ብላክ ኦፕስ 7 ላይ የሚገኙ ምርጥ የጦር መሳሪያዎች ደረጃ ዝርዝር 

ከኦክቶበር 2 እስከ 8 2025 ድረስ የቆየው የCall of Duty Black Ops 7 ቤታ የትኞቹ የጦር መሳሪያዎች ሜታውን በበላይነት እየመሩ እንደሚገኙ አሳይቷል። ውስን የጦር መሳሪያዎች የሚገኙ ቢሆንም አቅማቸው ግን እጅግ አስደናቂ ነው። እነዚህን የጦር መሣሪያዎች ቀድመው መልመድ፣ መልቲ-ፕለየር ላይ ተልዕኮዎችን እና አዲስ ሞዶችን በቀላሉ መወጣት እንዲችሉ ያስችልዎታል። 

ደረጃ - S 

እነዚህ መሳሪያዎች እጅግ ኃይለኛ እና ሁለገብ ሲሆኑ፣ ለአጠቃቀም ቀላል እና ከፍተኛ ጉዳት የማድረስ አቅም ያላቸው መሣሪያዎች ናቸው። 

• M8A1 (ጠመንጃ)፦ ይህ መሣሪያ Black Ops 2 ላይ ታላቅ ተቀባይነትን በማግኘቱ በድጋሚ ተመልሷል። በአንድ ተኩስ ጠላቶችን ማስወገድ የሚያስችል ሲሆን፣ ማለሚያ መነጽር እና ረጅም አፈሙዝ ሲታከልበት ደግም ለቅርብ ይሁን ለረጅም ርቀት ውጊያዎች ተስማሚ ነው። ፈጣን የአፈፃፀም አቅሙ እጅግ ከባድ ከሚባሉ መሳሪያዎች መካከል አንዱ ያደርገዋል። 

• Dravec 45 (SMG)፦ ለአጭር ርቀት ውጊያዎች የሚሆን ወሳኝ መሣሪያ ሲሆን የመካከለኛ ርቀት ውጊያዎችም ላይ ጥሩ አፈጻጸም አለው። ይበልጥ ደግሞ እንደ ረጅም አፈሙዝ፣ እጀታ እና በርካታ ጥይቶች የሚይዝ ካርታ ያሉ አባሪዎች ሲታከሉት ደግሞ ውጤታማነቱ ይበልጥ ይጨምራል። 

• M15 MOD 0 (ጠመንጃ)፦ እጅግ በጣም ቀልጣፋ አተገባበር እና የተኩስ ኃይል ያለው መሣሪያ ነው። ከፍተኛ የተኩስ ፍጥነቱ የመካከለኛ ርቀት ውጊያዎች ላይ ውጤታማ ስለሚያደርገው፣ ከአብዛኞቹ ጠመንጃዎች ጋር መወዳደር ያስችለዋል። 

• Peacekeeper Mk1 (ጠመንጃ)፦ በተለይ ሰፋፊ አካባቢዎች ላይ በአስተማማኝ ሁኔታ ማነጣጠር የሚችል መሣሪያን ለሚሹ ተጫዋቾች የሚሆን ጥሩ አማራጭ ነው። 

 

ደረጃ - A 

እነዚህ መሳሪያዎች ሁለገብ ባይሆኑም፣ በተገቢው ሰዓት እና ቦታ ከተጠቀሟቸው ግን እጅግ ውጤታማ ናቸው። 

• MXR-17 (ጠመንጃ)፦ ከፍተኛ ጉዳት የማድረስ አቅም እና የእርግጫ መቆጣጠሪያ ያለው ሲሆን፣ ሰፋ ላሉ አካባቢዎች እና ትንሽ ቀርፋፋ በመሆኑ ትዕግስተኛ ለሆኑ ተጫዋቾች ተስማሚ ነው። 

• Razor 9mm (SMG)፦ ጥሩ ፍጥነት እና ቅልጥፍና ያለው መሣሪያ ነው። አቅሙ ከDravec 45 ያነሰ ቢሆንም፣ ኃይለኛ ጥቃቶችን ለመጣል ያስችላል። 

• M10 Breacher (shotgun)፦ ለአጭር ርቀት ውጊያዎች፣ በተለይም የቤት ውስጥ ጥቃቶችን ለመጣል እና በአንድ ተኩስ ብቻ በአቅራቢያ የሚገኙ ግቦችን ለመከላከል ተመራጭ ነው። 

• Ryden 45K (SMG)፦ ሌላ ፈጣን ጥቃቶችን መጣል የሚያስችል ጥሩ አማራጭ ነው።  

• VS Recon (ስናይፐር)፦ አስተማማኝ ዒላማ እና ፈጣን ተኩሶችን ማድረግ የሚያስችል በመሆኑ፣ ፈጣን ግድያዎችን ለማድረግ ወሳኝ አማራጭ ነው። 

ደረጃ - B እና ከዚያ በታች 

እንደ CODA 9 (ሽጉጥ) ወይም XR-3 Ion (ሁለተኛ ደረጃ ማርክስማን ጠመንጃ) ለአንዳንድ ትጥቆች ወይም ተልዕኮዎች አሁንም ጠቃሚ ናቸው። ሆኖም ግን አብዛኛው ሁኔታዎች ላይ ዋና ከሚባሉ አማራጮች ጋር መወዳደር ይከብዳቸዋል። 

መልካም ጨዋታ!