ፖክሞን ሌጀንድስ፡ ዜድ-ኤ ውስጥ አውዲኖን እንዴት ማግኘት እና መያዝ ይቻላል? 

አውዲኖን የሚገኘው ሁለት ቦታዎች ብቻ ነው፡- 

• ዋይልድ ዞን ቁጥር 7 

• ዋይልድ ዞን ቁጥር 19 

እነዚህ አካባቢዎች አውዲኖ የሚገኝባቸው ብቸኞቹ ቦታዎች ናቸው። ሆኖም ግን፣ የመገኘት ዕድሉ እጅግ አነስተኛ በመሆኑ በማንኛውም ሰዓት ላያገኙት ይችላሉ። ጌሙ ፖኪሞኖችን በቀላሉ ማደስ ስለሚያስችልዎ፤ ቦታው ላይ ተገኝተው አውዲኖን ባያገኙት እንኳን ተስፋ አይቁረጡ። 

ይሄን ለማድረግ፣ እያንዳንዱ ዋይልድ ዞን ቢያንስ አንድ አግዳሚ ወንበር አለው ሲሆን፣ ከፖኪሞን ማዕከሉ አጠገብ ወዳሚገኘው አግዳሚ ወንበር ይሂዱ። እዚያ ለጥቂት ደቂቃዎች ተቀምጠው በማሳለፍ ፖኪሞኖችን ዳግም ማስጀመር ይችላሉ። ይህንን ሂደት በመደጋገም አውዲኖ እስኪመጣ ድረስ መጠበቅ ይችላሉ። 

አውዲኖ ከመጣ በኋላ መያዙ ነው እንግዲህ ፈታኝ የሚሆነው! አውዲኖ ልትይዙት እንደመጣችሁ ስለሚረዳ ወዲያውኑ ለማምለጥ ይሞክራል። ስለዚህ፣ ምንም ነገር ከማድረጋችሁ በፊት የጨዋታ ሂደትዎትን ሴቭ አድርጉ። ሙከራዎ ካልተሳካ ወይም አምልጦዎት ከሄደ፣ ድጋሚ መጠበቅ ሳይጠበቅብዎ ሴቭ ካደረጋችሁበት መቀጠል እና እንደገና መሞከር ይችላሉ። 

በመቀጠል የግራውን ጆይስቲክ (L) በቀስታ በመጫን ቀስ ብለው ይጠጉት። ከሮጡ ወይም ትንሽ ድምጽ ካሰሙ አውዲኖ ደንግጦ ስለሚፈረጥጥ፣ ከጀርባው ቀስ በለው ይቅረቡት እና የፖኪ ኳስ (Poké Ball) ይወርውሩበት። 

እድልዎን ለማስፋት፣ የአውዲኖው ደረጃ ከፍ ያለ ከሆነ መደበኛ ፖኪ ኳሶች ላይሰሩ ስለሚችሉ ግሬት ቦል (Great Ball) ወይም አልትራ ቦል (Ultra Ball) ይጠቀሙ። የጣሉት ኳስ ካልሰራ ዝም ብለው ይጠብቁና እንቅስቃሴውን መከታተል ይጀምሩ፤ ከሸሸ ወዲያውኑ ጨዋታውን ይዝጉና ሴቭ ካደረጉበት ይጀምሩ። ይህ ዘዴ ሳይሸሽ ደጋግመው መሞክር ያስችልዎታል። 

ሌላው ስልት ደግሞ ሊያስተኛ ወይም ሽባ ሊያደርግ የሚችል ፖኪሞን መጠቀም ነው። ስፖር (Spore)፣ ስተን ስፖር (Stun Spore) ወይም ሲንግ (Sing) የሚባሉ ስልቶች አውዲኖን በቀላሉ መያዝ ያስችልዎታል። 

አውዲኖን ከያዙ በኋላ፤ ጠንካራ የመከላከል ችሎታዎች እና እንደ ዊሽ (Wish) እና ሂል ፐልስ (Heal Pulse) ያሉ ፈዋሽ ስልቶች ስላሉት ጥቃቶችን በመቋቋም ሌሎች ፖኪሞኖችዎ ጉዳት እንዳይደርስባቸው ማድረግ ያስችልዎታል። 

ይሄ ብቻ አይደለም፣ አውዲኖ ወደ ሜጋ አውዲኖ መቀየር የሚያስችለው ሜጋ ኢቮሉሽንም (Mega Evolution) ይጠቀማል። ይህ ለውጥ ችሎታውን በእጅጉ የሚጨምር ከመሆኑም በላይ ዓይነቱንም ይቀይረዋል። ይህን ለማድረግ ልዩ የሆነ ሜጋ ስቶን የሆነ ኦዲናይት (Audinite) ያስፈልግዎታል። ይህ ብርቅዬ ዕቃ አውዲኖ በውጊያ ወቅት በጊዜያዊነት ወደ ሜጋ አውዲኖ እንዲቀየር ያስችለዋል፣ በዚህም የFairy/Normal ዝርያ በመሆን፣ ፋይቲንግ (Fighting) እና ድራጎን (Dragon) ዓይነት ጥቃቶችን የበለጠ የመቋቋም አቅም ያገኛል። 

በትዕግስት፣ በተረጋጋ መንፈስ እና ትክክለኛ መሣሪያዎችን በመጠቀም ይህንን ኃይለኛ የመፈወስ አቅም ያለው ፖኪሞን ቡድንዎ ውስጥ ማካተት እና ፖኪሞን ሌጀንድስ፡ ዜድ-ኤ ውስጥ የሜጋ አውዲኖን ሙሉ አቅም መጠቀም ይችላሉ።