ARC Raiders ላይ የSkill Tree አወቃቀርን እንዴት ድጋሚ ማስጀመር
ይቻላል?

ARC Raiders ውስጥ የገፀ-ባሕርይዎን ብቃት የሚወስነውን Skill Tree ድጋሚ ማስጀመር ከፈለጉ ሁለት ዋና
ዋና መንገዶችን መጠቀም ይችላሉ። አንደኛው ቀላልና ፈጣን ሲሆን፣ ሁለተኛው ደግሞ ትዕግሥትን የሚጠይቅ ግን
ቀጣይነት ያለው አዋጭ የሆነ መንገድ ነው።

Skill Treeዎን ድጋሚ ማስጀመሪያ የሚችሉበት ቀላሉ መንገድ Respec ማድረግ ወይም የብቃት ነጥብዎን
ድጋሚ ማደላደል ሲሆን፤ የCold Snap ማሻሻያ ከመጣ ወዲህ Raider ሜኑ ውስጥ በመግባት እና skill tree-ዎን
በመክፈት ኮምፒውተርዎ ላይ የR ቁልፍን መጫን፣ ወይም የስክሪኑ ግርጌ ላይ የሚገኘውን ቁልፍ በመጫን ሙሉ
በሙሉ ድጋሚ ማስጀመር ይችላሉ። ይሁንና ዋጋው እጅግ ውድ ነው። እንዲሁም ደረጃዎ ከፍ ባለ ቁጥር
የሚጠይቀው ዋጋም በዛው ልክ ይጨምራል። ለምሳሌ፦ ደረጃዎ 75 አካባቢ ከሆነ በግምት ወደ 152,000 Pieces
ሊያስከፍልዎ ይችላል። ይህም ከሉት እና ተልዕኮዎች ከሚያገኟቸው ሳንቲሞች የሚከፈል ነው። ከዚህም
በተጨማሪም፣ በተደጋጋሚ respec ባደረጉ ቁጥር ዋጋው ይበልጥ እየጨመረ ይሄዳል፤ ስለዚህ ለመግዛት
ከመወሰንዎ በፊት ቆም ብለው ቢያስቡ ይመከራል።

ይህ አማራጭ በተለይ ያዋቀሩትን Build ማስተካከል ከፈለጉ፣ እንደ Survival ወይም Mobility ያሉ ዘርፎችን
ለማጠናከር፣ ወይም ደግሞ ያላችሁን ደረጃ እና ንብረት ሳታጡ አዳዲስ የPvP ወይም የ-Anti-ARC ስልቶችን
መሞከር የሚፈልጉ ከሆነ ሊሞክሩት የሚገባ አማራጭ ነው።

በአዲስ መንፈስ መጀመር የሚፈልጉ ከሆነ ደግሞ Expedition የተባለ አማራጭ አለ። ይህ መንገድ ከበድ ያለ
ቢሆንም፣ ቀጣይነት ያለው አዋጭ መንገድ ነው። Expedition በCodex በኩል ደረጃ 20 ላይ ሲደርሱ የሚከፈት
ሲሆን፤ ሂደቱም ቀላል ነው፦ በየ 60 ቀናት ውስጥ የተለያዩ ደረጃዎችን ማጠናቀቅ፣ በተቀመጠው የጊዜ ገደብ
ውስጥ መመዝገብ እና ጉዞውን መጀመር ነው። የመጀመሪያው Expedition መመዝገቢያ ቀን ከDecember 17
እስከ December 22፣ 2025 የነበረ ሲሆን፣ መነሻውም December 22 ላይ ተካሄዷል።

አንዴ ከወጣችሁ በኋላ የRaider ደረጃዎ፣ Skill Treeዎ እና ንብረቶችዎ ሙሉ በሙሉ ከዜሮ ይጀምራሉ። ሆኖም
ግን ኮዴክስዎ (Codex)፣ የገነቧቸው ጣቢያዎች፣ አልባሳት (Cosmetic) እና ያጠናቀቋቸው ትራያልስ (Trials)
አብረው የሚቀጥሉ በመሆኑ ሂደቱ ይህን ያህል ከባድ አይሆንብዎትም።

የዚህ ዋና ጥቅም የሚገኘውም በሚሰበስቧቸው ጉርሻዎች ነው። እያንዳንዱ ኤክስፒዲሽን እስከ 5 የሚደርሱ
ተጨማሪ የብቃት ነጥቦችን (ለእያንዳንዱ ነጥብ 1 ሚሊዮን ኮይንስ) የሚያስገኙ ሲሆን፣ እንዲሁም ተጨማሪም
XPዎች፣ ለቁሳቁስ ግኝት እና ለጥገና የሚረዱ ቋሚ የጥንካሬ ማሻሻያዎችን (Buffs) ያገኛሉ። በሚሊዮን
የሚቆጠሩ ኮይኖችን የሚጠይቅ ቢሆንም፣ የተሟላ Skill Treeን ማግኘት የሚችሉበት ብቸኛው መንገድ ነው።

መልካም ጨዋታ !