የባትልፊልድ 6ን ዋና የዲስኮርድ ሰርቨር እንዴት መቀላቀል እና አብረው የሚጫወቱ ጓደኞችን እንዴት ማግኘት ይቻላል? 

ባትልፊልድ 6፣ በ2025 ማገባደጃ ላይ እስከሚወጡ በጉጉት ከሚጠበቁ ጌሞች መካከል ዋነኛው እንደሆነ ግልጽ ነው። ስለዚህ አዳዲስ መረጃዎችን ማግኘት፣ አብረዎት የሚጫወቱ ጓደኞችን ማፍራት ወይም በዓለም ዙሪያ ከሚገኙ ሌሎች ተጫዋቾች ጋር ሃሳብ መለዋወጥ የሚፈልጉ ከሆነ የዲስኮርድ ሰርቨሩን አሁኑኑ መቀላቀል ይኖርብዎታል። ይህ ሰርቨር ቀድሞውኑ በመቶ ሺዎች የሚቆጠሩ የባትልፊልድ አፍቃሪያን የሚገኙበት እና ጠቃሚ ምክሮችን የሚለዋወጡበት፣ የራሳቸውን ቡድን የሚያደራጁበት እንዲሁም የEA ዜናዎችን በትኩሱ የሚያገኙበት ወሳኝ ሰርቨር ነው። 

በቀላሉ የሰርቨሩን የግብዣ ሊንክ በመጠቀም መቀላቀል የሚችሉ ሲሆን፣ የግብዣ ሊንኩንም የEA ድረ-ገጽ ላይ፣ የባትልፊልድ የማህበራዊ ሚዲያ ገጾች ላይ ወይም ከሙከራው (beta) ጋር የተያያዙ ኢ-ሜይሎች እና መረጃዎች ላይ ማግኘት ይችላሉ። አንዴ የግብዣውን ሊንክ ካገኙ በኋላ፣ ሊንኩን ከፍተው ግብዣውን በመቀበል ቀጥታ ሰርቨሩን መቀላቀል ይችላሉ። ከዚህ ቀደም የዲስኮርድ አካውንት ካልነበረዎ፣ መተግበሪያውን ኮምፒውተርዎ ወይም የሞባይል ስልክዎ ላይ በማውረድ ወይም ቀጥታ ወደ ድረ-ገጹ በማምራት፣ የኢ-ሜይል አድራሻዎን በመጠቀም አዲስ አካውንት መክፈት እና የግብዣ ሊንኩን በመጠቀም ሰርቨሩን መቀላቀል ይችላሉ። እንደሚታወቀው፣ የአብዛኞቹ ሰርቨሮች ቻናል ላይ መሳተፍ ከመጀመርዎ በፊት የሰርቨሩን ደንቦች ማንበብና መቀበልዎን ማረጋገጥ ይኖርብዎታል። 

ዋናው ሰርቨር በዋነኝነት ለእንግሊዝኛ ቋንቋ ተናጋሪዎች ታስቦ የተዘጋጀ ቢሆንም፣ የተለያዩ ቋንቋዎችን የሚናገሩ እጅግ በርካታ ተሳታፊዎች ያሉበት እና ሁሉንም ያካተተ ሰርቨር ነው። ፈረንሳይኛ ተናጋሪ ለሆኑ ተጫዋቾች ደግሞ እንደ "Battlefield፣ France" ያሉ በቀንደኛ ደጋፊዎች የተከፈቱ እና በሺዎች የሚቆጠሩ አባላት ያሏቸው ሰርቨሮችም አሉ። እነዚህ ሰርቨሮች ሰላማዊ መድረክን፣ የስልጠና እድሎችን እንዲሁም ተጫዋቾች አብረው መለማመድ እና መጫወት እንዲችሉ የተለያዩ ፈረንሳይኛ ተናጋሪ ቡድኖችን ያቀርባሉ። 

በተጨማሪ ዋናውን የዲስኮርድ ሰርቨር መቀላቀል፣ በየጊዜው ጌሙ ላይ የሚደረጉ ማሻሻያዎችን (patch notes)፣ ልዩ ዝግጅቶችን እና ውድድሮችን በቀጥታ ማግኘት ያስችልዎታል። እንዲሁም፣ EA እና የጌሙ አዘጋጆች በየጊዜው የተለያዩ ትኩስ መረጃዎችን ሰርቨሩ ላይ የሚለጥፉ በመሆኑ፣ ተጫዋቾች ጌሙን በተመለከተ ምንም የሚያልፋቸው ነገር የለም።  

በአጭሩ፣ አዳዲስ ዜናዎችን ለማግኘት ይሁን፣ በዓለም ዙሪያ የሚገኙ ተጫዋቾችን ለመተዋወቅ፣ ዋናው የዲስኮርድ ሰርቨር ባትልፊልድ 6 ከመለቀቁ በፊት ሊቀላቀሉት የሚገባ ሁለገብ ሰርቨር ነው!