቶች ላይ ጥቃት መጣል ሲሆን፣ ሁለቱም የጠላቶችን አቅል የማሳት እና የጦርነቱን ሂደት የመቀልበስ አቅም ያላቸው ወሳኝ መሳሪያዎች ናቸው። 

አምስተኛው እና የመጨረሻው ሶስት ገጸ-ባሕሪያትን መመልመል ሲሆን፣ ማንደሎሪያውያንን ከጎንዎ ሆነው እንዲዋጉላችሁ ሊመለምሏቸው ይችላሉ። እንዲሁም የAI አጋር ቢኖርዎ ይበልጥ ውጤታማ መሆን ይችላሉ። 

እነዚህን 5 ተልዕኮዎች ማጠናቀቅ፣ የዚህን ሳምንት ልዩ ተልዕኮዎች እያጣጣሙ፣ በርከት ያሉ XPዎችን እንዲያፍሱ እና የBattle Pass እድገትዎን በፍጥነት ማሳደግ ያስችልዎታል።  

መልካም ጨዋታ!