የ2025ቱ የፎርትናይት የዓለም ዋንጫ ዓለም አቀፍ ውድድር ላይ እንዴት ተሳታፊ ይቻላል? 

በ2025 ፎርትናይት የዓለም ዋንጫ ውድድር ላይ ተሳታፊ መሆን ቀላል የሚባል ጉዳይ አይደለም። ተጫዋቾች በFNCS እና በክልላዊ ዋና ዋና ውድድሮች ላይ በከፍተኛ ፉክክር የተሞሉ የማጣሪያ ሂደቶችን ማለፍ ይጠበቅባቸዋል። የሊዮን LDLC ስቴዲዬም ታላቅ መድረክ ላይ መወዳደር የሚፈልጉ ባለሶስት አባላት ቡድኖች ትልቅ የሚባል ፈተና ነው። 

የውድድር ሲዝኑ ዋና ዋና በሆኑ ክልሎች ማለትም በአውሮፓ፣ በመካከለኛው ሰሜን አሜሪካ፣ በሰሜን ምዕራብ አሜሪካ፣ በእስያ፣ በኦሽኒያ፣ በመካከለኛው ምስራቅ እና በብራዚል ዙሪያ በሚደረጉ ሶስት ዋና ዋና የክልል ውድድሮች ላይ የተመሠረተ ነው። እያንዳንዱ ውድድሮች በዲቪዥናል ካፕ እና ፕሌይ-ኢንስ ይደረጉ እና፣ በመቀጠል የቡድን ደረጃዎች እና የክልል ፍጻሜ ውድድሮች ይካሄዳሉ። በሲዝኑ ወቅት ቡድኖች ነጥቦችን በመሰብሰብ፣ ከሦስተኛው ዋና ውድድር በኋላ የቀሩ ከእያንዳንዱ ክልል የመጡ ምርጥ ባለሶስት አባላት ቡድኖች የዓለም ዋንጫ ተሳትፏቸውን ያረጋግጣሉ። 

በድምሩ ሶስት ሶስት አባላትን ያካተቱ 33 ቡድኖች ማለፍ የሚያስችሏቸውን በቂ ነጥቦች በማግኘት፤ 11 ከአውሮፓ፣ 7 ከመካከላዊ ሰሜን አሜሪካ፣ 3 ከሰሜን ምዕራብ አሜሪካ፣ 3 ከእስያ፣ 3 ከመካከለኛው ምሥራቅ፣ 3 ከብራዚል እና 3 ከኦሽኒያ ተሳታፊ ይሆናሉ። 

የዓለም ዋንጫው ላይ ተሳታፊ ለመሆን እድሉ ላመለጠቸው፣ የመጨረሻ ዕድል ማጣሪያው ተሳታፊ መሆን እንዲችሉ የመጨረሻ ዕድል ያቀርባል። ይህም የሜጀር 3 የክልል ፍጻሜ ውድድር ከመደረጉ በፊት፣ አብዛኛውን ጊዜ ጁላይ መጨረሻ ላይ ወይም ኦገስት መጀመሪያ ላይ ይካሄዳል። 

የ2025 የውድድር መርሃ-ግብሩ እጅግ የተጨናነቀ የነበር ሲሆን፤ የሜጀር 3 ማጣሪያዎች የጁላይ ወር አጋማሽ ላይ፣ የቡድን ደረጃዎች ጁላይ 20፣ 26 እና 27 ላይ፣ የመጨረሻ ዕድል ማጣሪያው ጁላይ 31 ላይ፣ እንዲሁም የሜጀር 3 የክልል ፍጻሜ ውድድሩ ኦገስት ከ2 እስከ 3 ተካሂዷል። እነዚህ ሂደቶች ከተጠናቀቁ በኋላ፣ ኤፒክ ጌምስ ለዓለም ዋንጫው ብቁ የሆኑትን 33 ቡድኖች ይፋ አድርጓል።