ፎርትናይት patch v38.10 መቼ ነው የሚወጣው? ጨዋታውስ ላይ ምን ዓይነት ለውጦችን ያመጣል? 

የፎርትናይት v38.10 ማሻሻያ (patch) አሁን ላይ የመጨረሻ የሙከራ ምዕራፍ ላይ የሚገኝ ሲሆን የሲምፕሰንስ ሽርክናን ባስተዋወቀው እጅግ ምርጡን v38.00 ማሻሻያን ጅምር ተከትሎ የመጀመሪያው ትልቁ የውድድር ዘመኑ አጋማሽ ላይ የሚወጣ ማሻሻያ ለመሆን በዝግጅት ላይ ነው። ከEpic Games ውስጥ አዋቂዎች በተገኙ ፍንጮች መሠረት፣ ይህ የውድድር ዘመኑ አጋማሽ ላይ የሚወጣው ማሻሻያ ኖቬምበር 2025 መጀመሪያ ላይ፣ ምናልባትም ኖቬምበር 5 ወይም 6 ላይ እንደሚለቀቅ ተናግረዋል። 

ይህ v38.10 ማሻሻያ አዲስ የውድድር ዘመን የሚያመጣ ሳይሆን፣ አሁን ላይ ያለውን ይዘት የሚያሰፋ እንዲሁም የሚያሻሽል ነው። ከሚያመጣቸው ማሻሻያዎችም መካከል፦ Springfield ካርታ ጋር የተያያዙ በርካታ እክሎችን ያስተካክላል፣ በUnreal Engine 5.4 ላይ ያለውን አፈጻጸም ያሻሽላል፣ እንዲሁም በመረጃ ፈልፋዮች የተገኙ አዳዲስ ማስጌጫዎችን የሚያካተት ይሆናል። ከእነዚህም መካከል የሲምፕሰንስ ሽርክና ሁለተኛ ዙር ስኪኖች የሆኑትን ሊሳ እና ክርስቲ ዘ ክሎውን ይገኙበታል። 

በአጨዋወት ረገድም በርካታ ማሻሻያዎች ይጠበቃሉ። ባለፈው የውድድር ዘመን ላይ ተካተው የነበሩ የጦር መሳሪያዎች በተለይም ዶናት ማስወንጨፊያ እና ክርስቲ በርገር የተባለው የእጅ ቦምብን አቅም በተመለከተ በተጫዋቾች ዘንድ ብዙ ቅሬታዎች ከቀረቡ በኋላ ሙሉ ለሙሉ ሚዛናዊ እንዲሆኑ ተደርገዋል። እንዲሁም አዘጋጆቹ አንዳንድ የSpringfield ዞኖች ውስጥ የመከላከያ ጋሻዎችን የእድሳት ፍጥነትን ያስተካክላሉ ተብሎ ይጠበቃል፣ ይህም ብዙዎች አሁን ካለው የጨዋታ ፍጥነት አንፃር በጣም ቀርፋፋ ሆኖ ሊያገኙት ይችላሉ። 

መረጃ ፈልፋዮች ከv38.10 ጋር አብሮ ሊጀመር የሚችል "Springfield Mayhem" የሚባል ጊዜያዊ ዝግጅት ሊኖር እንደሚችል የሚጠቁም መረጃ አግኝተዋል። ይህ ጊዜያዊ ዝግጅት የDuff Beer glider፣ “Woohoo!” የትባለ የሆመር ኢሞት እና መላውን ቤተሰብ የሚያሳይ አኒሜሽን ሎዲንግ ስክሪን ያሉ ልዩ ሽልማቶችን የያዙ የሲምፕሰንስ ጭብጥ ያላቸው ውድድሮችን ያቀርባል። 

እንዲሁም v38.10 ማሻሻያ ለUEFN ደሴት ፈጣሪዎች፣ በተለይ በሲምፕሰንስ ካርታ ላይ ጥቅም ላይ የዋሉ የካርቱን ንድፎችን እና ተለዋዋጭ የብርሃን ኢፌክቶችን እና በርካታ የአፈጻጸም ማሻሻያዎችን ያካትታል። በተጨማሪም Epic Games yzet ፈጣሪዎች ባለ ድምጽ ወይም አኒሜሽን NPCsዎችን በቀላሉ መፍጠር የሚያስችላቸው አዲስ Asset System ለማስተዋወቅ አቅዷል፣ ይህም ፈጠራን በእጅጉ ሊያበረታታ የሚችል እና ለረጅም ጊዜ ሲጠበቅ የነበረ ማሻሻያ ነው። 

በአጠቃላይ፣ ይህ ማሻሻያ ለፎርትናይት ተጫዋቾች ብዙ አስደሳች ነገሮችን ይዞ ይመጣል ተብሎ ይጠበቃል። ጥያቄው፣ ዝግጁ ነዎት?