አፈትልኮ በወጣ መረጃ መሰረት ሳውዝ ፓርክ ፎርትናይትን ሊቀላቀል ነው፤ መቼስ ይለቀቃል?

ኢፒክ ጌምስ (Epic Games) እና የሳውዝ ፓርክ አዘጋጆች የሆኑት ትሬይ ፓርከር (Trey Parker) እና ማት ስቶን (Matt Stone) በቅርቡ ፎርትናይት ጋር ሽርክና ሊፈጥሩ እንደሚችሉ ተሰምቷል። ይህን መረጃ ያወጣው ሳምሊክስ (SamLeakss) የተባለ ታዋቂ አፈትላኪ መረጃዎችን አቀባይ ሲሆን፣ መረጃውንም ያገኘው የሳውዝ ፓርክን ተከታታይ ፊልሞችን አሰራጭ ድርጅት የሆነው ፓራማውንት (Paramount) ውስጥ ከሚሰራ ሰው መሆኑን ገልጿል። 

ኢፒክ ጌምስ እስካሁን በይፋ ያረጋገጠው ነገር ባይኖርም፣ ወሬው ግን በሰፊው በመናፈስ ላይ ይገኛል። በርካታ ውስጥ አዋቂዎች እንደ ካርትማን፣ ስታን፣ ካይል እና ኬኒ ያሉ ገፀ-ባህሪዎች ሊካተቱ እንደሚችሉም ተናግረዋል። Reddit ላይ በመሰራጨት ላይ የሚገኙ በርካታ ምስሎች በአድናቂዎች የተሰሩ ቢሆንም፣ ይሄን የመሰለ ትልቅ ሽርክና የእውነት ሊሆን እንደሚችል ይገመታል፤ በተለይ ፎርትናይት በቅርቡ ከሲምፕሰንስ (The Simpsons) ጋር ሽርክና መፍጠሩ ክላሲክ የቴሌቪዥን ፕሮግራሞች ጋር ሽርክና የመፍጠር ፍላጎቱን ማሳያ ነው። 

እስካሁን በይፋ የተለቀቁ ምስሎች የሌሉ ቢሆንም፣ አንዳንድ መረጃ ፈልፋዮች "SP_Event" የሚል ኮድ አግኝተዋል፣ ይህም "ሳውዝ ፓርክ" ማለት ሊሆን እንደሚችል ይገመታል። እንደዚህ አይነት ፍንጮችን መጠቀም ብዙውን ጊዜ በይፋ ማስታወቂያ ከመውጣቱ የተለመዱ ናቸው። ከኢፒክ ጌምስ የአለቃቀቅ ሂደት በመነሳትም 2025 መገባደጃ ላይ ሊወጣ እንደሚችል ይገመታል። በርካቶችም ፎርትናይትማሬስ (Fortnitemares) ከሚባለው የፎርትናይት የሃሎዊን (Halloween) ዝግጅት በኋላ ሊወጣ እንደሚችል ግምታቸውን አስቀምጠዋል። 

ከሁሉም በላይ ብዙዎችን ያጓጓው ነገር ፎርትናይት ሳውዝ ፓርክን እንዴት ጌሙ ጋር ሊያዋህዱት እንደሚችሉ ነው። ሳውዝ ፓርክ በሚያስቁ እና ባፈነገጡ ቀልዶቻቸው እና በማህበራዊ ጉዳዮች ላይ በሚሰነዝሩት ትችት እና ነቀፋ ይታወቃሉ። ስለዚህ፣ ኢፒክ ጌምስ በዚህ ሽርክና የሳውዝ ፓርክን ሙሉ ጭብጦች ከመጠቀም ይልቅ፣ የካርቱን ስታይሉን እና ተወዳጅ ንግግሮቹን በመጠቀም ይዘቱን ለሁሉም ሰው ተስማሚ ለማድረግ ይሞክራሉ ተብሎ ይጠበቃል።