ARC Raiders ላይ “A New Type of Plant” ተልዕኮን በቀላሉ
ለመወጣት የሚረዱ ዘዴዎች

ARC Raiders ውስጥ “A New Type of Plant” የተባለውን ተልዕኮ የሚሰጣችሁ በSperanza የሚገኘው
ፋርማሲስቱ ላንስ ነው። ይህ ተልዕኮ እንደ vita sprays ያሉ የላቁ የሕክምና ቁሳቁሶችን ለማስከፈት የሚረዳ
Baron carcass አካባቢ የሚበቅል መርዛማ ተክልን እንዲያመጡ ያዛል። ነገሩ ሲሰሙት ቀላል ቢመስልም፣ ተክሉ
የሚገኝበት ቦታ ግን ለደህንነት እጅግ አስጊ ነው።

ተልዕኮው የሚከናወነው Dam Battlefield በሚባለው ማፕ ላይ፣ ከማዕከላዊው ክፍል በስተምዕራብ በሚገኘው
የቀድሞው የውጊያ ቀጠና ውስጥ ሲሆን፣ ካርታዎ ላይ አካባቢውን ምልክት ካደረጉበት ቦታውን ለማግኘት
አይቸገሩም፤ Baron carcass ከፍርስራሾቹ መካከል በግልጽ የሚታይ ሲሆን፤ በአካባቢውም ጥቂት የARC
ጠላቶች ሲዘዋወሩ ማየት የተለመደ ነው።

ይህ ተልዕኮ በአንድ ዙር አጠናቀው፣ በሕይወት መውጣትን የሚጠይቅ በመሆኑ ተክሉን ከሰበሰቡ በኋላ አደጋ
ቢገጥምዎት እንኳን ተክሉን እንዳያጡ አስተማማኝ ከረጢት ይዘው መግባትዎን እርግጠኛ ይሁኑ።
ወደ ቦታው የደቡብ አቅጣጫን ይዘው ከመሄድ ይቆጠቡ። ይልቁን በሰሜን በኩል በመግባት መንገድዎ ላይ ከPops
ወይም Bolide ጥበቃዎች ጋር የመጋጨት ዕድልዎን በእጅጉ መቀነስ ያስችልዎታል።

አንዴ ቦታው ላይ ከደረሱ ተክሉን ለይቶ ማወቅ ብዙም አይቸግርዎትም። በአፅሙ ዙሪያ ከሌሎች ተክሎች ወጣ
ያሉ፣ ደመቅ ያሉ ቀይ ቁጥቋጦዎች ያገኛሉ። እነዚህ ቁጥቋጦዎች ብርሃን የሚረጩ እና መጠናቸውም በአካባቢው
ከሚገኙ እፅዋቶች አንፃር ተለቅ ያለ ነው። ተክሉን ለመቅጠፍ ምንም ዓይነት ልዩ መሣሪያ አያስፈልግዎትም፤ ዝም
ብለው በመጠጋት ብቻ መቅጠፍ ይችላሉ። ራስዎን ለአደጋ እንዳያጋልጡ ለBaronኑ ይበልጥ ቅርብ የሆኑትን
ተክሎች ቅድሚያ በመስጠት፤ ወዲያውኑም ወደ ከረጢትዎ ያስገቧቸው።

የARC ጠላቶች ወዳሉበት ቦታ ከተጠጉ ድምፅ ሳያሰሙ ለማለፍ ይሞክሩ፣ ካልሆነም የጭስ ቦምብ በመጠቀም
ትኩረታቸውን በመበተን አካባቢውን ለቀው ይውጡ። ሌሎች ተጫዋቾች ተክሉን ሊነጥቁዎ ባይችሉም፣ ነገር ግን
በሕይወት ሳይወጡ ሜዳ ላይ ከቀሩ ተልዕኮው ውድቅ እንደሚሆን መዘንጋት የለብዎትም።

በሰላም ተልዕኮውን እንዳጠናቀቁ 1 vita spray እና 5 antiseptics ይሸለማሉ። ይህም ረጅም ጊዜ ለሚወስዱ
ወረራዎች ትልቅ አቅም ይሰጥዎታል። በተጨማሪም ይህ ተልዕኮ በዚያው አካባቢ ከሚከናወነው “Latent Barons”
ተልዕኮ ጋር የሚጣጣም በመሆኑ፣ ሁለቱንም በአንድ ጊዜ በመስራት ጊዜዎን እና ጉልበትዎን መቆጠብ ይችላሉ።
እንዲሁም የተሻለ ውጤታማ እንዲሆኑ ድምፅ አልባ መሣሪያ መጠቀምዎን እና በስተምዕራብ አቅራቢያ በኩል
የሚገኙ መውጫዎችን መምረጥን አይርሱ።

መልካም ጨዋታ