ስለ አዲሱ የFortnite እና South Park ሽርክና ማወቅ ያለብዎ ጉዳዮች

Fortnite እና South Park ማንም ያልጠበቀውን እና እጅግ አስደሳች የሽርክና ዜና ይዘው ብቅ ብለዋል። Born in
Chaos የተሰኘው ይህ ዝግጅት፣ የSouth Parkን ለየት ያለና አስቂኝ ገጽታ ከፎርትናይት ዓለም ጋር በማዋሃድ፣
ጨዋታው ውስጥ ልታስከፍቷቸው እና ልትጠቀሟቸው የምትችሉ አዳዲስ ይዘቶችን ይዞ መጥቷል።
ይህ ሽርክና ከJanuary 9 እስከ February 5፣ 2026 ድረስ የሚቆይ ሲሆን፣ እንደ Battle Royale እና Zero
Build ባሉ መደበኛ ሞዶች ውስጥ ይገኛል። Epic Games ጥቂት አልባሳትን (skins) ወደ መደብሩ ከማካተት
ባለፈ፣ ለዝግጅቱ ልዩ ይዘት ያለው ቦታን፣ ልዩ ልዩ ቁሳቁሶችን፣ ተልዕኮዎችን እና አነስተኛ የዝግጅት ኩነቶችን
አካቷል።

የዚህ ሽርክና ዋናው አስደናቂ ጉዳይ በፎርትናይት ዘይቤ የተሰሩት የSouth Park ገፀ-ባሕሪያት መኖራቸው ሲሆን፤
መደብሩ ውስጥ የCartman፣ Stan፣ Kyle፣ Kenny እና Butters አልባሳትን ያገኛሉ። እያንዳንዳቸውም
የገፀ-ባሕሪያቱን ማንነት ሳይለቁ በፎርትናይት mech ዲዛይን ተደርገው ተዘጋጅተዋል። የአንድ አልባስ ዋጋ 1,500
V-Bucks አካባቢ ሲሆን፣ ሁሉንም በአንድ ላይ መግዛት ለሚፈልጉ ደግሞ እንደየዕለቱ ቅናሽ ከ3,200 እስከ 3,800
V-Bucks የሚሸጥ ጥቅል ቀርቧል። በተጨማሪም ተንሳፋፊው ታውሊ ለብቻው በ1,200 V-Bucks ለገበያ
ቀርቧል።

ዝግጅቱ ከአይነግቡ ጭማሪዎቹ ባለፈ Stick of Truth የተሰኘ ድንቅ መሣሪያም ይዞ መጥቷል። ይህ መሣሪያ
በጨዋታ መኃል የሚያገኙት ሲሆን ጠላትን ወደኋላ ለማስፈግፈግ እና ለተወሰነ ጊዜ ለማደንዘዝ (stun) መጠቀም
ይቻላል። ይህም በውጊያ ወቅት አስደናቂ የበላይነትን መጎናጸፍ ያስችልዎታል።

ሌላው ገንዘብ ማውጣት ለማይፈልጉ ተጫዋቾች፣ Epic Games ከዝግጅቱ ጋር የተያያዘ ነፃ mini Battle Pass
አዘጋጅቷል። ልክ እንደ መደበኛው የባትል ፓስ፣ የSouth Park ተልዕኮዎችን በመወጣት ደረጃዎን ማሳደግ እና
እንደ emotes፣ sprays እና back blings ያሉ ሽልማቶችን በነፃ ማግኘት ይችላሉ።

መልካም ጨዋታ