EA FC 26 ላይ ግብይቶችን በመፈፀም በርካታ ክሬዲቶችን እንዴት ማከማቸት ይቻላል? 

ክሬዲቶች በEA FC 26 Ultimate Team ላይ ምንም ዓይነት ወጪ ማውጣት ሳይጠበቅብዎ ወሳኝ ቡድን መገንባት የሚያስችሉዎ ዲጊታል መገበያያ ናቸው። ግብይት ደግሞ በፍጥነት ክሬዲቶችን ማከማቸት የሚችሉበት ስልታዊ መንገድ ነው። በተጠና እና ስልታዊ በመሆነ መንገድ፣ የካርዶች ዋጋ ሲቀንስ በመግዛትና ሲጨምር ደግሞ በመሸጥ የገበያውን ሁኔታ መጠቀም እና ትርፋማ መሆን ይቻላል። ይህንን ስልት እንዴት አድርገን መጠቀም እንደምንችል እና ደረጃን እንዴት በፍጥነት ማሳደግ እንደምንችል እንመልከት። 

የመጀመሪያው እና ቁልፍ ጉዳይ፣ የዝውውር ገበያውን መከታተል ሲሆን የካርድ መገበያያ ዋጋ እንደየ ጨዋታዎቹ ዓይነት፣ አዲስ የሚለቀቁ የሳምንቱ ቡድኖች (Team of the Week - TOTW) አባላት እና የቡድን ግንባታ ውድድሮች ዓይነት ይለያያሉ። አንዳንድ ተጫዋቾች የበለጠ ተፈላጊ በሚሆኑባቸው ጊዜያት ይበልጥ መከታተል ይኖርብዎታል። ለምሳሌ፦ SBC ከሊጉ ተጫዋቾችን በሚፈልግበት ወቅት፣ የአንድ ተወዳጅ የፕሪሚየር ሊግ ተጫዋች ዋጋ ይጨምራል። እነዚህን አዝማሚያዎች በመከታተል ዋጋዎች ከመጨመራቸው በፊት በመግዛት፣ ተፈላጊነቱ በሚጨምርበት ወቅት ደግሞ መሸጥ ይችላሉ። 

ሌላኛው በጣም ቀላልና ውጤታማ ዘዴ ስኒፒንግ (Sniping) ሲሆን፣ ይህ ዘዴ ከአማካይ የገበያ ዋጋቸው በታች የሚሸጡ ካርዶችን በመፈለግ ሌላ ሰው ሳይገዛቸው በፊት በፍጥነት መግዛትን ያካተታል። ይህ ዘዴ ፈጣን ውሳኔን እና የገበያ ሁኔታዎችን በደንብ መረዳትን የሚጠይቅ ቢሆንም፣ ከፍተኛ ተፈላጊነት ያላቸው ተጫዋቾች ከፍተኛ ትርፍ ያስገኙልዎታል። ቁልፉ ጉዳይ እንደ ሊግ፣ አሰላለፍ ወይም ካርዱ ጋር ቁርኝነት ያለውን ስታይል የገበያ ማጣሪያው ላይ በመጠቀም መምረጥ ነው። 

ሌላኛው ስልት ደግሞ ፍሊፒንግ ሲሆን የካርድ መሸጫ ዋጋዎች ዝቅተኛ በሚሆኑበት ወቅት (የተጠቃሚዎች ቁጥር አነስተኛ በሚሆኑበት ሰዓታት ወይም አዳዲስ ፓኮች ሲለቀቁ) ኢንቨስት ማድረግና ተፈላጊነታቸው ሲጨምር መሸጥ ማለት ነው። ይህ ዘዴ ትዕግስተኝነትን እና የገበያ ዑደቶችን በደንብ መረዳትን ይጠይቃል፣ ሆኖም ግን መደበኛ የዋጋ ጭማሪን ስለሚከተል ከስኒፒንግ የተሻለ ትርፋማ ሊያደርግዎት ይችላል። 

ትርፍዎን ለማሳደግ ሽያጭ የሚደረግባቸው ወቅቶችንም ጠንቅቀው መረዳት ይኖርብዎታል። ዋጋዎች እንደ ቀኑና ሰዓቱ ሁኔታ የሚለዋወጡ ሲሆን፣ ዘወትር አርብ ምሽት ላይ የሚደረጉ ትልልቅ የቅናሽ ሽያጭቾች በሚደረጉበት ወቅት በርካታ ፓኮች ስለሚከፈቱ ዋጋዎች በከፍተኛ ሁኔታ ይቀንሳሉ። በተቃራኒው፣ ተጫዋቾች ለሻምፒዮንስ ሞድ (Champions mode) ቡድኖቻቸውን በሚያዘጋጁባቸው እሁድ ምሽት እና ሰኞ ላይ ዋጋዎች ጭማሪ ይኖራቸዋል። ግዢ እና ሽያጭዎን ከእነዚህ የገበያ አዝማሚያዎች ጋር በማጣመር በአንድ ካርድ በሺዎች የሚቆጠሩ ክሬዲቶችን በቀላሉ ማግኘት ይችላሉ።