ቀጣዩ የፎርትናይት የዓለም ዋንጫ ውድድር መቼ እና የት ነው የሚካሄደው? እንዴትስ መከታተል እንችላለን? 

ፎርትናይት ግሎባል ሻምፒዮንሺፕ በመባል የሚታወቀው የ2025ቱ የፎርትናይት የዓለም ዋንጫ እ.ኤ.አ. ከሴፕቴምበር 6 እስከ 7፣ 2025 በሊዮን፣ ፈረንሳይ የሚገኘው LDLC ስቴዲዬም ላይ ይካሄዳል። በእነዚህ ሁለት ተከታታይ ቀናት፣ ሶስት አባላትን ያካተቱ የዓለማችን ምርጥ 33 ቡድኖች የ2,000,000 ዶላር ተሸላሚ ለመሆን ይወዳደራሉ። 

መግቢያ ትኬቶች፣ ባሳለፍነው ክረምት መጀመሪያ ላይ ለሽያጭ የቀረቡ ሲሆን፣ በፍጥነትም በመሸጥ ላይ ይገኛሉ። የተሻሉ መቀመጫዎች መሸጫ ዋጋም ከ€74.50 እስከ €102 ይደርሳል። በፉክክር፣ በተለያዩ አዝናኝ ተግባራት እና የትውውቅ ፕሮግራም የተሞላ አስደናዊ ድባብ የተሞላ እንደሚሆንም ተነግሮለታል። በአካል መገኘት የማይችሉ፣ ሙሉ ዝግጅቱን በፎርትናይት የTwitch እና YouTube ቻናሎች፣ እንዲሁም Fortnite.com/competition ላይ በነፃ መከታተል ይችላሉ። እንዲሁም ዝግጅቱ ከመጀመሩ በፊት የEpic Games አካውንታቸውን ከቀጥታ ስርጭት ፕላትፎርሙ ጋር ቀድመው ለሚያገናኙ ተመልካቾች ልዩ ሽልማቶችም ተዘጋጅተዋል። 

በተጨማሪም ደጋፊዎች ውድድሩን ሰብሰብ ብለው በጋራ መመልከት እንዲችሉ ፈረንሳይ ውስጥ የሚገኙ የቪዲዮ ጌም ማዕከሎች እና አጋርነት ያላቸው አዳራሾች ላይ ድግሶች ለማዘጋጀት ታቅዷል። ፈረንሳይ የፎርትናይት የዓለም ዋንጫን ስታስተናግድ የመጀመሪያዋ መሆኑ፣ እና ውድድሩ ለመጀመሪያ ጊዜ ሙሉ በሙሉ ሶስት አባላትን ያካተቱ ቡድኖች ብቻ የሚሳተፉበት በመሆኑ ልዩ እና ታሪካዊ ክስተት ነው። 

የሴፕቴምበር 6 እና 7 እቅዶችዎን ሙሉ በሙሉ ይሰርዙ እና በሊዮን ከተማ በአካል በመገኘት ወይም ቤትዎ ዘና እና ፈታ ብለው የዓመቱ ትልቁን የፎርትናይት የኢ-ስፖርት ውድድር ለመመልከት ይዘጋጁ።