ጀማሪ ቼዝ ተጫዋቾች ሊያውቋቸው የሚገቡ፣ 3 ቀላል እና ወሳኝ የጨዋታ መክፈቻ ስልቶች 

በቅርቡ ቼዝ መጫወት ጀምረው ከሆነ፣ ተቆጥረው የማያልቁ ውስብስ የጨዋታ መክፈቻ ስልት ስሞችን እና የአካሄድ አይነቶችን ማስታወስ አዳጋች ወይም ስራ ሆኖብዎ ሊሆን ይችላል። ነገር ግን ጥሩ ተጫዋች ለመሆን ሁሉንም ማወቅ ወይም መሸምደድ ሳይሆን የሚጠበቅብዎ፣ ብቃትዎን መገንባት እና በፍጥነት ማሻሻል የሚያስችሉዎትን ሶስት ቀላል የመክፈቻ ስልቶችን ማወቅ ብቻ በቂ ነው። 

የመጀመሪያው የጣሊያኖች መክፈቻ ስልት ሲሆን፣ የሚጀምረውም በ 1.e4 e5 2.Nf3 Nc6 3.Bc4 ነው። አካሄዱ እጅግ ቀላል ሲሆን፣ በቅድሚያ ወታደርዎን (pawn) ወደ መኃል ይውሰዱ፣ በመቀጠል ፈረስዎን (knight) እና ጳጳስዎን (bishop) ወደ ፊት ያስጠጉ፣ ከዚያም ቶሎ ግንብዎን (castle) በማስከተል መጠቀም ነው። ይህ የአከፋፈት ስልት የንጉሥ ደኅንነትን፣ የሰሌዳውን መኃለኛ ክፍል መቆጣጠርን እና የቼዝዎችዎን የተቀናጀ አፈፃፀም እና የመሳሰሉ መሠረታዊ ጉዳዮች በቀላል እንዲማሩ ያስችልዎታል። ቦታዎቹ ብዙውን ጊዜ ክፍት በመሆናቸው እንደ ፎርክ እና ፒን ያሉ ስልቶችን በቀላሉ መለማመድ እና ብቃትዎን ቶሎ ማሻሻል ያስችልዎታል። 

ከመጀመሪያው ጠጠር ያለ እና አስተማማኝ የሆነ ስልት ከፈለጉ ደግሞ የለንደን ሲስተምን መጠቀም ይችላሉ። በቅድሚያ በ1.d4 ይጀምሩ፣ ከዚያም Bf4፣ e3፣ Nf3፣ እና c3 ያስከትሉ። የዚህ ስልት ትልቁ ጥቅም ተፎካካሪዎ ምንም አይነት የአጨዋወት ስልት ቢከተል፣ ውጤታማ ከመሆን ሊገድብዎ ስለማይችል፣ አላስፈላጊ በርካታ መስመሮችን ከመሸምደድ ያድንዎታል። ደኅንነታቸው የተጠበቀ አቀማመጦችን መፍጠር ስለሚያስችልዎ፣ ሙሉ ትኩረትዎን ቼዝዎችዎን በአግባቡ ማስቀመጥ ላይ እና ንጉስዎን በመጠቀም ጥቃት ማድረግ የሚችሉባቸው መንገዶች ላይ ማተኮር ይችላሉ። ይህ የአከፋፈት ስልት ለመረዳት ቀላል እና ከጅምሩ ወጥመድ ውስጥ እንዳይገቡ ስለሚረዳ፣ በጀማሪ ተጫዋቾች ዘንድ በጣም ታዋቂ ነው። 

ሶስተኛው እና የመጨረሻው፣ ጥቁሮቹን ቼዞች በመጠቀም ሲጫወቱ፣ በቀላሉ ሊያስታውሱት የሚችሉት መክፈቻ ስልት ያስፈልግዎታል። ለዚህም ተመራጩ ዘዴ የካሮ-ካን መከላከያ ስልት ነው። በቅድሚያ በ1.e4 c6 2.d4 d5 ይጀምሩ እና፣ ወዲያውኑ ራስዎን አደጋ ላይ ሳይጥሉ ወደ መኃል ይግቡ። ይህ ስልት አስተማማኝ እና እንዴት ቼዝዎችዎን በጥበብ ማንቀሳቀስ እና ቦታ መቀያየር እንዳለብዎ ለመማር ይረዳዎታል። በተጨማሪም፣ አብዛኛውን ጊዜ ተፎካካሪዎን የሚፈትን የወታደሮች አሰላለፍ የሚፈጥርልዎ በመሆኑ፣ የጨዋታው አፈጻጸም ላይ ውጤታማ ያደርግዎታል።  

መልካም ጨዋታ!