ፎርትናይት ላይ የሚገኙ የሲምፕሰን ስኪኖች ዋጋ እና መለቀቂያ ቀን 

አንዳንድ አፈትልከው የወጡ መረጃዎች የመጀመሪያዎቹን የሲምፕሰንስ ስኪኖች እና የሚለቀቁበትን ቀን ከወጡ በኋላ የፎርትናይት እና የሲምፕሰንስ ሽርክና መነጋገሪያ ጉዳይ ሆኗል። ወሬ ብቻም አይደለም፤ የSpringfield ነዋሪዎች ፎርትናይት ላይ በይፋ እንደሚመጡ ብዙ አመላካች መረጃዎች ወተዋል። 

አንዳንድ መረጃ አቀባዮች እንዳሉት ከሆነ፣ የመጀመሪያዎቹ የሲምፕሰንስ ስኪኖች ቀጣዩ የውድድር ዘመን የሚጀመርበት ኖቬምበር 1፣ 2025 አካባቢ እንደሚወጡ ጠቁመዋል። ይሄ ሁሉ የጀመረው "Eat my Shorts – El Barto" የሚል ማስታወቂያ የፎርትናይት ድረ ገጽ ላይ በመታየቱ ሲሆን፤ ይህም ባርት ሲምፕሰንን በቀጥታ የሚያመለክት መሆኑ የሚያጠራጥር ጉዳይ አይደለም። ከዚያን ጊዜ ጀምሮ ብዙ መረጃዎች እየወጡ ሲሆን፣ ታዋቂ የሆኑ የበርካታ ገጸ-ባህሪያት 3D ሞዴሎችም ይገኙበታል። 

በቅድሚያ የተረጋገጠው ስኪን የሆመር ሲምፕሰን ሲሆን፣ ብቻውን እና እንደ ቤተሰብ ጥቅል ይገኛል። ይህ ጥቅል ማርጅ ሲምፕሰንን፣ እስከ ታዋቂው ሰማያዊ ፀጉሯ እና የወለን ማጽጃዋን መሰረት በማድረግ የተሰራ መከትከቻ (pickaxe) ያካትታል። ጥቅሉ ኔድ ፍሌንደርስን እስከ አረንጓዴ ሹራቡ እና ባርት ሲምፕሰንን ከስኬትቦርዱ ጋር ያካትታል። አንዳንድ መረጃዎች ሊሳን የጠቀሱ ቢሆንም፣ የመጀመሪያው ዙር ላይ ላትካተት ይችላል። 

ዋጋውን በተመለከተ፣ እስካሁን በይፋ የተረጋገጠ ነገር የለም፣ ነገር ግን የEpic Gamesን የተለመደ መዋቅር ይከተላል ተብሎ ይጠብቃል። በተለምዶ፣ አንድ ፕሪሚየም ስኪን ከ1,500 እስከ 2,000 V-Bucks የሚያወጣ ሲሆን፣ ሙሉ ጥቅሎች ደግሞ ከ3,000 V-Bucks ድረስ ይሸጣል። እንዲሁም ውስጥ አዋቂዎች "Springfield Set" የሚባል ጥቅል ሊሚኖር እንደሚችል የጠቆሙ ሲሆን፣ ይህም አራቱን ዋና ገጸ-ባህሪያት፣ አዲስ Loading screen እና ሆመር ዶናት ሲበላ የሚያሳይ ኢሞትን ይጨምራል። 

መረጃዎች እንደሚያመለክቱት የSpringfield ካርታ በአነስተኛው የውድድር ዘመን ላይ የሚገኝ ይሆናል። ተጫዋቾችም የኑክሌር ኃይል ማመንጫውን፣ ኤቨርግሪን ቴራስ እና ክዊክ-ኢ-ማርትን መጎብኘት እና ከሲምፕሰን ቤተሰብ ጋር ተያያዥነት ያላቸው ጊዜያዊ ተልዕኮዎችን የመወጣት እድል ያገኛሉ። እነዚህ መረጃዎች እውነት ከሆኑ፣ ፎርትናይት ካደረጋቸው ሽርክናዎች ትልቁ እና እጅግ ተወዳጅነትን የሚያተርፍ መሆኡ ምንም ጥርጥር የለውም።