ስለ አዲሱ የFortnite እና South Park የጨዋታ ሞድ Quints ማወቅ
ያለባችሁ ጉዳዮች

ከSouth Park ጋር በተደረገው አዲስ ሽርክና፣ ፎርትናይት Quints የተሰኘ አዲስና ልዩ የጨዋታ ሞድ ይዞ ብቅ
ብሏል። ይህ ሞድ በተለይ ከጓደኞቻችሁ ጋር በቡድን ለምትጫወቱ ተጫዋቾች የጨዋታውን ፍሰት ሙሉ በሙሉ
የሚቀይር በመሆኑ፣ እንዴት እንደሚሠራ ቀድሞ መረዳቱ ለድል ያበቃችኋል።

ሀሳቡ ቀላል ግን ወሳኝነት ያለው ነው፣ ከለመድነው የተናጠል፣ ለሁለት ወይም ለአራት ከሚደረግ ጨዋታ ይልቅ፣
የአምስት ተጫዋቾች ጥምረት በመፍጠር የምትወዳደሩበት ነው። ይህ አሠራር ፍልሚያዎቹ ይበልጥ ጠንካራ እና
የተቀናጁ እንዲሆኑ ያደርጋል። የሚጠብቋቸው አጋሮች መብዛት፣ የሚቀየሱ ስልቶች መወሳሰብ እና በጨዋታው
ማብቂያ ላይ የሚፈጠረው ትርምስ የSouth Park ዓለምን እውነተኛ ድባብ በፎርትናይት ውስጥ እንዲነግስ
ያደርገዋል።

Quintsን በመደበኛው Battle Royale ወይም በZero Build ሞድ ውስጥ መጫወት ትችላላችሁ። ይህም እንደ
ምርጫችሁ ክህሎታችሁ መገንባት ላይ ወይም የተኩስ ብቃታችሁ ላይ ብቻ ትኩረት አድርጋችሁ እንድትጫወቱ
ዕድል ይሰጣችኋል። የዚህ ሞድ ሌላው ልዩ ባህሪ የተጫዋቾች ዳግም የመመለስ (Respawn) ስርዓቱ ነው። አንድ
የቡድናችሁ አባል ድንገት ቢገደል እንኳን፣ በዚህ ሞድ ብቻ በተዘጋጀ ልዩ አሠራር ተመልሶ ወደ ጨዋታው የመግባት
ዕድሉ ሰፊ ነው። ይህም ቡድናችሁ በአጭር ጊዜ ውስጥ ተሸንፎ ከጨዋታው እንዳይወጣ እና እስከ መጨረሻው
ድረስ አጓጊ ፍልሚያ እንዲኖራችሁ ይረዳል።

ከመደበኛ ቡድኖች አሰራር በበለጠ ኩዊንትስ ውስጥ ጠንካራ ግንኙነት መኖሩ ከምንም በላይ ወሳኝ ነው።
እያንዳንዱ ተጫዋች የየራሱ ሚና ሊኖረው ይገባል። አንዱ ተጫዋች ቁሳቁሶችን መሰብሰብ (Looting) ላይ
ትኩረት ሲያደርግ፤ ሌላኛው እንደ Stick of Truth ያሉ የSouth Park ልዩ መሣሪያዎችን በአግባቡ ጥቅም ላይ
ያውላል፤ አንዱ ደግሞ የቡድኑን ደህንነት እንዲጠብቅ Support ሚናን ቢጫወት ውጤታማ ትሆናላችሁ። ይህ
የጨዋታ ሞድ ላይ በተለይ የማፑን ቁልፍ ቦታዎች ለመቆጣጠር ወይም በሽርክናው የተተካተቱ አዳዲስ ነገሮች
ለመጠቀም በቡድን ላይ የተመሰረቱ ስልቶችን መተግበር እጅጉኑ ይመከራል።

ምንም እንኳን አብዛኞቹ መሣሪያዎች እና ቁሳቁሶች ከመደበኛው ሞድ ጋር ተመሳሳይ ቢሆኑም፣ በSouth Park
አካባቢዎች የሚገኙ ልዩ ቁሳቁሶች ግን በQuints ሞድ ውስጥ የላቀ ጥቅም አላቸው። በተለይ አምስት ሆናችሁ
በተቀናጀ ሁኔታ ጥቃት መሰንዘር እና ያልተደራጁ ቡድኖችን በቀላሉ ድምጥማጣቸውን ማጥፋት ያስችላችኋል።
ይህ አዲስ ሞድ በፎርትናይት ውስጥ አዲስ ስሜት እና የቡድን ስራን የሚጠይቅ በመሆኑ፣ ጊዜ ሳታባክኑ ከአምስት
ጓደኞቻችሁ ጋር በመሆን የQuints ሞድን አሁኑኑ ተቀላቀሉ።

መልካም ጨዋታ