Where Winds Meet፦ ሀኦ ጂዩን የት ልናገኘው እንችላለን? የትኞቹንስ
መልሶችስ መምረጥ ይኖርብናል?

ሀኦ ጂዩን በቺንግሄ (Qinghe) ግዛት ውስጥ፣ ከEvercare Clinic ጠቋሚ ድንጋዮች (Boundary Stone)
በስተደቡብ በኩል፣ በBlissful Retreat መንደር አቅራቢያ ባለው የወንዝ ዳርቻ ታገኙታላችሁ። ይሁን እንጂ
የጨዋታው የመጀመሪያ ምዕራፍ እንደተጠናቀቀ ቦታውን በመቀየር ወደ ሙንቬይል ተራራ (Moonveil
Mountain) ሰሜናዊ ምዕራብ አቅጣጫ ይዛወራል። እሱን ማግኛ ቀላሉ መንገድ ወደ Evercare Clinic ጠቋሚ
ድንጋይ ፈጣን ጉዞ (Fast Travel) በማድረግ በሰሜን ወይም በምስራቅ አቅጣጫ አነስተኛ መደብሩን እስክታገኙ
ድረስ መፈለግ ነው። አንዳንዴ በተናጠል ጨዋታ (Solo play) ወቅት ላይግኝ ስለሚችል፣ ወደ ቡድን ጨዋታ
(Co-op) በመቀየር ገጸ-ባሕርዩ ቦታው ላይ እንዲገኝ ያደርገዋል።

አልፎ አልፎም በምዕራብ ቺንግሄ በሚገኘው Harvestfall መንደር አካባቢ የሚገኙት ወይኖቹ ለWell of Heaven
sect ተልዕኮዎች የሚያስፈልጉ ዕቃዎችን ለማግኘት ይረዷችኋል።

በሀኦ ጂዩ መደብር ውስጥ እያንዳንዱ ጠርሙስ ወደድ ባለ ዋጋ በ9,998 ሳንቲሞች ይሸጣሉ። ምስጢሩም
የትኛውንም ዓይነት ከ8 እስከ 10 የሚደርሱ የወይን ጠርሙሶችን ገዝታችሁ በተከታታይ በፍጥነት መጠጣት ነው።
ልክ በደንብ ስትሰክሩ Drunken Poet የተሰኘውን ልዩ የጥቃት ብቃት ይከፈትላችኋል። ይህ ብቃት ተከታታይ
ጥቃቶችን በመሰንዘር ጠላትን ድምጥማጡን የሚያጠፋ ሲሆን Drunken Mist የተሰኘ ተጨማሪ ተፅዕኖንም
ያሳርፋል። ሆኖም ግን ከመጠን በላይ ከጠጣችሁ ገጸ-ባሕርያችሁ የአልኮል ሱስ ውስጥ ሊገባ ይችላል፤ ሆኖም ግን
Evercare Clinic ውስጥ ጥቂት በሺህ የሚቆጠሩ ሳንቲሞችን በመክፈል ከሱሱ እንዲያገግም ማድረግ
ትችላላችሁ።

የሀኦ ጂዩ ወይኖች ሌላው ጥቅማቸው ለተለያዩ የቡድን ተልዕኮዎች የሚያስፈልጉ ሕገ-ወጥ የጥቁር ገበያ ላይ
የሚገኙ ዕቃዎችን ማስክፈት መቻላቸው ነው። ምንም እንኳን ነገሩ በእድል (RNG) ላይ የተመሠረተ ቢሆንም፣
በሂደት ግን እጅግ አዋጭ እየሆኑ ይሄዳሉ።

ሀኦ ጂዩ ነጋዴ ጋር የምታደርጓቸው ንግግሮችም በጂያንግሁ (Jianghu) ዘንድ ሊኖራችሁ የሚችለውን
ተቀባይነትንም ይወስናሉ። ከፍተኛ ተቀባይነት ለማግኘት የሚከተሉትን መልሶች ይመልሱ፦ ወይኑ እና መሸጫ
ዋጋው የሚመጣጠኑ መሆኑን ሲጠይቃችሁ ትኩረታችሁን ወይኑ ላይ ሳይሆን ወይኑ ያዘለው ታሪክ ላይ መሆኑን
ግለጹለት። ስለ ውድ መሸጫ ዋጋው ሲያወራ፤ እውነተኛ ዋጋው ያለው የሳንቲሙ ብዛት ላይ ሳይሆን በስካሩ ውስጥ
በሚገኘው ነፃነት ላይ እንደሆነ ንገሩት። አንድ ጀግና መጠጣት ወይስ ሳይጠጣ በንቃት መቆየት አለበት? ብሎ
ሲጠይቃችሁ ደግሞ፤ የባለቅኔው-ተዋጊ ጉዞ የሚለውን መልስ ምረጡ።

እነዚህን መልሶች በመምረጥ የዋጋ ቅናሾችን፣ ልዩ ፍንጮችን እና በስካር ድባብ ላይ የተመሠረቱ የዕደ-ጥበብ
አማራጮችን ማግኘት ትችላላችሁ።

መልካም ጨዋታ