Fortnite x Chainsaw Man፦ አዲስ አፈትልኮ በወጣ መረጃ መሠረት Epic
Games አዲስ ሽርክና ሊያደርግ መሆኑ ተሰማ

አንድ አዲስ ሽርክና በቅርቡ የፎርትናይት ደሴትን ሊያናውጥ ዝግጅት ላይ መሆኑ ከተስማ በኋላ፣ በተለይ የአኒሜ
(Anime) አፍቃሪያን ዘንድ ከፍተኛ ጉጉት አሳድሯል። ከተለያዩ ምንጮች በወጡና እርስ በእርሳቸው በሚገጣጠሙ
ጥቆማዎች መሠረት፣ Epic Games ባለፉት ጥቂት ዓመታት ውስጥ ከፍተኛ ደረጃ ተወዳጅነትን ካተረፈው
Chainsaw Man ተከታታይ ማንጋ (Manga) ጋር በሽርክና ለመሥራት እየተዘጋጀ መሆኑ ታውቋል። ምንም
እንኳ ጉዳዩ እስካሁን በይፋ ባይረጋገጥም፣ ፍንጮቹ ከቀን ወደ ቀን ከፍተኛ መነጋገሪያ አጀንዳ እየሆኑ መጥተዋል።

በመጀመሪያ ሲናፈስ የተሰማው ወሬ ከዚህ ቀደም የፎርትናይት ሽርክናዎችን አስቀድመው በመተንበይ ከሚታወቁ
ታማኝ መረጃ አቀባዮች ነበር። እንደነሱ አባባል ከሆነ፣ ሽርክናው በEpic Games ዘንድ ሙሉ በሙሉ በሚባል
ሁኔታ የተጠናቀቀ ሲሆን፣ ከሚታሰበው በላይ እጅግ በቅርቡ በይፋ ከተፍ ሊል እንደሚችል ጠቁመዋል። እርግጥ
ነው፣ እንዲህ ያሉ መረጃዎች ይፋዊ መግለጫ እስኪወጣላቸው ድረስ በጥንቃቄ መታየት ይኖርባቸዋል፤ ሆኖም ግን
የተለያዩ የመረጃ ምንጮች ስለዚሁ ፕሮጀክት በተመሳሳይ መልኩ መዘገባቸው የመረጃውን ተዓማኝነት እጅግ ከፍ
እንዲል አድርጎታል።

ወደ ይዘቱ ስንመጣ፣ የሽርክናው ዋና ገፀ-ባሕርይ ዴንጂ (Denji) ይሆናል ተብሎ ይጠበቃል። የወጡት መረጃዎች
እንደሚጠቁሙት ከሆነ፣ የዴንጂ አልባሳት በተለያዩ ዘይቤዎች የሚቀርቡ ሲሆን፤ ይህም የሰው እና ሙሉ
የChainsaw Man ገጽታ ከታዋቂው የሞተር መጋዝ በመታጀብ እንደሚቀርብ ጠቁመዋል። ከዴንጂ በተጨማሪም
እንደ Power፣ Aki Hayakawa እና Makima ያሉ ዋና ገፀ-ባሕሪያት በዝርዝሩ ውስጥ እንደሚካተቱ እየተነገረ
ሲሆን፣ በተሟላ ጥቅል መልኩም ለገበያ ሊቀርቡ እንደሚችሉ ተጠቁሟል። ከዚህ ቀደም ከተደረጉ ሌሎች የአኒሜ
ሽርክናዎች በመነሳትም፣ እንደ pickaxes፣ back blings፣ emotes እና ምናልባትም ከተከታታይ መጽሐፉ
ድቅድቅ እና አስፈሪ ዓለም ጋር የተያያዙ መብረሪያዎችም (gliders) አብረው እንደሚመጡ ይጠበቃል።

ሌላው የተጫዋቾችን ጉጉት የጨመረው ጉዳይ ደግሞ፣ ከChainsaw Man ጋር ተያያዥነት ያላቸው አንዳንድ
ፍንጮች በፎርትናይት በተለይም Fortnite Festival ውስጥ መስታዋላቸው ነው። Epic Games እንዲህ ያሉ
ታላላቅ ሽርክናዎችን በይፋ ከማወጁ በፊት በተጫዋቾች ዘንድ ጉጉትን ለማጫር እንዲህ ያሉ ረቂቅ ዘዴዎችን
መጠቀም የተለመደ ስልቱ ነው።

እስካሁን ድረስ ዝግጅቱ ለገበያ የሚቀርብበት ትክክለኛ ቀን በይፋ አልታወቀም። አንዳንድ መላምቶች ግን ከፍተኛ
ተጽዕኖ መፍጠር እንዲቻል አሁን ያለው ምዕራፍ ከመጠናቀቁ በፊት ወይም ቀጣዩ ምዕራፍ እንደተጀመረ ሊጀመር
እንደሚችል ያመለክታሉ። እስከዚያው ግን Epic Games በገጾቹ መረጃውን በይፋ እስኪያረጋግጥ ድረስ ነገሩን
በጉጉት መጠባበቅ ብቻ ነው ያለው አማራጭ