Where Winds Meet፦ አንት ሃን ለምን ድንገት ተሰወረች? የት ልናገኛትስ
እንችላለን?

በWhere Winds Meet ዓለም ውስጥ አንት ሃን (Aunt Han) ገና ጨዋታው ሀ ብሎ ሲጀመር ሰለስቲያል ፒየር
(Celestial Pier) አካባቢ በቋሚነት የምታገኟት ገጸ-ባሕርይ ብትሆንም፣ Heaven Has No Dock የተሰኘው
ምዕራፍ ላይ ነገሮች ሁሉ ሲዘበራረቁ በድንገት ትሰወራለች። የመጥፋቷ ጉዳይ ጌሙ ላይ ስህተት አጋጥሞ ወይም
ገጸ-ባሕርይዋ ተረስታ ሳይሆን፣ በቀጥታ በጂያንግሁ (Jianghu) በነበራት ያለፈ ታሪክ እና ቺንግሄ (Qinghe) ጋር
ተያያዥነት ያላቸው ከበድ ያሉ ምስጢሮች ጋር የተያያዘ ነው።

የጨዋታው ጅማሮ ላይ አንት ሃንን አብዛኛውን ጊዜ የምታገኟት የመንደሩ እምብርት ላይ የሚገኘው Blissful
Retreat ሆቴል ውስጥ ሲሆን እዚያም ከመንደሩ ነዋሪዎች ጋር የዕለት ተዕለት ሕይወቷን ስትመራ እና ስብከቶች
ላይ ስትሳተፍ ታገኟታላችሁ። እንደ A Horse Neighs in the Forest እና Heaven Has No Dock ያሉ ዋና
ተልዕኮዎችም ወደ እሷ ዘንድ በተደጋጋሚ ይወስዷችኋል። በእነዚህ ጊዜያት አንት ሃን በሰለስቲያል ፒየር ነዋሪዎች
ዘንድ ልክ እንደ እናት የምትታይ፣ ውጥረቶችን የምታረግብ እና ሕጻናትን የምትንከባከብ የታመነች ጠባቂ ሆና
ያገኟታል።

ከዛም ነገሮች ሁሉ መልካቸውን የሚቀያይሩበት አስፈሪ ምሽት ይመጣል። በዛ ምሽት ጭንብል የለበሱ ኃይሎች
መንደሩ ላይ ደንገተኛ ጥቃት በመጣል አካባቢውን በሙሉ ትርምስምሱን ሲያወጡት፤ በዚህ መሀል አንት ሃን
በድንገት ትሰወራለች። ወደ Blissful Retreat ተመልሳችሁ ብትፈልጓትም፣ የምታገኙት ዱዱን (Doudou) ብቻ
ይሆናል። ዱዱም አንት ሃን "እንደ አስማተኛ" ድንገት የመጥፋት ልማድ እንዳላት በረጋ መንፈስ ይነግራችኋል።
ከዚህ በኋላ ጨዋታው በAn Urgent Word ተልዕኮ አማካኝነት ወደ ሆቴሉ እና ወደ Evercare Clinic
የምታቀኑበት እድል ያቀርብላችኋል። ከዚያም ፍንጮቹን አንድ በአንድ ማገጣጠም ስትጀምሩ ከክሊኒኩ ስር
የተደበቀ እና በቀጥታ ከአንት ሃን ታሪክ ጋር ተያያዥነት ያለው ምስጢራዊ መተላለፊያ ወደ Still Shore ደንጅን
(dungeon) እንደሚወስዳችሁ ትረዳላችሁ። በአጭሩ አንት ሃንን በሰለስቲያል ፒየር ካጣችኋት፣ ቀጣዩ ሥራችሁ
ሊሆን የሚችለው ቺንግሄን፣ ሆቴሉን እና ክሊኒኩን መመርመራችሁን መቀጠል ነው።

እውነታው ሲጋለጥም አንት ሃን ተራ የሆቴል ባለቤት ሳትሆን Lady of the Water በመባል የምትታወቅ፣ የፊቷን
ገጽታ በመቀየር የተካነች እና በከፍተኛ የፖለቲካ ሰርጎ-ገብነት ሥራ ላይ የተሰማራች ሴት መሆኗል ትረዳላችሁ።
የሰበሰበቻቸውም ምስጢራዊ ፋይሎች እና ምርምሮች ስለጭንብል ለባሽ ጠላቶች እስከ ሰለስቲያል ፒየር ድረስ
የሚያሰሱ ናቸው። አንት ሃንም መሰወርን የመረጠችው እነዚህ አደገኛ ፋይሎች የተሳሳተ አካል እጅ ውስጥ
እንዳይገቡ እና የመንደሩን ነዋሪዎች ከአደጋ ለመከላከል በማሰቧ ነው