ዴምቤሌ የFC 26 የባሎን ዶር ልዩ ካርድ የማግኘት እድል ይኖረው ይሆን? 

ዴምቤሌ EA FC 26 ላይ የሰሞኑ መነጋገሪያ ርዕስ ሆኗል! ፈረንሳዊው የክንፍ ተጫዋች ዴምቤሌ፣ ባሳለፈው ድንቅ የውድድር ዓመት እጅግ አስደናቂ ብቃትን በማሳየቱ ለባሎን ዶር ሽልማት እጩ ተወዳዳሪ በመሆን ተመርጧል። ይህም በእግር ኳስ አፍቃሪያን እና በUltimate Team ተጫዋቾች ዘንድ አንድ አንገብጋቢ ጥያቄን ያስነሳ ሲሆን እሱም፣ ዴምቤሌ ለዚህ ታላቅ የዋንጫ ሽልማት ከበቃ፣ ጌሙ ላይ ልዩ ካርድ ይኖረዋል ወይ? የሚል ጥያቄ ነው። ይህን ጥያቄ መመለስ የሚያስችሉ የተወሰኑ ፍንጮችን፣ የEA Sports ፍራንቻይዝ የቅርብ ጊዜ ታሪኮች ላይ ማግኘት ችለናል። 

ለዓመታት EA FC (የቀድሞው ፊፋ) ይዘቱን ከዓለም አቀፍ የእግር ኳስ ክስተቶች ጋር በማጣመር ታሪክ ለሰሩ ተጫዋቾች ልዩ ካርዶችን ሲሰጥ ቆይቷል። ባሎን ዶርም ከተለመዱት መመዘኛዎች ውጭ ካርድ ከሚሰጥባቸው ጥቂት አጋጣሚዎች ውስጥ አንዱ ነው። በተለምዶ እንደዚህ አይነት ካርዶች ከፍተኛ የስታቲስቲክስ ጭማሪዎችን የሚያስገኙ በመሆናቸው፣ በUltimate Team ማኅበረሰቡ ዘንድ የተጫዋቹ ተፈላጊነት እጅጉኑ ይጨምራል። ይህ ቀደም ሲል እንደ ሊዮኔል ሜሲ እና ካሪም ቤንዜማ ያሉ ድንቅ ኮከቦች ላይ ያጋጠመ ጉዳይ ሲሆን፣ በሚያስደንቅ ሁኔታ ሁለቱም ካሸነፉ በኋላ በአይነታቸው እጅግ ልዩ የሆኑ ካርዶችን መሸለም ችለዋል። 

ዴምቤሌ የባሎን ዶርን ዘውድ ከጫነ፣ EA FC 26 ተመሳሳይ ነገር ማድረጉ የማይቀር ነው። ይህ ከሆነ ለፈረንሳዊው ኮከብ ክንፍ ተጫዋች፣ ከድንቅ ፈጣን ተጫዋችነት ወደ የተሻሻለ የኳስ ቁጥጥር፣ ፍጥነትና ልዩ አጨራረስ ያለው እና ጌሙ ውስጥ ከሚገኙ ምርጥ አጥቂዎች ጋር የመመደብ እድል ያገኛል። የዴምቤሎ መደበኛ ካርድ ተቃራኒ ቡድኖችን የማሽመድመድ ያለው በመሆኑ ቀድሞውኑም ቢሆን ተወዳጅ ነው፤ ተሳክቶ ካርዱ ማሻሻያ ከተደረገለት ደግሞ ለግብ ጠባቂዎች እጅግ አስፈሪ መሆኑ የማይቀር ነው። 

እስካሁን EA፣ የባሎን ዶር ይዘት ያለው ፕሮግራም ለFC 26 እንደሚያዘጋጅ በይፋ ያረጋገጠው ነገር አለመኖሩን ልብ ማለት ያስፈልጋል። ሆኖም ግን ፕሮግራሙን ለማዘጋጀት የሚመጥን ጥሩ ዕድል ነው። የባሎን ዶር ፕሮግራም ሁልጊዜ የUltimate Team ሲዝን ላይ ሲሆን የሚካሄደው፣ ይህም የሆነው ተመልካቾች አዳዲስ አስደሳች ይዘቶችን በጉጉት የሚጠብቁበት ወቅት በመሆኑ ነው። የEA የዴምቤሌ ባሎን ዶር ካርድን ማስተዋወቅ፣ ተጫዋቾች ፓኮችን እንዲከፍቱ የሚያበረታታት እና በርካታ ተቀባይነት ሊያገኝ የሚችል ብልህ ውሳኔ ሊሆን ይችላል። 

ሌላው ሊታሰብበት የሚገባው ጉዳይ ካርዱ ሊኖረው የሚችለው ዲዛይን ነው። ባለፉት ዓመታት የነበሩ የባሎን ዶር ካርዶች ከTOTW ወይም TOTY ካሉ ሌሎች ልዩ ካርዶች የሚለዩ ልዩና የሚያምር ወርቃማ ዲዛይን ነበራቸው። ዴምቤሌ እድል ቀንቶት ቢያሸንፍ ተመሳሳይ ሳቢ ዲዛይኖች ይተገበራሉ ብለን እንጠብቃለን። ስታቲስቲክስን በተመለከተ፣ ፍጥነቱ፣ ኳስ የመምታት አቅሙ እና አካላዊ ጥንካሬው ላይ የሚደረጉ ማሻሻያዎች፣ የዓለም ምርጥ ተጫዋች መሆኑን የሚያንፀባርቁ እንደሚሆኑ ምንም ጥርጥር የለውም።