ፖኪሞን ሌጀንድስ: ዜድ-ኤ ላይ ኢንካይን ወደ ማላማር እንዴት መቀየር ይቻላል? 

ግልጽ ለማድረግ ያህል፣ ይህ ፖኪሞን በዋዛ የሚገኝ አይነት አይደለም። መጀመሪያ የዋናው ታሪክ ዝግጅት ላይ ደረጃ E በመያዝ ማጠናቀቅ የሚጠበቅብዎ ሲሆን፣ ይህም ከ11-13 ያሉትን የዋይልድ ዞኖች ማስከፈት ያስችልዎታል። ኢንካይን ማግኘት የሚችሉት ዋይልድ ዞን 11 ላይ ሲሆን፣ ይህ ቦታ ግማሽ ክፍሉ በውኃ የተሸፈነ እና የበርካታ Water- እና Psychic-type ፖኪሞኖች መገኛ የሆነ ባህር ዳርቻ ነው።  

ኢንካይ ቀንና ሌሊት የውኃው ዳርቻ አካባቢ የሚዋኝ ሲሆን፣ እንደ አንዳንድ ብርቅዬ ፖኪሞኖች ከጦርነት የማይሸሽ በመሆኑ፤ ጊዜዎን በመውሰድ ተዋግተው መያዝ ይችላሉ። አብዛኛዎቹ በዚህ አካባቢ የሚገኙ ኢንካዮች ደረጃቸው 30 ወይም ከዚያ በላይ በመሆኑ ከያዟቸው በኋላ ወዲያውኑ ሊያሻሽሏቸው ይችላሉ። 

ኢንካዮችን ቡድንዎ ውስጥ ካካተቱ በኋላ ቢያንስ ደረጃቸው 30 መሆኑን ያረጋግጡ። ካረጋገጡ በኋላ የቅየራ ሂደቱ በተሳካ ሁኔታ ለማስፈጸም እነዚህን ሂደቶች በጥንቃቄ ይከተሉ፡- 

1.  የኒንቴንዶ ስዊችዎን (ወይም ስዊች 2) ወደ እጅ ሞድ ይለውጡ። 

2.  እንቅስቃሴ መፈተሻው መስራቱን እንዳያቆም ሌሎች ማንኛውንም ውጫዊ መቆጣጠሪያዎች ይንቀሉ። 

3.  የጆይ-ኮን መቆጣጠሪያዎች እንቅስቃሴዎችን ለመለየት ስለሚያስፈልጉ ከኮንሶሉ ጋር ያገናኟቸው። 

4.  ስክሪኑ ወደታች እንዲታይ አድርገው ኮንሶልዎን ያዙሩት። 

5.  የፖኪሞን ሜኑዎን ይክፈቱ እና ኢንካይን በመምረጥ Evolve የሚለውን ይጫኑ። 

ይህ ያልተለመደ አካሄድ ዋናው ኢንካይን መለወጫ ቀጥተኛ ዘዴ ነው። ማላማር ማታለልን እና ቁጥጥርን የሚወክል ሲሆን የጦርነት ማዕበልን ለመቀልበስ እንደ ቶፕሲ-ተርቪ እና ሂይፕኖሲስ ያሉ እንቅስቃሴዎችን ይጠቀማል። ኮንሶልዎን መገልበጥ ያስፈለገውም ይህን ተመሳሳይ "የመገለባበጥ" ጽንሰ-ሀሳብ ለማንፀባረቅ ነው። 

ይሄ ብቻ አይደለም፤ ፖኪሞን ሌጀንድስ: ዜድ-ኤ ላይ ማላማር ሜጋ ኢቮሉሽን ያለው ሲሆን፣ ይህ የሆነውም the Malamarite በተባለው ልዩ Mega Stone አማካኝነት ነው። እሱን ማግኘትም የተወሰነ ጥረትን ይጠይቃል። 

ማላማሪትን፣ ከQuasartico Inc ከተባለ ጌሙ ውስጥ ከሚገኝ ሜጋ ስቶን አከፋፋይ 240 ሜጋ ሻርዶችን በማውጣት መቀየር ይችላሉ። ነገር ግን ወዲያውኑ ማግኘት የሚችሉት ባለመሆኑ፣ በቅድሚያ ተልዕኮ ቁጥር 37ን ማጠናቀቅ፣ ወይም በሌላ አገላለጽ የዋናውን ታሪክ ዝግጅት ማጠናቀቅ ይኖርብዎታል። 

ይህ ማለት ሜጋ ማላማርን በታሪኩ ሂደት ወቅት መጠቀም የማይችሉ ቢሆንም፣ ኦንላይን የደረጃ ውጊያዎች ወይም ሜጋ ዳይሜንሽን DLC ላይ መጠቀም ይችላሉ። ይህ የተሻሻለ ስሪት የዘመነ የመከላከያ ስታቲስቲክስ እና የማይታመን የስነ-አእምሮ ኃይልን የሚያገኝ በመሆኑ፣ ማንኛውንም የፍልሚያ ሁኔታዎች እና አካሄዶች የመቆጣጠር አቅም ያለው ስልታዊ የኃይል ማዕከል ያደርገዋል። 

ማላማር ባለው አስደናቂ የመለዋወጥ ስልት እና ኃይለኛ ሜጋ ኢቮሉሽኑ፣ ፖክሞን ሌጀንድስ፡ ዜድ-ኤ ላይ ስልታዊ ጨዋታ እና የአእምሮ ጨዋታዎችን የሚወዱ ተጫዋቾች ሁሉ የግድ ሊኖራቸው የሚገባ ፖኪሞን ነው።